فيديوهات لتسارع محرك 1.6 mpi 102hp علي سيارات الـ vag

**S O P H O S** · 14-01-2013 02:45 AM

المشاركة الأصلية كتبت بواسطة inspiron

اهلا بك في القسم يا فندم :)

الأوكتافيا،الليون،الجيتا، أودي a3 كلهم نفس الموتور،نفس الفتيس،نفس الشاسيه

ربنا يكرمك يا باشا
واشكرك علي التوضيح ..

**eng.m7md.ali** · 14-01-2013 02:50 AM

المشاركة الأصلية كتبت بواسطة inspiron

..................................................

يا باشا إنت إيه اللي مزعلك..أنا حاطط فيديوهات بعرضها إنت زعلان ليه !!

وأه يا سيدي هي دي الجيتا اللي موجودة في مصر...ومش كوووووووووووووووووول الناس اللي في المنتدي أجمعوا إنت مواتير الجيتا والأوكتافيا "بطيئة " .. حضرتك زعلان ليه بقه ؟

لا اله الا الله

انا ياسيدي الفاضل اسف جداً اني زعلت

ولعلمك هو مين قال ان الاكتافيا بطة؟ لا خالص دي صاروخ يا سيدي عشان محدش يزعل

الفكرة ان احنا بنتكلم في مواتير 1600 سي سي كلها ( عقيمة ) ومفيش فيها اي تطور وعملين عليها موال كبير !!!

**inspiron** · 14-01-2013 03:05 AM

المشاركة الأصلية كتبت بواسطة eng f3lix

لا اله الا الله

انا ياسيدي الفاضل اسف جداً اني زعلت

ولعلمك هو مين قال ان الاكتافيا بطة؟ لا خالص دي صاروخ يا سيدي عشان محدش يزعل

الفكرة ان احنا بنتكلم في مواتير 1600 سي سي كلها ( عقيمة ) ومفيش فيها اي تطور وعملين عليها موال كبير !!!

هو الفكره اننا بنحط ادله مصوره عن المواتير تثبت انها مش ( عقيمة ) وبردو مفيش فايدة عاملين عليها جدل كبير !!!!!

**S O P H O S** · 14-01-2013 03:34 AM

هو مش ده ماتور الليون يا جماعة
ال 102 حصان ال 8 صباب ..؟

**Eng_Moh.Dewair** · 14-01-2013 05:19 AM

المواتير ال 1.6mpi بتاعت فولكس مش وحشه و لكن الفكره انها قدمت خلاص تقريبا من اوائل الالفينات و دلوقتى طبعا فى مواتير 1.6 من غير تيربو . على الاقل 2 كامه و 16 صباب. ده بالاضافه ان اصلا سواء الجيتا او السكودا وزنهم تقيل جدا بالنسبه للعربيات تانيه اللى فى فئتهم . و كمان الفتيس الستيبترونيك ادائه مش رياضى زى ال dsg مثلا او duallogic علشان العربيات دى تجرى . فطبيعى ان عربيات كتير بتطلع منها . من الاخر يعنى مفيش عربيه كامله ايوه السكودا و الجيتا اقل من غيرهم فى التسارع لكن مقابل مميزاتهم التانيه اعتقد ممكن نتغاضى عن العيب ده . و بكره البنزين يغلى و الشد و الحركات دى تقل . الواحد اصلا هيبقى فى عرض اللتر الواحد علشان يكفى العربيه بنزين فى الشهر من غير سلف :(( منه لله اللى كان السبب

**lanos2004** · 14-01-2013 06:01 AM

اوكتافيا حلوة ما فيش كلام
بس فى الشد مواتير اى كلام
تاخد منها ثبات وامان
بس على الطريق تتقطع وتقول كمان

**inspiron** · 14-01-2013 11:10 AM

المشاركة الأصلية كتبت بواسطة eng f3lix

التجربة الواقعية اثبتت العكس

وبعدين المواتير دي فعلا عقيمة

احنا بنتناقش وبنتكلم وبنتخانق عشان مواتير هفق !!

انا بعتبر كل ال 1600 مدام مش متربن يبقى هفق بصراحة ومش انا وبس ده اكتير اغلب الناس اللي هنا وفي العالم كله متفق على كدة

لا يا راجل .. مدام مش متربن يبقي هفق..يعني العربيات اللي بتقارنوها ببها كلها هفق..طيب والله حلو..
وعموما التجربة الفعلية من ملاكها والفيديوهات المعروضة أثبتت عكس كلامك :)

المشاركة الأصلية كتبت بواسطة s o p h o s

هو مش ده ماتور الليون يا جماعة
ال 102 حصان ال 8 صباب ..؟

أه يا فتدم هو

المشاركة الأصلية كتبت بواسطة gobeltoffire

(( منه لله اللى كان السبب

+1111111111111

المشاركة الأصلية كتبت بواسطة lanos2004

اوكتافيا حلوة ما فيش كلام
بس فى الشد مواتير اى كلام
تاخد منها ثبات وامان
بس على الطريق تتقطع وتقول كمان

عمرها ما كانت أي كلام..وأظن يا باشا انت راجل فاهم وشايف الفيديوهات وشايف الأرقام
وعموما ياما لانوس "حطيت " عليها بالأوكتافيا علي الطريق هي وغيرها :)

**Moratoz** · 14-01-2013 06:50 PM

لما نحب نقارن نقارن فته بأخري من نفس الفئه يعني ممكن نقارن لانوس بكيا سيفيا الاثنين ١٥٠٠ cc ونشوف لو الموضوع موضوع سرعة بث أكيد السفيا والثبات كذلك وقوة الموتور واستهلاك البنزين مثلا
لو حبينا نقارن الأوكتافيا نقارنها في ذات الفئه ١٦٠٠ ولكن عند المقارنه يمكن الأوكتافيا مش هتكون الأسرع قدام النترا او سيراتو مثلا ولكن هتبقي الأكثر أمانا ومن حيث الاعتماديه فالموضوع مش سرعه وخلاص وتبقي العربيه جميله وروعه لو تفوت من العربيات الأخري دون مراعاه للعوامل الأخري
والمستهلك يملك الخيار للمفاضله بين احتياجاته وإمكانياته يعني في ناس تجد متعتها في سيارة سريعه لأشباع هوايه عنده ودا حقه بس علي حسب الإمكانيات وفي ناس مش فارقه معاها السرع. الفائقه ولكن يبحثوا عن احتاجت اخري بالسيارة ولكل اختيارا المفضل