شراء سيارة بعرض سعر مختلف واكبر من فاتورة الشراء هل يترتب عليه ضرر للمشترى؟؟

**د.أبونضال** · 17-01-2013 08:24 AM

ألف مبروك أولا... سبحان الله بعد كل الشغل اللي عملته في نيسان انتهى بيك المطاف على شيفروليه... ربنا يبارك لك في اختيارك ويحميها لك من الحسد..
ومعلش في السؤال ..هي العربية "كروز" دي مش كان عليها عرض من كام شهر وكان عليها خصم 25 ألف تقريبا ولا دي كانت عربية ثانية؟

**Eng.Peter** · 19-01-2013 01:57 AM

بالتوفيق بس طبعا متوافقش
ليه تدفع سعر و تأخد فاتورة بالأقل؟

**Mostafa.Mahran** · 19-01-2013 02:06 AM

كل المعارض بتعمل كده و ده الطبيعى عندهم سواء الطارق او اى موزع لاى عربية

العربية السعر الرسمى من التوكيل بالحجز و الانتظار 3 شهور هو 100 الف مثلا

سعر التسليم الفورى بالاوفر برايس هو 110

الفاتورة هتطلع ب100 طبعا لان الاوفر برايس حاجة غير قانونية و مش معترف بيها فى الضرايب

واستحالة هتلاقى معرض هيطلعلك فاتورة بالفلوس الى هتدفعها كلها لانه لو عمل كده الضرايب هتحاسبه على 110 بدل من 100 و شوف بقى هو باع كام عربية بالسعر ده

**egyptiandiver** · 19-01-2013 02:29 AM

تهرب ضريبي...

**hossam_elwani** · 19-01-2013 11:25 AM

المشاركة الأصلية كتبت بواسطة mostafa.mahran

كل المعارض بتعمل كده و ده الطبيعى عندهم سواء الطارق او اى موزع لاى عربية

العربية السعر الرسمى من التوكيل بالحجز و الانتظار 3 شهور هو 100 الف مثلا

سعر التسليم الفورى بالاوفر برايس هو 110

الفاتورة هتطلع ب100 طبعا لان الاوفر برايس حاجة غير قانونية و مش معترف بيها فى الضرايب

واستحالة هتلاقى معرض هيطلعلك فاتورة بالفلوس الى هتدفعها كلها لانه لو عمل كده الضرايب هتحاسبه على 110 بدل من 100 و شوف بقى هو باع كام عربية بالسعر ده

القصه هنا مش اوفر بريس القصه هنا ان السعر الرسمى اصلا 150 وهو عايز يدينى فاتوره بــ 142 وانا شكيت وقلت ممكن ده يبقى ليه ضرر عليا بشكل مباشر فى المستقبل فبعدت ولغيت معاهم واشتريت من منصور شيفروليه رأساً ومنصور حيدينى مبايعه بكامل القيمه

تحياتى

**hossam_elwani** · 19-01-2013 11:26 AM

المشاركة الأصلية كتبت بواسطة د.أبونضال

ألف مبروك أولا... سبحان الله بعد كل الشغل اللي عملته في نيسان انتهى بيك المطاف على شيفروليه... ربنا يبارك لك في اختيارك ويحميها لك من الحسد..
ومعلش في السؤال ..هي العربية "كروز" دي مش كان عليها عرض من كام شهر وكان عليها خصم 25 ألف تقريبا ولا دي كانت عربية ثانية؟

اخلفت كليا عن القديمه وده الى شجعنى وخلانى اسيب النيسان وكل شىء نصيب

http://www.nilemotors.net/Nile/326836-2013.html

وعلى فكره لسه معايا النيسان الــ 83 يعنى لسه نيساناوى ههههههه

**egyptiandiver** · 19-01-2013 01:17 PM

أما جبت اللانوس بتاعتي في 2008 من الكويت و البلاد العربية كانت ب-65,500 و ادوني ورقة لحمة كدة مكتوب عليها مش فاكر الصراحة كان 62,500 أو 63,500 و الفرق كتبو تجهيزات! مع إن هي غاية كدة على وضعها من المصنع.... لو مكسب العربية 4,000 مثلاً هو كدة ضريبياً كسبان ألف و لا انتين أقصى حاجة في كل عربية و طبيعي المرتبات و الكهربا و التأمينات الاجتماعية و و... كل التكاليف إلي على الشركة العادية يعني هتتكفل بالباقي و بالتالي الشركة دي أو إلي يعمل زيها مبيدفعشي ولا 20 و لا حتى 30 في المياه من إلي الحكومة كانت بتخطط انها تدفعهوله! و اللذيذ كمان إن الورقتين الحزانى دولة كمان خدوهم مني على البوابة... يعني الجريمة الكاملة ها ها!