اقتباس المشاركة الأصلية كتبت بواسطة mahmoud_anwar مشاهدة المشاركة
اولآ انا مش هشكك فيك وهقولك انتا اخوان
بس انا عايز اقولك كلامك كلة عبارة عن داعية لي غلط بي انك تحاول تقنع الناس انه صحيح
اولآ حضرتك ممكن تقولي الدعم الي انتا رفعته هتوزعة علي الغلابة ازاي ؟؟؟
اولآ حضرتك مش اكيد بتنزل سوق الخضار تمام دلوقتي لما سعر الخضار يبقا غالي واللحمة وهكذا هل السعر دة بيكون غالي علي الغني فقط ام الغني والفقير ؟
ثانيآ انتا عمال تقولي اليات وكلام كلة مسانجر وكلام كله ميدخلش علي موطن كل همة عيشة كريمة وستر وراحة انتا بقا جي تجوعني علي اساس انك تحوشلي انتا عارف بتفكرني بي فلم عوكل مليجي انا بحوشهملك جمب اخوتهم تصدق انا مصرف
اولآ حضرتك وفرت ايه للمواطن الغلبان الي انتا نصدق ان الحكومة بتجري علي حقة ؟
هل وفرت ليه وسيلة موصلات بسعر اجرة موحدة ؟
تضمن منين انك توفر ليه عدم غلاء الخضروات الي هيا ارخص شيئ للغلبان مش هقولك لحمة وفراخ وهكذا ؟
انتم ليه عايزن بتنة من الدور ال7 ؟ انتا حقق تشيل الدعم بس متضحكش عليا وتقولي علشان الاغنياء اصل الغني الي قاعد في فيلا ولا الي شاري عربية بي ربع مليون ونص مليون هتفرق معاه 2او 3 جنية زيادة مش هتفرق لكن هتفرق مع كل واحد معاه عربية شريها بي دم قلبة اقساط علشان يرحم نفسة ويرحم اسرتة من قرف الموصلات ولا ايه يعني الي معاه هيونداي دايو الخ دول مش مرفهين يعني
وتاني شيئ بلاش تضحك عليا بي كلمة تهريبة دي وبيعة اغلي في الخارج طيب انتا كده بتقول علي الحكومة انها فشلة فين دور الحكومة في الرقابة ؟؟
انتا شيلي الجمرك وشيلي ضريبة السي سي ويبقا سعتها ليك حق انك تكلم انك تلغي البنزين خالص المدعم
بجد الاخوان خرفان وحاول تبص بي حيادية وهتعرف انهم خرفان لا اخوان وليسو بي مسلمين وليسو هم من يتعلق بيهم الاسلام
يا سيدى الفاضل انا لا اخوان ولا حاجة
بالعكس انا مختلف معهم سياسيا
لكن النقد لازم يكون موضوعى وبناء
انت ممكن تكره الاخوان فبالتالى تكره كل ما يفعله الاخوان سواء صح او غلط
ودا الغلط بعينه
انا انتقد الاخوان لو اخطأوا واؤيدهم لو اصابوا
ونفس الكلام على مرسى
كلنا ايدناه لما شال المشير وعنان
والمحايدين انتقدوه فى اعلانه الدستورى وادارته للبلد
نيجى بقى للمهم
يا سيدى الفاضل انا مش بعمل دعاية ولا حاجة
انا شغال فى قطاع البترول ووظيفتى انتاج البنزين وتوزيعة الى شركات التسويق والكلام دا من 13 سنة وعارف انا بقول ايه
اللى ايده فى الميه غير اللى ايدة فى النار
واللى يشوف مقدمات اى قرار غير اللى ما يعرفشى اي اللى وراء هذه القرارات
انا اول واحد حكون متضرر من الكوبونات لو تعديت ال 1800 لتر سنويا
لكن فى سبيل المصلحة العامة اؤيد القرار
والتهريب دى حقيقة مؤكده لا جدال فيها واللى بيتمسك وبيتم الاعلان عنه لا يوازى 5 % من التهريب الحقيقى
وبكده الدعم بيروح لناس مهربين وتجار معدومى الضمير
حضرتك بتقول الدعم دا حيروح للغلابة ازاى
انا اقولك يا سيدى الفاضل
حضرتك متفق معايا ان دلوقتى فيه اهدار وتهريب فى دعم البنزين ورايع فى جيوب ناس معنهاش ضمير
طيب فلوس الدعم دى جاية منين , طبعا من ميزانية البلد
يعنى من ميزانية الصحة والتعليم والطرق والكبارى وخلافة
يعنى مؤثر وبشدة وواضح للعيان حال المستشفيات وحال الطرق وحال المدارس
لما توفر فى كل الحاجات دى وتوزعها على الاقل لمستحقيها وتمنع السبوبة عن كبار المهربين الفلوس دى حتروح لاماكن صرفها الحقيقية وبالتالى المواطن الغلبان حيعرف يتعالج ويتعلم ويوصل لبيته سليم من غير حوادث فى الطرق البايظة
دا الكلام المنصف بعيدا عن الاخوان او غيرهم بغض النظر هما حيطبقوه او حيفشلوا فى تطبيقة