اقتباس المشاركة الأصلية كتبت بواسطة omar61995 مشاهدة المشاركة
أنا مستهلك عادى طبعاُ
بس لو أنا معايا عربية من العربيات المتقلدة أكيد هتضايق لما شركة صينى تقلد عربيتى
و القضايا اللى الشركات بترفعها بتخسرها عشان "مفيش وجه شبه" !!
و التكنولوجيا اليابانية اللى من التسعينات
بس لما شركة تقتبس من التانية بتقتبس فانوس أو شبكة مثلاً مش عربية بحالها
ده حتى التابلوه و العدادات بينقلوها

أنا مش ضد الصينى إطلاقاً كل واحد حر يركب العربية المناسبة لاحتياجاته.
أنا ضد التقليد الأعمى لعربيات أكيد ناس تعبوا و اتصرف عليها كتير عشان يصمموها.

طبعاً كامل التقدير والاحترام لشخصكم الكريم ولرأيكم .. بس اللي عاوز أوصله بصورة موجزة .. أحنا كمستهلكين ينطبق علينا المثل القائل " هو أكل ولا بحلقة " .. ولو جيت للحق مفيش وجه مقارنة بين الأصل والتقليد سواء في الجودة أو التقفيل أو العراقة ....إلخ .. وبناء عليه السيارات الصينية بتقلد وبجودة أقل وتقفيل أقل وبسعر أقل .. واللي يمتلك المقدرة المالية لشراء الأصل يشتريه والعكس صحيح .

وأصدقك القول لو قلت ليك أن العربيات الصيني فعلاً ينطبق عليها أقصى قيمه بتاخدها مقابل ما تدفعه .. فلو أنتجت الصين سيارة بجودة وتقفيل فائق .. أكيد حيكون سعرها مرتفع ولكنه سيظل أقل من مثيلاتها الأوروبية واليابانية والكورية والأمريكية .