الموضوع: خبطة جامدة فى العتبة

السلام عليكم
اخوانى الاعزاء
انا اخدت امبارح خبطة جامدة فى العتبة
وياريت كدا بس الراجل كان حاطط قطعة حديد على الرصيف حكت جامد فى العتبة من اول الباب الخلفى لاخرة كدا طبعا كحتت البوية و الخبطة لانى جيت افادى نقل اضطريت ارمى نفسى على الرصيف فحكت جامد

ياترى ممكن ترجع تانى ؟؟؟؟؟
ولا اية نظامها
والحمد لله التلفيات جت فى دى بس

الخبطات اللى فى العتب بتترد عادى و عن تجربة
السمكرى النظيف مش بيقطع العتبة و يسمكرها و يلحمها لأنها بتبان بعد كدا و بتقلل ثمن العربية
لا
بيبقى معاه اداة كدا زى ماسورة طويلة فيها جلبة و فى اخرها مسمار قلاووظ
بيدخل المسمار القلاووظ فى العتبة و يقعد يكارك كدا بالجلبة مع الماسورة لحد ما العتبة تترد
انا مش عارف اشرحها اكتر ازاى بس هى دى الطريقة و اى سمكرى لو قولتله كدا هيعمل العتبة صح