الشرح رائع جزاك الله خيرا ... وفرت عليا أسئلة كتير

بس حضرتك مقلتليش إيه سبب دخول الهواء أو إيه اللى يخلى الهواء يدخل

وأنا هغير مياه الرادياتير أنا ملاحظ القربة فيها خرطومين خرطوم فوق فى القربة ودا واصل فوق فى الرادياتير وخرطوم تحت فى القربة ودا واصل تحت فى الرادياتير تمام كدا

معنديش غطاء للرادياتير أزاى أغير المياه أنا بقول أفك الخرطوم اللى من تحت اللى ر اكب فى الرادياتير وبعدين يفضى المياه اللى فيه وبعدين أزود من القربة تمام كدا ؟

أنا لاحظت السربنتينة بتاع التكييف هى عاملة زى رادياتير صغير

نفسى أعرف حاجة هى المياه بتمشى حوالين الرادياتير ؟ أصل الحاجات المشرحة اللى جواه دى عبارة عن حتت ألومنيوم متنية كدا وبينها حتت حديد رفيعة قوى المياه بتمشى فين لأنى مش شايف الرادياتير واضح عشان المروحة مغطية عليه

وبالنسبة للمروحة أنا شايف إنها بتسحب الهواء من برا العربية وتدخله جوا صح كدا ؟