الموضوع: اول موضوع ليا يا ريت تساعدونى اشترى نيسان ولا لا

شكرا على الردود ونا مايل للنيسان لو المشاكل الى بتتقال دى مش موجودة فعلا او ليها حل اما لو هيا منتشرة وملهاش حل فنا يقول شارك بس هطر اذود فلوس على 120
وفدونى برده برايكم

خللينا نبقى محايدين ، اى عربيه فى الدنيا اول ما تنزل أيا كان نوعها بتبقى جديده و مجهوله على اللى بيصلحها و كمان قطع غيارها بتبقى قليله لان المستورد عارف ان العربيه مش منتشره لسه و بالتالى بيبقى مستنى يعرف رد فعل الناس معاها ايه و حجم المبيعات علشان يشوف هيجيب قطع غيار قد ايه واى أجزاء هيحتاجها اكتر . كمان فى نقطه مهمه انه وارد ان تكون فى حاجات محتاجه تتعدل علشان تناسب ظروفنا و ده طبعا بيتظبط بالتدريج . لو حبينا نشوف اللى حصل مع نيسان صنى الشكل الجديد هى بدأت بدايه قويه جدا و مبيعات كبيره و قائمه انتظار واعتقد آن ده فاق توقعات نيسان و نتيجه لده المصنع بقى شغال ليل و نهار لتلبيه الاحتياجات و الاهتمام بقى على البيع للسياره و يجوز ان ده مؤقتا يؤثر فى توافر قطع الغيار و كمان زعل بعض الناس اللى تعبت من الانتظار او السعر زاد عليها و هى لسه ما استلمتش. طيب تعالى نفكر بالراحه دلوقتى العربيه نجحت و باعت اكتر من ٦ آلاف سياره زى ما اعلنوا يبقى الشركه هتعمل ايه؟ هتعمل على توفير قطع الغيار بلا شك لاستخدامها فى الصيانات للعربيه اللى اتباعت علشان دى مش شركه صغيره و لا لسه طالعه جديد هتلم فلوس من الناس و تهرب لكن ليها سمعتها اللى بتخاف عليها و قامت ببنائها فى فتره كبيره ومش هتفرط فيها علشان موديل عندها و كمان التوكيل نفسه بيسمع للناس و بيطور نفسه و بالتالى معظم المشاكل بتتحل و حتى الصنى القديمه لو حضرتك متابع مواضيعها هتلاقى انها بفضل الله اتحلت كلها بس من الظلم انك تقارن موديل بقاله ٧ سنوات بموديل لسه نازل من كام شهر. و انا متوقع ان مع الوقت المشاكل دى هتتحل و لو عايز حاجه تانيه ممكن تفكر فى التيدا هى ميزتها انها زى الصنى القديمه بقالها كذا سنه و هى عامه مشاكلها نادره بس اعتقد انه قرب ينزل منها شكل جديد برضه و عندك الصنى القديمه لسه بتنتج برضه

التيدا هاف اوبشن هاتش باك وهتدعيلي وده من الاخر

كل مشاكل الصني اتحلت فالتوكيل ما عدا صوت الفرامل لانه فيه قطعه مفروض تتركب و لسه موصلتش لمراكز الخدمه
الصني فيها مواصفات الامان كلها اللي مش موجوده في اغلب العربيات اللي بنفس السعر

المشاركة الأصلية كتبت بواسطة land_cruiser

خللينا نبقى محايدين ، اى عربيه فى الدنيا اول ما تنزل أيا كان نوعها بتبقى جديده و مجهوله على اللى بيصلحها و كمان قطع غيارها بتبقى قليله لان المستورد عارف ان العربيه مش منتشره لسه و بالتالى بيبقى مستنى يعرف رد فعل الناس معاها ايه و حجم المبيعات علشان يشوف هيجيب قطع غيار قد ايه واى أجزاء هيحتاجها اكتر . كمان فى نقطه مهمه انه وارد ان تكون فى حاجات محتاجه تتعدل علشان تناسب ظروفنا و ده طبعا بيتظبط بالتدريج . لو حبينا نشوف اللى حصل مع نيسان صنى الشكل الجديد هى بدأت بدايه قويه جدا و مبيعات كبيره و قائمه انتظار واعتقد آن ده فاق توقعات نيسان و نتيجه لده المصنع بقى شغال ليل و نهار لتلبيه الاحتياجات و الاهتمام بقى على البيع للسياره و يجوز ان ده مؤقتا يؤثر فى توافر قطع الغيار و كمان زعل بعض الناس اللى تعبت من الانتظار او السعر زاد عليها و هى لسه ما استلمتش. طيب تعالى نفكر بالراحه دلوقتى العربيه نجحت و باعت اكتر من ٦ آلاف سياره زى ما اعلنوا يبقى الشركه هتعمل ايه؟ هتعمل على توفير قطع الغيار بلا شك لاستخدامها فى الصيانات للعربيه اللى اتباعت علشان دى مش شركه صغيره و لا لسه طالعه جديد هتلم فلوس من الناس و تهرب لكن ليها سمعتها اللى بتخاف عليها و قامت ببنائها فى فتره كبيره ومش هتفرط فيها علشان موديل عندها و كمان التوكيل نفسه بيسمع للناس و بيطور نفسه و بالتالى معظم المشاكل بتتحل و حتى الصنى القديمه لو حضرتك متابع مواضيعها هتلاقى انها بفضل الله اتحلت كلها بس من الظلم انك تقارن موديل بقاله ٧ سنوات بموديل لسه نازل من كام شهر. و انا متوقع ان مع الوقت المشاكل دى هتتحل و لو عايز حاجه تانيه ممكن تفكر فى التيدا هى ميزتها انها زى الصنى القديمه بقالها كذا سنه و هى عامه مشاكلها نادره بس اعتقد انه قرب ينزل منها شكل جديد برضه و عندك الصنى القديمه لسه بتنتج برضه

بصراحة مش لاقى كلام اقوله ، انا بعد ما قريت الكلام ده بفكر اشترى واحدة كمان

تحياتى