لا يا باشا اول صيانة على 10000 كيلو مش الف
عرض للطباعة
يبقى انت كده يا باشا عربيتك بتنزل متلينه و متفتحه من المصنع و جاهزه للمشى على طول طالما ان اول صيانه و تغيير زيت على 10 الاف
بس اسأل برضه فى التوكيل و حد من ملاك العربية
كلام غير صحيح..العربية بتنزل بزيت الفبريقة يستمر معاك لحد 10000 كم..( مش زيت شيل ولا موبيل زي اللي بينزل في العربيات المتجمعة في مصر )
والعربية لازم تتلين أول 1000-1500 كم
التفتيح بعد كده أحسن حاجة تطلع علي طريق زي العين السخنة..تنقل علي الستيبترونيك..وتعملها علي 3 مراحل :-
أول مرحلة .. تنقل علي RPM 4 لكل النقلات.
ثاني مرحلة .. تنقل علي RPM 5 لكل النقلات.
ثالث مرحلة .. تنقل علي RED ZONE لكل النقلات.
متجيبش التكة اللي في آخر الدواسة.وعلي النقلة الخامسة والسادسة..تسايس العربية كويس عشان توصل معاك السرعة القصوي...ملحوظة..( ممكن تلاقي العربية مبتعديش 180 كم )..متقلقش..في أول صيانة قولهم علي موضوع الـ SPEED LIMIT يلغوهولك..وبعد أول 20000 كم تسارع العربية بتحسن جداً بشكل ملحوظ.
بص معايا علي اللينكات دي كده :-
دي عربيتي لما كانت عاملة 25000 كم ( مكنتش بقرص عليها قبل كده وبدأت أعنفها في الفترة اللي بعد كده )
skoda octavia 1.6 MPI - YouTube
ودي بعد ما قربت علي الـ 80000 كم وكنت هاريها سفر وجري _ لاحظ الفرق
skoda octavia II 0-100 - YouTube
عاوز تفتحه. ... ولع فيه :)
ابدا الان كل ما فتحت بدري كل ما كانت النتيجة افضل بكتير
السلام عليكم يا استاذ / inspiron
انا احيي حضرتك جدأ لعدم تقصيرك فى اى معلومة مفيدية تفيد بها الاعضاء حتى ولو اختلف معك فى وجهة النظر ولما تتمتع به من معلومات قيمة وصحيحة وعلى اسس علمية وتجربية
احب اسأل حضرتك عن التلين بردو انا وصلت لل 1050كم وانا مازلت ماتزم بالتعليمات السابقه يا فندم بعدم الحرق حتى 1500 كم كدة تمام ولا ابتدى ادوس شويه انا كبيرى بوصل ال r p m الى 30 وينزل على ال 15 20 25 كده يعنى وسط وممكن توصل السرعة مع المسايسه ال 100 كم / الساعة ؟؟؟؟
ولى استفسار اخر هو ال الستيبترونيك تقصد به المانيوال ؟
والمراحل الاولى والثانية والثالثة تقصد بها ان تقوم بكل مرحله على حدا وبعد الوصول الى السرعة القصوة تقف وتقوم بالمرحله الى بعدها
وكل ده بعد الوصول ال 1500 كم ولازم يكون فى طريق مفتوح
وشكرأ جزيلا واسف على الاطاله
السلام عليكم ,,,,,,,,,,,:iloveu:
وعليكم السلام يا أخي الفاضل..أولاً كل الشكر لرأيك الكريم وربنا يقدرنا جميعاً علي إفادة بعضنا بما يرضي الله..
بالنسبة للتليين زي ما وضحت من بعد الـ 1000 كم ممكن وفي ناس بتفضل بعد 1500 كم ( مسألة نفسية ) عشان تبقي في الأمان.
بالنسبة لتقسيم عملية تفتيح الموتور علي الثلاث مراحل السالف ذكرها فأنا أقصد بالوصول للسرعة القصوي في المرحلة الثالثة فقط وليست الأولي أو الثانية.ويفضل طبعاً يكون في طريق مفتوح عشان تدي فرصة للموتور يديك الأداء المطلوب بدون عوائق..وأنا تحت أمر حضرتك في إستفسار
تحياتي