افيدونا يا اهل التويوتا(كورولا) افادكم الله

**ahmedtalat** · 14-01-2013 11:41 AM

السلام عليكم و رحمه الله و بركاته جميعا

يا جماعه عندى شويه اسئله بخصوص التويوتا

انا بفكر اشترى عربيه جديده و محتار جدا بين التويوتا كورولا و الأسترا سيدان الجديده
انا راجل طويل طولى حوالى 187 سم و حاسس ان الكورولا ضيقه شويه - يا ترى احساسى فى محله و لا ايه ؟؟
الحاجه التانيه - انا عرفت ان التويوتا الكورولا الجديده 2014 حتغير شكل و شوفت صورها على النت و بصراحه شيك جدا
فأنا محتار اشترى و لا استنى العام القادم على شهر 9 كده لما ينزلوا الشكل الجديد

**yousflee** · 14-01-2013 12:04 PM

اعتقد لو حضرتك عايز كورولا خد الكورولا اليابانى مع الوضع فى الاعتبار ان التويوتا الكورولا اللى لسه هتنزل مش هتكون صناعة يايبانى و لكن هتكون صناعة فرنسى و ممكن حضرتك تتاكد من التوكيل بتاع تويوتا ايجبت وربنا يوفقك

**MohammedAladel** · 14-01-2013 12:39 PM

المشكة مش مشكلة صناعة يابانى أو فرنسى على أساس إن فرنسا أقل مثلا ؟ أو على أساس إن الناس بتشترى كورولا لمجرد إنها صناعة يابانى ؟

هو عامة الكورولا من فئة الفيكترا والأسترا أقل من الفكيترا فى الأبعاد

أنا كوسع مش عارف بصراحة

لكن الأسترا فيها ميزة محترمة مش موجودة فى الكورولا وهى ال Esp خاصية الثبات الألكترونى

الأسترا محركها 115 حصان مقابل 122 حصان للكورولا والعزم للأسترا 155 عند 4000 لفة للمحرك والكورولا 154 عند 5200 لفة للمحرك ودا فى صالح الأسترا كتسارع
فتيس الكورولا أوتو ال 4 غيار العادى المعتاد
فتيس الاسترا 6 غيار معرفش أذا كان مانيوال بدبرياج كهربائى ولا فتيس عادى فى كلا الحالتين هو أفضل من فتيس الكورولا كتسارع وراحة للمحرك

دى تقريبا الحاجات الأساسية بين العربيتين

**esam_ayad** · 14-01-2013 01:28 PM

معلش هو اقتراح من خارج الإختيارات
ايه رأيك في الكيا كارينز الجديده اللي هاتنزل كمان شهرين تلاته ان شاء الله ليه ماتستناش وتشوفها واللي مكتوب عنها علي الانترنت انها متغيره تماما عن الموجوده حاليا وأقل في الطول والعرض والارتفاع يعني تمام التمام ان شاء الله وتبقي قاعد مرتاح فيها جداااااااا.
لكن عموما انا معايا كرولا 2006 وطولي تقريبا ميه حاجه وسبعين وفي فرق كبير بين راسي والسقف.