دلوقتى انا بركن فى جراج فى العمارة اللى قصادى المهم الراجل بتاع الجراج طلب منى 200 جنيه اشتراك الجراج المهم عدت شهور و جيه فى شهر حسيت انه مهموم فبساله مالك يا محمد المهم اشتكى من انه محتاج فلوس المهم طلعت مبلغ منى بنية انه من الزكاه المهم بقيت كل اول شهر ادفعله اشتراك الجراج و فى نص الشهر اديله فلوس طبعا اقل من اشتراك الجراج على سبيل المساعده .
المهم جيت انا فى شهر من شهور مدتيلوش الفلوس اللى بدهاله فى نص الشهر كنت ساعتها مذنوق المهم لاقيت معملته اتغيرت و بيهمل العربية و بقى رد فعله انى الفلوس بتاعة نص الشهر ديه اجبارى عليا فسؤال هنا هل الفلوس اللى بديهاله بنية الزكاه ديه مقبوله ولا ديه عند ربنا مش مقبوله ؟.
و هل فلوس الزكاة لازم تكون لحد مش بيقدملى خدمة يعنى اقصد بتاع الجراج بيقدملى خدمة و هى انه بيسمح و ينضف العربيه ؟. اتمنى انى اكون وضحت اللى اقصده. و على فكره حوار انى اسال شيوخ لاقيت كل شيخ برأئى مختلف.
المفضلات