البنزين لا يصل للكاربراتير

**husam169** · 14-01-2013 06:40 PM

السلام عليكم
ارجو المساعده من الاخوه الاعضاء
سياره لادا 2107 2004 مصري
المشكله ان السياره مبتدورش بسهوله وساعات بفضل ادور لحد ما البطاريه تفضي خالص
امبارح عملت كده فكيت العمه بتاع الكربراتير ولقيت اني لما بكارك بنزين مفيش بنزين بيوصل للكاربتير (بيبقي فيه بك صغير كده بيحدف بنزين لما بتكارك) لقيته مبيحدفش حطيت شويه بنزين ف الكربراتير ودوت دارت بصعوبه ورحت بيها مشوار عادي
النهارده نفس المشكله حطيت بنزين بردو مدارتش والبك لما بكارك بنزين مبيحدفش بنزين ف الكرباتير والخرطوم اللي داخل ع الكربراتير مش جايب بنزين
مش عارف ايه الحل
والعربيه لو واخده هوا اعمل ايه عشان اخلي البنزين يوصل للكاربراتير
وشكراااا

**Thebutcherr** · 14-01-2013 06:50 PM

غير فلتر البنزين ممكن يكون مسدود لو فضلت كده يبقى اكشف على طرمبة البنزين

**merosss** · 14-01-2013 07:00 PM

ممكن يكون الرداخ بتاع البنزين او الطرمبة ...طبعا الحل الاسهل تشوف ميكانيكى كويس قريب يشوف العيب منين بالضبط

**Land_Cruiser** · 14-01-2013 07:01 PM

المشاركة الأصلية كتبت بواسطة thebutcherr

غير فلتر البنزين ممكن يكون مسدود لو فضلت كده يبقى اكشف على طرمبة البنزين

+1
غير فلتر البنزين و يارب يطلع هو السبب و تكون الطرمبه سليمه. للاسف البنزين كله شوائب اليومين دول

**Thebutcherr** · 14-01-2013 07:17 PM

صح كمان رداخ الكربيراتير تمام يا meross و ده كمان سهل و رخيص
يعنى فلتر , رداخ كربراتير,طرمبة

**MEKAWY2000** · 14-01-2013 09:02 PM

وممكن يكون الخرطوم الىجاى من التنك منفس هواء بيسحب هواء مع البنزين وممكن الطلمبه الرداخ مخروم الامر سهل تابعدوره البنزين من اول التنك الى الكاربرتير
نبدا من اول التانك تاكد من تركيب الخرطوم جيدا
اسفل السياره خرطوم الراجع يوجد مشترك
راجع فلتر البنزين
راجع الطلمبه ورداخ الطلمبه
لايوجد اكثر من ذالك ومستنى النتيجه للمعرفه

**hassanin_lada** · 14-01-2013 09:59 PM

ماهي اول مابتدور بتشتغل عادي بقي اكيد مش الطرومبه

علي فكره ممكن تكون البوجيهات مصمده عشان كده مابتدور علي طول

**husam169** · 15-01-2013 08:32 AM

المشكله ان مفيش ميكانيكي قريب وعايزها تدور عشان تروح للميكانيكي
قبل كده فلتر البنزين كان بيبقي مليان علي طول دلوقتي فاضي
ولما بشفط بنزين من الخرطوم اللي ماسك ف الفلتر بافيز الفلتر بيتملي بنزين وشويه ويفضي تاني او يتبقي شويه صغيره
السؤال بقي هو طبيعي ان الفلتر يبقي فاضي او مش مليان اوي لو التانك فيه عشره لتر بنزين بس؟
السؤال التاني هي طرمبة البنزين دي هي اللي موجوده بعد الفلتر علي طول وماسكه ف الموتور؟

**husam169** · 15-01-2013 08:34 AM

ولو حطيت شوية بنزين ف الكربراتير وزقيت العربيه هتدور ولا لا؟علي وضعها ده يعني

**MaherZzZ** · 15-01-2013 01:04 PM

روح لمكانيكى خليه ينضفلك الكربراتير كويس وغير الفلتر بتاع البنزين .. وشوف هيحصل اية لو محصلش حاجة يبقي الرداخ ... اساسى

الموضوع: البنزين لا يصل للكاربراتير

LinkBack

أدوات الموضوع

عرض

-

-

-

-

المواضيع المتشابهه

أزمة البنزين ومؤشر البنزين لعربيتى الكورولا 2003 مانيوال

وزير البترول يناقش اليوم صرف البنزين بكوبونات لرفع الدعم عن البنزين

ايه افضل منظف للكاربراتير فى السوق ؟؟

هل يوجد علاقة بين نوعية طلمبة البنزين واستهلاك البنزين وسحب العربية ؟

ما رأيكم فى محسنات البنزين (محسن أوكتين البنزين) للباسات و الجيتا ؟؟!!

الكلمات الدلالية لهذا الموضوع

المفضلات

المفضلات

ضوابط المشاركة