ههههههههههههههههههههههههه هه
عرض للطباعة
الوزير الاهبل ده و كلامه كله فارغ و غير منطقي و لا هيحصل ابدا ....
الاسباب :
1- لازم يشوفوا طريقة لحكاية الكروت الذكية في البنزينات
2- الشعب مستوي و معندوش استعداد يتحمل زيادة اسعار الوقود
3- السعة اللترية مش مرتبطة بمستوى رفاهية العربية ( باسات ب 240 الف و 1400 سي سي و ساجا ب 70 الف و 1300 سي سي )فالتقييم كده غلط
4- وجود سعرين لنفس السلعة هيخلق سوق سودة و عمليات تهريب
كل اللي قاله ده لا يتعدى انه هجايص تتقال في قعدة سكر و هرتلة مش اكتر , و بافتراض انه هيكمل جنان و يحاول يطبق .............. مجلس النواب هيرفض قانون تقليل الدعم او رقعه او البتاعة دي اللي عايز يعملها
الوزير صحح الكلام لحد 1600 cc
يا سيدى الفاضل انا لا اخوان ولا حاجة
بالعكس انا مختلف معهم سياسيا
لكن النقد لازم يكون موضوعى وبناء
انت ممكن تكره الاخوان فبالتالى تكره كل ما يفعله الاخوان سواء صح او غلط
ودا الغلط بعينه
انا انتقد الاخوان لو اخطأوا واؤيدهم لو اصابوا
ونفس الكلام على مرسى
كلنا ايدناه لما شال المشير وعنان
والمحايدين انتقدوه فى اعلانه الدستورى وادارته للبلد
نيجى بقى للمهم
يا سيدى الفاضل انا مش بعمل دعاية ولا حاجة
انا شغال فى قطاع البترول ووظيفتى انتاج البنزين وتوزيعة الى شركات التسويق والكلام دا من 13 سنة وعارف انا بقول ايه
اللى ايده فى الميه غير اللى ايدة فى النار
واللى يشوف مقدمات اى قرار غير اللى ما يعرفشى اي اللى وراء هذه القرارات
انا اول واحد حكون متضرر من الكوبونات لو تعديت ال 1800 لتر سنويا
لكن فى سبيل المصلحة العامة اؤيد القرار
والتهريب دى حقيقة مؤكده لا جدال فيها واللى بيتمسك وبيتم الاعلان عنه لا يوازى 5 % من التهريب الحقيقى
وبكده الدعم بيروح لناس مهربين وتجار معدومى الضمير
حضرتك بتقول الدعم دا حيروح للغلابة ازاى
انا اقولك يا سيدى الفاضل
حضرتك متفق معايا ان دلوقتى فيه اهدار وتهريب فى دعم البنزين ورايع فى جيوب ناس معنهاش ضمير
طيب فلوس الدعم دى جاية منين , طبعا من ميزانية البلد
يعنى من ميزانية الصحة والتعليم والطرق والكبارى وخلافة
يعنى مؤثر وبشدة وواضح للعيان حال المستشفيات وحال الطرق وحال المدارس
لما توفر فى كل الحاجات دى وتوزعها على الاقل لمستحقيها وتمنع السبوبة عن كبار المهربين الفلوس دى حتروح لاماكن صرفها الحقيقية وبالتالى المواطن الغلبان حيعرف يتعالج ويتعلم ويوصل لبيته سليم من غير حوادث فى الطرق البايظة
دا الكلام المنصف بعيدا عن الاخوان او غيرهم بغض النظر هما حيطبقوه او حيفشلوا فى تطبيقة
-لازم البنزين يغلى,...ده بيتباع ببلاش تقريبا
-لازم الناس تتعلم نتوفر في موارد الطاقه و المياة واللي مش عايز يوفر يدفع بقى
طيب جميل جدآآآ والله انا واحد من الناس 150 لتر في الشهر هيكفوني وزيادة
بس انا بسئل سؤال محدد
انتا وفرت ايه في سبيل انك هتغلي البنزين
اضمن منين لما اركب موصلات مدفعش اجرة عالية جدآآ ضعف الضعف ؟
اضمن منين اني لما انزل السوق اشتري الحاجة علي الاقل بي سعرها الحالي ؟
وفرلي وسيلة موصلات حكومية و رقابة وبعدين الغي الدعم خالص
مع احترامي وتقديري لرأي حضرتكم الكريم وقناعتكم بمزايا عديدة لغلاء البنزين وتحديد ما يسمى بالدعم (وساقول اسفل لماذا ما يسمى دي)
إسمحلي ان أسألكم
حضرتك مقتنع بالكلام الي بتقوله ده
احنا بنستورد البنزين !!!!!! ياراجل بنزين ايه الي بنستورده
حضرتك ماتعرفش احنا بنصدر كام برميل يوميا !!!!! يمكن تصعق لو عرفت اد ايه مصر بلد مصدرة للبترول مش مستوردة
حضرتك فاكر ان صحيح فيه دعم على البنزين الحالي ؟!!!
طبعا لا هما بيكسبه فيه فعلا ومبارك ماكنش عبيط ولا امير وبيحس بالشعب اوي كده علشان يعمل دعم على البنزين كل الحكاية ان الطمع في نهب الشعب زاد عن الاول
هما ياصديقي بيحسبوا تمن البنزين لو باعوه لاوروبا هيبقى بكام وبعدين يحسبوا بيبيعوه في داخل البلد بكام والفرق بيعتبروا انهم خسروه وبيعتبروه اسمه دعم والحقيقة انه فلوس خسروها علشان ماكسبوش فينا زي مابيكسبوا في الاجانب وكسبوا اقل .... والا لو بيدفعوا دعم فعلا يبقى السعودية بتدفع دعم فلكي على البنزين خاصة ان بنزين 95 هناك تمنه يعادل جنيه وعشرة قروش !!!!
حد سمع ياجماعة ان في دعم في السعودية في تمن البنزين علشان الشعب محتاج ولا فيه كبونات
اصلها حاجة مستفزة بصراحة انك تحسب هتكسب كام لو بعت للغريب وبعدين تذلني وتعتبر ان ده دعم وكمان تبيع ال95 بالسعر ده اكن اصحاب العربيات ذات الموتور الحديث والجي دي اي والتيربو حرامية او مليونيرات
وبعدين تنزل ما يسمى بالدعم كذبا تنزله ل 1400 علشان الفيرنا واللانوس مالية البلد والي هتكسبه منهم يفرق في حسبتك لمص دم الشعب علشان تسديد نفقاتك ونفقات سيارتك الفارهة الي هتمون على حساب الدولة
وماحدش يقنعني ان فيه تقشف دلوتي بالعكس البزخ اكثر من الاول وشوف بدل السفر لرئيس الوزرا زاد كام مرة (على فكرة دي مش صحافة صفراء) وعلشان كمده مافيش حد اقصى للرواتب ومش هيكون
وبعدين تقولي ده هيقلل التوكتك والبوتاجاز واسباب في رأيي المتواضع غير مقنعة بالمرة ايه الكلام ده
الي يقلل التوكتك ياباشا حاجة سهلة اوي ان الشرطة تمسك العيال ال 12 سنة الي بيسوقوهم وتمنعه خالص مش ان البنزين يغلى علينا وبكره التومتك هيغلى اكتر ومكسبه هيزيد وهينتشر اكتر اصل احنا عندنا اساتذة في استغلال الفرص ده حتى التوكيلات المحترمة بتاعة العربيات لما لقت الدولار زاد ايراط زودت اتنين
في النهاية
ارجو ان لا يفسد الاختلاف في الرأي للود قضية
اخيرا انا باضحك ضحكة عالية علشان من كام شهر كنت فاكر ان الجمارك هترخص ويمكن تتلغي ماهو سرقة واستغلال مبارك راح بقى وبعدين دلوقتي شوف بنتكلم في ايه ولسه طبعا فيه بعدها هيطلعلنا قصص وحوارات تانية لن تخطر على بالنا لأنه اسلوب اقتصاد يعتمد على مص دم الشعب لتسديد النفقات والديون وبقينا بلد الكبونات و3 ارغفة عيش في اليوم
درست الكلام ده من زمان في المدرسة وكانوا اعتقد بيسموه الرأسمالية المستغلة يعني غير بتاعة امريكا
ولسه الي جاي العن واضل سبيلا
تحياتي
يا فندم دا مش رأى شخصى علشان تقولى انا مقتنع بيه ولا لا
دا رأى فنى ليس له اى علاقة بالسياسة
دا شغلى اصلا والمراكب اللى بنستوردها انا اللى بستقبلها فى شركتى وعارف كميتها كويس وكميتها سنويا تقدر بمليون ومتين الف طن
والواضح ان حضرتك بعيد عن المجال ومعلوماتك محدودة عنه ومصر محدودةالموارد البترولية للغاية واحنا مش بنصدر لا بترول خام ولا بنزين
احنا بنستورد خام , وبنستورد بنزين وبنستورد اكتر من نص احتياجتنا من السولار , وبنستورد بيوتجاز وبنصدر نافثا خام ولو عايز ارقام الحاجات دى اقولهالك .
هما كان حجتهم في جمارك العربيات اللي الواحد كان ممكن يدفع قد تمن العربية او اكتر جمارك هو دعم البنزين
لو هيشيلوا الدعم يبقى يشيلوا الجمارك دي....انت بتمشي في الشارع بنلاقي عربيات حقيرة مقارنة بالدول برة وده بسبب ارتفاع اسعار العربيات...لو شالوا الجمارك البلد هتنضف وهتيجي عربيات نضيفة واللي قادر ساعتها يجيب بنزين على قده
اللى ااقدر اضيفه فى المناقشات دى ان الموضوع جد مش هزار لانى شخصيا قمت بعمليه الشحن للكوبونات من لندن الى القاهره