الموضوع: هواء بدورة التبريد ؟

الصورة حلوة وموضحة جدا المواسير اللى ماشية وسط زعانف الردياتير

ياريس ولا يهمك المهم تكون مستوعبها بس

عاوزك بقى كل فترة كمان وانت عند بتاع العجل ولا البنزينة وتيجى على الرادياتير وتنضفها من الاتربة والزلط والكلام اللى بيكون بين الزعانف وبعضها دا عشان دى بيخلى التبادل الحرارى احسن

طبعا يكون مسدس الهوا بزاوية للخارج من فوق ومن تحت ومن بره الكابوت وجو الكابوت كمان بحيث تكون ضامن ان الرادياتير نضيف وخصوصا الجو فى مصر زفت من ناحية الاتربة ومتعلقاتها

المشاركة الأصلية كتبت بواسطة هيثم الدسوقى

ياريس ولا يهمك المهم تكون مستوعبها بس

مستوعبها !

هو حضرتك أنا بسأل كتير عشان بحب أعرف ادق التفاصيل لأنى بعمل شغل بنفسى فى العربية وعايز أتلاشى أدنى الأخطاء الواردة عشان كدا بحاول أجمع قدر آراء وأشوف الأصح عشان مبوظش حاجة

وأظن حضرتك لاحظت التعارض بين طريقتى الشرح لكلا من الأستاذ صقر والأستاذ فادى

الأستاذ صقر هيفك خرطوم الرادياتير السفلى الواصل لموتور لأن دا أوطى مكان بالفعل

والأستاذ فادى قال إنه فك الخرطوم الراجع للقربة !!!! اللى هو فوق يعنى وأنا أستغربت جدا جدا

والأستاذ صقر وضح إن الأستاذ فادى فك الخرطوم الداخل للرادياتير من القربة وليس الراجع اللى هو بيبقى من تحت

وأهو بنتعلم يا باشا

كلنا نفس الكلام وانا قبل ما اعمل حاجة فى العربية لازم باسأل وكل شيخ وله طريقة وانا فى حاجات تافهة كتيرة مش باعرفها رغم انى مهندس ميكانيكا انتاج ولازم اسأل فى الحاجة بدل المرة عشرة عشان دى عربية مش عجلة هتركنها وتشيلها وكمان الصرف على العربية لو خربت حاجة بيبهدل الميزانية سنة قدام .
بس عموما بالنسبة للاوبل فعلا رخمة جدا فى الرادياتير لانه مالوش غير الخرطوم بتاع الراجع للقربة وعشان كدا ما بتعرفش تفضى العربية الا لو فتحتة البلوك بتاع طرمبة المية ودا طبعا كارثة عشان الهوا هينقر فى ريش الطرمبة . لكن بالنسبة لكم فأكيد الخرطوم عندكم هو اوطى منسوب للمياة فى دورة التبريد لكن فى الاوبل منسوب المية فى الخراطيم بيكون فى نص المحرك وقريب من القربة وعشان كدا دورة التبريد مش بتفضى مية تقريبا .

المشاركة الأصلية كتبت بواسطة هيثم الدسوقى

عاوزك بقى كل فترة كمان وانت عند بتاع العجل ولا البنزينة وتيجى على الرادياتير وتنضفها من الاتربة والزلط والكلام اللى بيكون بين الزعانف وبعضها دا عشان دى بيخلى التبادل الحرارى احسن

طبعا يكون مسدس الهوا بزاوية للخارج من فوق ومن تحت ومن بره الكابوت وجو الكابوت كمان بحيث تكون ضامن ان الرادياتير نضيف وخصوصا الجو فى مصر زفت من ناحية الاتربة ومتعلقاتها

حصل بالفعل ورروقته أمبارح لما فكيت الأكسدام http://www.nilemotors.net/Nile/330883-x_dam.html