نصيحة لوجه الله

**aboezz44** · 14-01-2009 03:58 PM

السلام عليكم ورحمة الله وبركاته
انا شايف ان المواضيع فيها تحامل شويه على السياره الصنى واللانسر والناس بتقيم العربيتين وتتوقع أداء منهم وكأنهم بيتكلموا عن سيارات فيراري او ميرسيدس اس كلاس
انا عن نفسى معايا صنى 2008 وعامله 6000كم ماكانش ينفع اقارنها مثلا بالانسر لأن عربيتى مانوال
1600cc
شاريها زيرو ب 88000جم ورجعولى 2000جم يعنى العربيه واقفه عليه ب 86000جم
ازاى اقارنها باللانسر المانيوال 1600cc
الى بتبدا من 106000 يعنى فرق 20000جم
حتى لو الانسر احسن واثبت بس انا شايف ان 20000جم انا اولى بيهم وما اعتقدش ان الفروق بين العربيتين يساوى المبلغ ده
اما لو صدق كلام الأخوه ان الصنى احسن من اللانسر فيبقى انا وفرت 20000جم وفى نفس الوقت ركبت عربيه محترمه
اما لو ثبت ان اللانسر احسن من الصنى فدى حاجه ماتزعلنيش لأنى اشتريت العربيه الأرخص

بالنسبه للناس الى بيتكلموا عن الصنى اتمنى انهم ماينسوش ان نيسان بتعطيهم عربيه يابانى 1600CC
بس ب 86000جم يعنى تقريبا ببلاش مقارنة بالعربيات ألكوري والصيني
ودى وجهة نظري ألمتواضعة
وجزاكم الله خيرا

اخوكم / احمد عزالرجال

لكى الله ياغزة

**bmya** · 15-01-2009 03:25 AM

ههههههههههههههههههههههههه هههههههه
ايه يا عصابه الاوبل ورجاله الرينووووووووو
انتم احتلتم قسم النيسان ولا ايه
وكمان بتعملوا مقارنات و ومناقشات وحوراااااااااات وكل ده واحنا قعدييييييييييييين :k30:
بصراحه انا مش فاهم اصلا صاحب الموضوع كان قاصد ايه بالظبط من عمل الموضوع ده من اصله
يعني مش مكانه ولا زمانه ولا اي حاجه
وعموما السيريون بقه تكسب :k48:

**ahmad--ezzat** · 16-01-2009 08:42 AM

المشاركة الأصلية كتبت بواسطة ahmed_magdy_shaaban

نصيحة من أخوكم في الله.أنا ركبت لانسر 2007 و صني 2006 والعربيتين ما شاء الله حلوين و كنت مستريحلهم.ولكن..منذ حوالي 4 شهور غيرت إلي أوبل فيكترا 97 2000cc. و هي اللي راكبها حاليا.العربية دي أنا مش هفكر في بيعها نهائي.لعدة أسباب.أولا ولو كان الكلام ده ممكن يضايق ناس مني.بس أنا هقول الصراحة.1- لا مجال للمقارنة بينها و بين اللانسر والصني.
2-صاج العربية يفكرك بالمرسيدس القديم اللي لو دخل في قطار هيقلبه.
3-موتور العربية كأنك راكب طيارة بمعني الكلمة.
4-مساحة الصالون والله يكفي اني أقول ان اللي قاعد في الكنبة والكرسي راجع.مش هيلمس رجليه إطلاقا(هندسة الصالون فعلا اللي مصممها فاهم)
5-فرامل جبارة.العربية من 160 إلي حالة السكون في 4 ثواني(عن تجربة)
6-تكييف جبار.
7-الثبات..والله باخد بيها غرس علي 160 في طريق العين السخنة.مفيش أي مشكلة.وتحس إن قلبك مطمن مهما كانت السرعة اللي ماشي بيها طبعا بعد ستر ربنا سبحانه وتعالي.السرعة القصوي للعربية مع التكييف 220.بدون تكييف 240.
8-إستهلاك البنزين 250 في الصفيحة.
9-بسم الله ماشاء الله الله أكبر عربية زي كدة و سعرها 60-65 ألف.

يبقي العقل بيقول نركب مين في الثلاث عربيات.حبيت بس أنصح الناس.علما بأني ركبت لانسر وصني.وشكرا

عايز اوضح حاجة يا باشا بعد ازنك
طبعا الالمانى محترم وجامد جدا ولكن انا هختلف معاك فى بعذ نقاط بما انى كنت ممتلك سيارة اوبل فيكترا موديل 98 الشكل الجديد
اولا اللى لاحظتو من كلامك ان الاوبل 97 2000 سى سى طبعا افضل من النيسان والانسر ..لا ياباشا طبعا النيسان والانسر 2006 او 2007 افضل بمراحل
اولا تكنولوجيا الموتور افضل وانعم حتى فى اعادة البيع وقطع الغيار هتلاقى النيسان والانسر يكسبو
بالنسبة للوسع الداخلى
مين قال ان الفكترا واسعة من جوة
اطلاقا
الفكتر او ما تدخلها تحس انها منفوخة من جوة جدا جدا والقعدة ورا ضيقة اللى حد ما بس القعدة قدام محترمة ومريحة ولكن ورا مش قد كدة
احب اعلق على نقطة التكييف (التكييف اليابانى افضل بمراحل فى سرعة التسقيع وعمرة الافتراضى ودى نقطة معروفة ان التكييف اليابانى فى السيارات افضل من الالمانى)
نيجى فى موضوع السحب دة
اولا الاوبل تقيلة
عايز تجرى بيها بعد ال 100 ولكن تحت ال100 مش زى الانسر والنيسان زطبعا فى الثبات تكسح النيسان والانسر بجد
نيجى للموتور ال 2000 (صعب دلوقتى تركب 2000 سى سى ودة لعلو اسعار التراخيص)يعنى مش هدفع 1000 جنية سنويا عشان ارخص عربيتى اعتقد ان دة صعب
نيجى لموضوع البنزين (اسئل اى حد فى المنتدى استهلاك فكترا 2000 سى سى ولا نيسان او لانسر)
وعلى فكرة موضوع سعر الفكترا اللى ب 65 اللف انسى
سعرها نزل جدا جدا بقت ب 55 او ب 58 بالكتير
ودة طبعا نظرا لل 2000 سى سى + ان سعر اعادة بيع الاوبل مش تمام
على فكرة انا بعت العربية ودة لسبب قطع غيارها غالية جدا + كان عندى مشكلة سخوووونة رهيبة محدش عرف يحلها
وبجد يا جماعة الكلام دة عن تجربة فعلية

**tarekyusry** · 20-01-2009 03:47 AM

كل الاحترام للاءخ الكريم لقد شهدت شهادة حق للاوبل ولكن هناك افكار للناس مختلفه واحيانا يكون الثمن غااااااااااااالي لك كل التقدير وللمنتدي الشامخ

**M.Mokhtar** · 20-01-2009 03:48 PM

المشاركة الأصلية كتبت بواسطة Ahmed20_08nubira

عايز اوضح حاجة يا باشا بعد ازنك
طبعا الالمانى محترم وجامد جدا ولكن انا هختلف معاك فى بعذ نقاط بما انى كنت ممتلك سيارة اوبل فيكترا موديل 98 الشكل الجديد
اولا اللى لاحظتو من كلامك ان الاوبل 97 2000 سى سى طبعا افضل من النيسان والانسر ..لا ياباشا طبعا النيسان والانسر 2006 او 2007 افضل بمراحل...
.
.
.
.

بصراحه مش عارف اعلق على ايه ولا ايه
انا معاك فى حاجة وحده بس التكيييف

غير كده مفيش حاجة زيى الفكترا

وموضوع الترخيص ده مين قالك انه 1000 جنيه؟؟؟

انا مرخص السنه اللى فاتت ب 600 تقريبا والسن هالجاية هرخص ب 550 ان شاءا لله

موضوع الوسع الداخلى مش هقدر ارد عليك عشان دى حاجة معروفه

استهلاك البنزين انت بتتكلم على انهى موتور؟
1600 كامه واحده
1600 2 كامة ايكوتك
2000 كامة وحده
2000 2 كامة ايكوتك
؟؟؟؟؟؟؟؟

عشان بس نعرف نقارن بين قوة الموتور وعدد الاحصنه والاستهلاك مع الاخذ فى الاعتبار وزن العربيه

صعب جدا تدخل فكترا مع لانسر ونيسان
مفيش وجه مقارنه

**Ahmed Selim** · 20-01-2009 03:57 PM

المشاركة الأصلية كتبت بواسطة M.Mokhtar

صعب جدا تدخل فكترا مع لانسر ونيسان
مفيش وجه مقارنه

كان عندى 2 منهم لانسر 98 كانت بتاعت أخويا و فيكترا بتاعتى وكان برضه واحد صاحبى معاه صنى.....الألمانى ألمانى....مفيش وجه مقارنة

**bmya** · 20-01-2009 04:06 PM

مختار باشا منور منتدي النيسان
انا الصراحه زي ما انت قلت عمري ماهقارن الاوبل الصني ولا الانسر
شهاده حق ابن خالتي كان معه اوبل فيكترا 1997 2000 cc
اتوماتيك الماني مش مصري وكانت فتحه سقف وفيها كلحاجه
العربيه دي كانت بتمشي 200 مرتاااااااااااااح
وعمل بيها حادثه وغير النص الامامي تقريبا والعربيه كان طالع عينها وبرده كانت ثابته الكلام ده علي فكره كانت سنه 2000 بس طبعا كانت قطع غيارها نار ومش موجوده كتيير لانها ماكانتش منتششره اوي زي دلوقتي
باعها وجاب ليجانزا وبرده متكيفش منها مع انها 2000 سي سي برده بس طبعا اوبل حاجه تانيه
ولحد دلفقوتي بيحلف بالاوبل موديل 97 دي
وواحد صحبي معه فيكترا 2001 كان جايبها زيرو 1600 مانوال بصراحه العربيه دي تحس انك راكب سجاده علي الطريق
فعلا بنكون راكبين ومشغلين التكييف وسحبين ولا حاسس باي حاااااااااااااااجه وبكون هتجنن لما ابص علي العداد الاقي 170 وداخلين علي ملف في طلعه كبري وانا قاعد اقول في سري اكيد هيخف السرعه ده ملف وكوبري وانا لو مكانه بالصني ولا لانسر ههدي السرعه وهو ولا في دماغه وداخل عاااااااااادي وماسك الدرريكسيون بايد واحد والصراحه الواحد فعلا مبيحسش انه واخد ملف بالسرعه دي
بس طبعا ده لا يقلل من النيسان واللانسر
لان برده العربيات دي بتجري وبتشد وتسد مع الاوبل كمان في الجري
بس في الثبات معلش الاوبل تكسسسسسسسسسسسسسسب

-

-

-

الموضوع: نصيحة لوجه الله

LinkBack

أدوات الموضوع

عرض

-

-

-

-

-

المواضيع المتشابهه

نصيحة لوجه الله

نصيحة لوجه الله

نصيحة لوجه الله

نصيحة لوجه الله

نصيحة لوجه الله

الكلمات الدلالية لهذا الموضوع

المفضلات

المفضلات

ضوابط المشاركة