الياباني كله كده لو الطنبوره و حضرتك ماشي مشوار طوالي و لطشت في ميه و فرملت بتريج حاول تاخد بالك من الجزئيه دي موضوع شداد الفرامل المفروض انه ضمان
و حاول متمشيش في ميه بعد مشوار طوالي طويل و ربنا يسترها معاك
عرض للطباعة
الياباني كله كده لو الطنبوره و حضرتك ماشي مشوار طوالي و لطشت في ميه و فرملت بتريج حاول تاخد بالك من الجزئيه دي موضوع شداد الفرامل المفروض انه ضمان
و حاول متمشيش في ميه بعد مشوار طوالي طويل و ربنا يسترها معاك
عادي جدا يكون عيب تصميم في القاشقاي. وبتحصل في عربيات كتير أعلى منها.
أنا عربيتي تشارجر 3500 وفيها نفس العيب ده.
العربية معايا من الزيرو وحاليا عاملة 60 ألف كيلو .خرطلها طنابير 4 مرات لحد دلوقت. وغيرت تيل مرتين.
أنا اه سواقتي عنيفة ، بس طبعا اكتشفت من المنتديات الامريكية ان ده عيب في التشارجر ال V6 بس، انما ال V8 نازلة بفرامل برمبو.
وحل المشكلة دي زي ما قال الاستاذ أحمد عبدالمقصود ان يركب طنابير slotted محترمة.
يا باشا هي لو كده يبقى عيب تصميم........و ده مش عيب قاتل لأنه ليه حل.....بتركيب طنابير ذات كفاءة أعلى.
أنا مش بعيب فى العربية.......و اول مرة أدخل على النت أدور على أي فيدباك للقشقاي بس بنحاول نساعد صاحب الموضوع.
و تاني بقول لحضرتك أن الموضوع فى المنتدى التاني صاحبته كانت بتسوق العربية حوالي 20 ميل رايح جاي فى اليوم......و هي بنت يعني على الأغلب هتلاقي سواقته مش عنيفة.
عموماً الهدف أنه يحل المشكلة اللى عنده مش اكتر.
موضوع خرط الطنابير ده توكيل نيسان فى الإمارات بيعمله كل 40 الف إجباري.......حصلت معايا فى باثفيندر......و بتدفع مبلغ محترم تحت مسمى خرط الطنابير :)
السلام عليكم ورحمة الله
انا قرات كل تعليقات الاخوة الاعضاء انا مش متخصص زيكم لكن حاتكلم من واقع خبراتى
اولا الاخوة الى بيقولوا انه العيب بسبب انه بيدوس فرامل جامد ده غير صحيح لان الفرامل فى القشقاى بتمسك على الشعرة
تانيا نفس المشكلة ده حصلت معى فى التويوتا 2008 وتم تغير التل والطانبير مرتين فى التوكيل بسبب الصوت فى الفرامل وتكل الطنابيىر والموضوع كله انه قطع الغيار فى الفرامل مواصفات اروبية وهى لها مواصفات خاصة علشان البيئة فبيكون خامات التيل والطنابير مختلفة وبتكون طرية وكان كان سبب التاكل والصوت
ومتحلتش المشكلة اا لما غيروا نوعيه قطع الغيار
وانما من الاخوة المتخصصين توضيح وجهة نظرى وجربتى فى نفس الوقت
بصراحه مش متخيل كميه الناس ال بتتكلم عن عيب سواقه
او رجل تقيله
كلام غير منطقي بالمره اصلا
اصل لو هتكلم انا ما ركبتش قشقاي بس ركبت غيرها كتير من صيني ال كوري اال ياباني
لانسر , ال هي معروفه اصلا ف سوقها انها بتاكل طنابير وتيل
وشيري الصيني
وافيو
واخيرا عربيتي التيدا ,,,, ال اي حد يشهدلي ان سواقتي , عفوا , قذره
انا عامل 40 الف ف سنتين الا كام شهر
جري بالعربيه ف السفر على سرعات عاليه 160 - 180 واحيانا 200
والمشي العادي بتاعي لا يقل عن 120 ,, ف اغلب الوقت ما عدا الزحمه
سفر كتير
وفرمله قويه طبعا على السرعات دي
وغرز وما الى ذلك
ودا بمنتهي الصراحه
ولحد الان لسه ما غيرتش تيل , فى التوكيل ف صيانه ال 35 قالولي ان التيل خلاص يمشيني 3 او 4 الاف كيلوا اخره
ودا الطبيعي جدا وال انا متوقعه من العربيه بصراحه
ف مش هقارن التيدا المكسيكي بالقشقاي الانجليزي باى شكل من الاشكال
لان القشقاي , على اقل تقدير تبقى نفس ال مده , بفرض ثقل وحجم العربيه
وتقلها على الفرامل وحتي لو ف السواقه العنيفه
لكن حضرتك المشكله بكل تأكيد ف العربيه عيب تصنيع او فى شىء غير مظبوط
صاحبى كان عنده مشكله مماثله ف لانسر 2007 , رجه ف الدركسيون , مع الفرامل
الفرامل نفسها مافيهاش رجه تحت رجليه , لكن الرعشه ف الدركسيون
وكان العيب ف مساتر الفرامل , بعد طبعا معاناه ف خرط الطنابير , ومره يخرط ويغير تيل
ومره ما يغيرش تيل وهكذا , قرف وشغلانه
بعد حل مشكله الماستر , العربيه اتظبطت والدنيا بقت تمام
حضرتك اتجه لفرع تاني من التوكيل دا ابسط الحلول
واكشف بره عند اى حد متخصص طنابير وتيل
بالتوفيق ان شاء الله
يا جماعة عملت شكوي في نيسان موتور ايجيبت و منفضين كل ما اكلم اسأل عن الشكوي حصل فيها ايه يقلولي ردود مالهاش دعوي بالموضوع انا بجد زهقت منهم و مستفزين و الواضح انهم مبيحلوش حاجة خالص و فعلا يا ريتني كنت عرفت كل ده قبل ما اشتريها فعلا خلو الواحد ندمان علي القشقاي
حسبي الله و نعم الوكيل
أبعت شكوى على الأيميل ده
customercare@nissan-me.ae
بتاع نيسان الشرق الأوسط......أنا جربت أبعتلهم قبل كده و جاب نتيجة معايا كويسة.
و أحكي المشكلة من الأول و قول أنك عملت شكوى في نيسان مصر و محدش رد عليك.
شكرًا يا احمد و جاري إرسال الemail
اخى الفاضل - الزملاء الاعزاء
اولا اى سيارة نيسان لا يمكن شداد الفتيس و لا الطنابير تتاكل بعد 20000 كم!!!
ثانيا راجع مشاركاتى حتلاقى فيهم مشكلة حدثت لى مع القاشقاى 2012 و كيف تم حلها مع حماية المستهلك
انصحك بتجهيز فاتورة الشراء و كتيب الضمان المذكور فيه ان ضمان السيارة 3 سنوات او 100000 كم
و تسجيل شكوى بجهاز حماية المستهلك
و ربنا يوفقك