عاوز اعرف افضل نوع زيت للماروتى

**wael nour** · 16-01-2013 08:06 PM

السلام عليكم معلش الواحد بيتفل عليكم انا عاوز اعرف افضل نوع زيت للماروتى انا غيرت مره فى التوكيل موبيل xhb تقريبا 5 الاف وهغير تانى قريب اخلينى فى موبيل ولا شيل ولا liqui moly انا عاوز زيت 5 الاف. وكمان انا عملت 5 الاف بعد اول الف وبقالى 7 شهور وبمشى قليل 20 او 30 كيلو فى اليوم اغير على 5 الاف ولا 6 وشكرا واسف لو صدعتكم

**Amr Axel** · 16-01-2013 08:29 PM

من واقع تجربتي أقولك خليك في الشل اما ليكوي مولي بيقولوا اشعار لكن مجربتش و مازلت غير مقتنع هههههههه

و احب اضيف مفيش حاجة اسمها زيت بيقعد 5000 احلفلكم بايه عشان تصدقوا ان مفيش حاجة اسمها زيت 5000 و 10000 ههههههههه طب ع فكرة انا حطيت قبل كده زيت معدني او اللي بيقولوا عليه 5000 نزلته ع 8000 و اللي بيقولوا عليه 10000 مكملش معايا 4000 عشان بحرق :)
و عمرك ما تلاقي اي شركة كاتبة الزيت بيقعد اد ايه , حضرتك بتابع حالة الزيت لزوجته و ريحته و ع الاساس ده بتغير
اما الزيت اللي يتحط حضرتك بتحط الزيت اللي مكتوب في دليل العربية و في نفس الوقت اللي يناسب الجو
يعني مثلا عندي مكتوب اللزوجة المناسبة 10w30 طبعا 30 مش مناسبة هنا خاصة في الصيف الشديد لكن في الشتا زي الفل و بالتالي بحط 40-50 اما 10 فده الرقم اللي بيدل ع لزوجة الزيت في درجات الحرارة المنخفضة و طبعا ديه درجات تحت الصفر
اما الفرق بين 5 و 10 و 15 و 20 ان 10 اخف من 20 و بالتالي يوصل لأجزاء الموتور أسرع من 20 عكس 20 أتقل منهم و طبعا لما الزيت يوصل لاجزاء الموتور اسرع ده بيكون أفضل للمحافظة ع الاجزاء الداخلية للموتور
و عن نفسي بستخدم شل 15w50 المفترض انه مناسب للمواتير اللي تعدت 100 الف ك

**waelgam2005** · 17-01-2013 06:54 AM

شل الجركن الاصفر زى الفل

**mesaharaty** · 17-01-2013 08:41 AM

باستعمل شل الأصفر وراضى عنه

**dr.hazem** · 17-01-2013 09:06 AM

انا مردتش من بدري لسبب بسيط...
في رأيي... مفيش حاجة اسمها انه نوع زيت احسن لعربيه....
في لزوجه أفضل بينصح بيها الكتالوج والانواع متروكه ليك والتجربة...
الماروتي افضل زيت ليها هو المعدني بلزوجه 20w 50 ولو في الشتا يبقى 15w 50
تمام كده...
انا ليه بأكد ان مفيش ماركة بعينها....
لان للأسف سوق مصر فيه العجب والانواع بتتضرب!!
عشان كده ممكن نوع اجربه يطلع جامد تيجي تجيبه تاني يطلع زباله...
طيب الحل ايه ؟
ان الزيت يتجاب من مكان موثوق وان لو العربيه اداءها كويس مع الزيت متغيرش النوع كتير....
تحياتي

Sent from my SE Arc S using Forum Runner

**lidosasa** · 17-01-2013 10:14 AM

أنا لسه شارى شيل الأصفر 15w50
ودى أول مرة ليا أغير زيت واللى أنا شارى منه العربية كان بيحط شيل أصفر وهو اللى نصحنى بيه أداءه كويس بس الظاهر إن العبوة اللى إشتريتها مضروبة مش مستريح للزيت . هو ملهوش ريحة ولونه طبيعى والموتور صوته معقول بس لزوجته مش عالية وبيسيل من على المقايس . وعلى فكرة أنا عندى شوية فضلين فى الجركن وأختبرته وبردوا لزوجته قليلة
مش عارف بقى يمكن عشان 15w مش 20 ولا هو فعلاً مغشوش ودى صورة العبوة http://store3.up-00.com/Nov12/GG564560.jpg

**dr.hazem** · 17-01-2013 10:19 AM

المشاركة الأصلية كتبت بواسطة lidosasa

أنا لسه شارى شيل الأصفر 15w50
ودى أول مرة ليا أغير زيت واللى أنا شارى منه العربية كان بيحط شيل أصفر وهو اللى نصحنى بيه أداءه كويس بس الظاهر إن العبوة اللى إشتريتها مضروبة مش مستريح للزيت . هو ملهوش ريحة ولونه طبيعى والموتور صوته معقول بس لزوجته مش عالية وبيسيل من على المقايس . وعلى فكرة أنا عندى شوية فضلين فى الجركن وأختبرته وبردوا لزوجته قليلة
مش عارف بقى يمكن عشان 15w مش 20 ولا هو فعلاً مغشوش

لا غالبا عشان 15 والدنيا برد فعلا....
وعايز اقولك حاجة...
الزيوت التخليقية بتبقى خفيفة مع ان اداءها احسن....
فملوش علاقة الموضوع ده واديك بتقول صوت الماتور كويس....
ياريت الكل يتاكد ان العلب متبرشمه كويس قبل ميشتري ولو فيه موزع معتمد هيبقى أفضل....
تحياتي

Sent from my SE Arc S using Forum Runner