الموضوع: أخيرا استلمت عربيتي يا جماعة

الف الف الف مليووووون مبروك يا استاذ محمد صبري ربنا يجعلها فاتحه خير عليك ويديلك خيرها ويكفيك شرها ويجعلها عونا ليك على طاعه ربنا وعقبالنا عشان انا لسه مستني دوري ولسه مستلمتش انا حاجز في 15 مايو من ابو الفتوح المهندين ولسه مستلمتش يا ترى انت كنت حاجز امتى وكان ليا سوال للاخ ايهاب بدر يا ترى لما استلم من القاهره جه بيها لحد اسكندريه ازاي بلوح تجاري ولا من غير لوح؟؟؟؟؟؟

لوح تجاريه ده أساسى علشان الصحراوى مليان لجان مرور انا جبتها من عند معرض ناصر شريف فى شارع جمال عبد الناصر امام أسواق الشريف اليوم ب 100 جنيه و أخد تأمين حوالى 700 طبعا استرديته عند ترجيع اللوحات و أى سؤال انا تحت أمرك

الله يبارك فيكوا كلوكوا يا جماعة و يبركلوكوا في عربياتكوا و يديكوا خيرها و يكفيكوا شرها

بالنسبة للوح التجارية
انا جيبتها من معرض اسمه ستار كار في أول شارع بورسعيد (عند المجمع النظري) و ده اليوم ب 60 جنية و التأمين 200 جنية

بالنسبة لجواب المرور نصيحة إعتمده من القاهرة ، علشان إللي انا شوفته في مرور محرم بك ربنا ما يوريه لحد أبدا أبدا

انا عامل بالعربية 1200 كم في 6 أيام (بسبب مرور محرم بك)

الموظفة في المرور ماعجبهاش توقيع أبو غالي على جواب المرور، بالإضافة إن الجواب بتاعي كمان مختوم و الجواب إللي عندها ماعليهوش ختم!!!!!!!!!!!!! (بجد مش لاقي تعليق أقوله) ، و بكل صفاقة و استهوان بوقت الناس و مصالحهم قالتلي "روح إعتمده من مصر"!!!!!!!!!!!!!!!!!!!!!!!!!

و أبدا بعد الخناق و بعد الدخول للظابط إللي عمل خبير خطوط بردة مافيش فايدة

و طبعا إضطريت أروح مصر (يوم السبت - إمبارح) علشان أعتمد الجواب من مرور الدراسة ثم مرور بين السرايات و أرجع تاني اسكندرية علشان الحق المرور إللي رجعتله الساعة 12:30 و طبعا طبعا الموظفة المبجلة ما رديتش تاخد الورق علشان بعد الساعة 12:30 ما بياخدوش ورق (أقول إيه) و ديه طبعا مواعيدهم المبجلة إللي ماعرفش من حددها و إمتى، المهم طبعا عملت مشكلة و طبعا بردة مافيش فايدة

المهم النهاردة الأحد الصبح رحت تاني المرور (كلاكيت تالت مرة - أكشن) و أخيرا خلصت و رخصت و حطيت اللوح

فا نصيحة إعتمد من القاهرة الأول و اشتري دماغك

الحمد لله و حمد الله على السلامه انا كان ترخيصى مرور ابيس و كان أسهل كتير انا أسف انى قلت لك مش محتاج القاهره بس ده اللى حصل معايا الموضوع انتهى بسهوله جدا فى ابيس

الحمد لله يا دكتور

و آسف على ايه يا دكتور - العفو

حضرتك كان فعلا كلامك صح، بس الموظفة هي إللي غلست

استاذ محمد

حضرتك كان فعلا كلامك صح، بس الموظفة هي إللي غلست

و لو اني مش باحب الاسلوب ده بس حضرتك محاولتش تفتح مخك و تصبح على ااموظفه دي؟

والله يا استاذ فادي انا كنت بحاول استشف هي عايزة تفتيح مخ ولا لأ ، بس هيي لأ

لسبب بسيط جدا لأن في الجواب إللي عندها كان فيه بالضبط كالآتي

توقيع أو توقيع

يعني يا إما التوقيع الأول أو التوقيع التاني

مش عايز أقولك إنها كانت في الأول فاكرة إن "أو" ديه جزء من التوقيع و بتقولي "بص التوقيع ده غير ده"، فاطبعا لما و ضحتلها إن "يا مدام ديه (او) و مالهاش علاقة بالتوقيع"، راحت باصة كدة و قالتلي "آآآههههه معاك حق....... بس برده التوقيع مش هو" و قفشت بقى خلاص، لأن طبعا إزاي أطلعها غلط !!!!!!!!!!!!!! و إنها مش بتعرف تقرا اصلا !!!!!!!!!!!!!!!!

مش عايز أقولك إنها كانت في الأول فاكرة إن "أو" ديه جزء من التوقيع و بتقولي "بص التوقيع ده غير ده"، فاطبعا لما و ضحتلها إن "يا مدام ديه (او) و مالهاش علاقة بالتوقيع"، راحت باصة كدة و قالتلي "آآآههههه معاك حق....... بس برده التوقيع مش هو" و قفشت بقى خلاص، لأن طبعا إزاي أطلعها غلط !!!!!!!!!!!!!! و إنها مش بتعرف تقرا اصلا !!!!!!!!!!!!!!!!

ربنا يرحمنا بقى من النوعيه دي من البشر.
معلش حصل خير المهم انك ما تضايقش نفسك و تستمتع بالعربيه
:)