اقتباس المشاركة الأصلية كتبت بواسطة mohamed.ali مشاهدة المشاركة
كنت عامل موضوع قبل كدا عن بعض المشاكل اللى موجودة فى العربية واللى معظمها بتتمثل فى اصوات صادرة من العفشة او من الفرامل بصراحة انا بتعامل مع اوتو ايجيبت واللى حصل معايا كالتالى :
قبل صيانة ال 5000 بفترة بدات اسمع صوت تزييق من ورا ودا طلع صاجة التيل الخلفى اللى مش متوفرة
وشوية وسمعت صوت صفارة من التيل اللى قدام

المهم قدمت شكوى فى نيسان عشان انجز , واسبوع وكلمنى حد من اوتو ايجيبت عشان اغير تيل وطنابير امامي وبالفعل تم تغييرهم بعد صيانة 5000 بفترة وتكلفتهم حوالى 1400 جنيه " انا مدفعتش حاجة عشان فى الضمان "

ومن يومين بس تم الاتصال بيا من اوتو ايجيبت عشان اغير صاجة التيل الخلفى وتم تغييرها وتكملفتها حوالى 4700 جنيه !!! ايوة الرقم صح 4700 جنيه " برضة مدفعتش حاجة عشان فى الضمان

ومن هنا فهمت بعد مناقشة مع الفنى ان اللى اتغير مش بس صاجة تيل دا التيل والطنابير والصاجة وكل حاجة ليها علاقة بالفرامل الخلفية واضح انه كان مشكلة فى تصميم العربية

والنتيجة ... نعومة مذهلة ... سحب مختلف تماما كل الاصوات الغريبة اللى فى العربية اختفت .. اداء الفرامل بقى بقى اقوى من الاول بكتيير بالرغم من انه كان ممتاز اصلا

وعشان كدا انا بتوجه بالشكر لشركة اوتو ايجيبت على اهتمامهم بعملاءهم وبطمنكم ان حل المشكلة موجود


الف مبروك يا باشا على العربية و ربنا يرزقك خيرها و يكفيك شرها و يباركلك فيها
لو سمحت انا كنت عاوز اعرف هل المشكلة بتاعت حضرتك دى فكل الصنى الشكل الجديد و حتى السوبر صالون؟؟؟ و لا دا اتعدل فى العربية عن اول مانزلت ؟؟
انا معايا السوبر صالون بس لسا ماكملتش ال5000 كم و الحمد لله ماظهرش عندى حاجة من الاصوات دى بس انا كنت سمعت عن المشكلة دى فى العربية فياريت لو حضرتك توضحلى ايه النظام و طريقة تعاملهم فى اتو ايجبت من حيث الضمان و التكاليف فى الصيانة
و شكراااااا مقدما