لقاء وزير البترول مع وائل الإبراشى بخصوص موضوع الكوبونات ودعم البنزين

**محمد ابو سيف** · 14-01-2013 05:27 PM

ليا سؤالين 1_ الوزير بيقول حول عربيتك غاز وبلاش ازاى وكل الى مركبينة دفعوا اكثر من 5000 جنية
2_ العربيات الزيرو فى التوكيل يقولوا انك لو حولت غاز تطلع من الضمان
هى الحكومة دى لو مش عارفة تمشى البلد تعتزر واظن ان دة انسب حل ويرجعوا الجنزورى يظبطها ويسبوهم بقا من الكبرياء الى ودة البلد فى مليون داهية داهية تاخد الى مبيفهمش

**AhMeD MeTwAlY** · 14-01-2013 05:42 PM

ههههههههههههههههه
احنا نروح نفول من السودان ونرجع مدام الوزير بتعنا مش عايز يدينا بنزين
يا جماعه اعقلوها كدا دي حكومه ولي حد يصدق ليهم كلام
بيقولك في جهاز جي بي اس في كل عربية تحمل انابيب غاز "احب اقولك عندنا المستودع العربية مش فيه جي بي اسم"
والانبوبه تزيد من 4-8 الضعف عشان المستودع وشركة التعبئه مش وخدين حقهم اخدو حقهم بالضعف ايه الافتري دا
اقلب عربية غاز وحياة ......... اشتري عربيه 150 الف واقلبها غاز شك تنقلب بعربيتك وفوقك عربيه بنزين وتولع العربيه بيكم في الصحره وميلقوش مايه تتطفيها

**Egyzizo** · 15-01-2013 12:55 AM

فيه نقطة الوزير ضحك على المستمع فيها
لما قال ان أصحاب السيارات الملاكى يشكلوا أقل من 10% من المصريين وبالرغم من كده هم المستفيدين من دعم الوقود ، اللى بيشكل أكبر نسبة من الدعم اللى رايح للمواطن المصرى ، بالتالى مافيش عدالة اجتماعية خاصة ان من لا يمتلكون سيارات يستحقون الدعم أكثر.

كلام يوحى ان دعم الوقود ده بتاع أصحاب الملاكى بس وتجاهل أن دعم الوقود يستفيد منه كل مصرى ينتقل من مكان لمكان لأن دعم الوقود ينعكس انعكاساً مباشراً على سعر تذكرة الانتقال اللى بيدفعها.

**midnightman_74** · 15-01-2013 01:21 AM

المشاركة الأصلية كتبت بواسطة محمد ابو سيف

ليا سؤالين 1_ الوزير بيقول حول عربيتك غاز وبلاش ازاى وكل الى مركبينة دفعوا اكثر من 5000 جنية

موضوع ال 5000 جنية مظبوط
من حوالى سنة رحت المحطة وقالى 5000 جنية
دة دليل ان حكومة التكنوقراط فاشلة .. دى ناس بتاعه ورقة وقلم واله حاسبه
دى ناس أكاديمية وملهاش دعوة بالى بيحصل على الأرض

**abo-omar** · 15-01-2013 04:08 AM

الاخوة الكرام رغم ان الموضوع ده مش ساري على السولار وبالتالي عربيات النقل يعني ذي مسبق وقال الوزير في حديث اخر ان مش هيحصل زيادة في الاسعار الا ان رفع الدعم عن البنزين للعربيات الملاكي طبقا لهذه الطريقه هيخلي كل صاحب عربيه يمتهن مهنه تتعلق بتقديم خدمات اساسيه للمواطنين او بيع سلع اساسيه للمواطنين يرفع سعره ليعوض فارق الزياده في سعر البنزين من اول فزيتة الدكتور حتى صاحب السوبر ماركت وطبعا مرورا بالمدرس الخصوصي واالجزار وتجار الخضار والسلع الغذائيه ........الخ
يعني في النهايه هتيجي .. هتيجي على دماغ المواطن الغلبان اللي لايملك عربيه وطبعا بزيادة كمان فارق سعر البنزين على الموظف اللي عنده عربيه وميقدرش يرفع مرتبه

**Egyzizo** · 15-01-2013 09:24 AM

الموضوع سارى على كله سولار وبنزين وملاكى ونقل وحتى مكن الرى.

**abo-omar** · 16-01-2013 03:08 AM

المشاركة الأصلية كتبت بواسطة egyzizo

الموضوع سارى على كله سولار وبنزين وملاكى ونقل وحتى مكن الرى.

اخي بجد اضحكتني جدا جملة (وحتى مكن الرى) طيب فين دعم الفلاح والوقوف بجانبه كما قال مرسي
وخاصة ان ده بيستخدم اساسا لري الارض الزراعيه ملك الفلاحين الغلابه لرفع مياه الري كبديل عن السواقي اللي انقرضت ومش بيستخدم لري ملاعب الجولف والحدائق والاراضي المستصلحه ملك المستثمرين لانها بتروى بطرق اخرى كالرشاشات والتنقيط وماكينة البيفوت الرشاش
مش بقول افلاس افكار والبحث في جيوب الغلابه الفاضيه ودفعهم دفعا لثوره اخرى لا يعلم عواقبها الا الله

**Imhotep** · 16-01-2013 08:27 AM

المشاركة الأصلية كتبت بواسطة egyzizo

الموضوع سارى على كله سولار وبنزين وملاكى ونقل وحتى مكن الرى.

المشاركة الأصلية كتبت بواسطة abo-omar

اخي بجد اضحكتني جدا جملة (وحتى مكن الرى) طيب فين دعم الفلاح والوقوف بجانبه كما قال مرسي
وخاصة ان ده بيستخدم اساسا لري الارض الزراعيه ملك الفلاحين الغلابه لرفع مياه الري كبديل عن السواقي اللي انقرضت ومش بيستخدم لري ملاعب الجولف والحدائق والاراضي المستصلحه ملك المستثمرين لانها بتروى بطرق اخرى كالرشاشات والتنقيط وماكينة البيفوت الرشاش
مش بقول افلاس افكار والبحث في جيوب الغلابه الفاضيه ودفعهم دفعا لثوره اخرى لا يعلم عواقبها الا الله

عشان تعرفوا مأساة مكن الرى ده..... فى ازمات السولار المتعددة..... الفلاحين و اللى عندهم اراضى زراعية بيشتروا لتر السولار الواحد ب 4 و 5 جنيه و الا الزرع هيموت و مبيبقاش قدامهم حل تانى و الا خسارة الزرع كله..... و لا عزاء للمزارعين بسبب عدم الرقابة و السوق السوداء للوقود اللى محدش عارف يلمها و اللى لسه هتستفحل مع تقليل الدعم

**ahmed4000** · 16-01-2013 09:12 AM

المشاركة الأصلية كتبت بواسطة mahmoud_anwar

معلش كام سؤال انا تعبتكم بي اسئلتي
1- انا كاموطن لما ادفع في شهر تمن البنزين كامل وفواتير الكهرباء والغاز والمياة والنت يتبقلي ايه ؟
2-انا كاموطن اضمن منين اني لما انزل السوق ملقيش تمن الخضروات ماتغلاش واضمن منين ان سعر الحمة الي بقا 60 جنية مايبقاش ازيد من 60 جنية واضمن منين اني لما احب اروح اي حتي موصلات هلقي اجرة موحدة وتعريفة الحكومها هيا الي اقرتها ؟؟
3- هل الخمسة لتر تكفي زحمة كوبري 6 اكتوبر والدقي وصلاح سالم والدائري ؟
حققلي كل ده وشيلي الضرائب الي بتتخصم مني في عملي التي تصل الي 400 جنية وشيل ضريبة السعة الترية وارفع الجمرك وخليلك ال5 لتر اشربهم لوحدك

طيب محضرتك كنت لسه بتقول اساسا ان مشاويرك قليلة يعنى كده كده الموضوع مش ماثر معاك
هو حياثر على الناس اللى مشاوريها طويلة
وهو ده اللى المفروض نركز عليه ان الكمية تزيد
لكن بصراحة لو حتدينى متوسط الاستهلاك الطبيعى يبقى مش حعترض بالعكس ياريت لان ده حيخلى الناس تظبط استهلاكها شوية ولو حاجة بسيطة