عايز حل معايا قشقاي و فيها مشاكل كتيرة

**Mohamed-kamal** · 17-01-2013 12:53 AM

السلام عليكم
انا محمد مالك لسيارة نيسان قشقاي موديل ٢٠١٢ أستلمتها شهر ٧ العربية عامل بيها لحد كتابة الموضوع ده ٢٣،٦٧٩

العربية ممتازة في كل حاجة ماعدا الطنابير و التيل الامامي انا مغير لها الطنابير مرتين مره عند ال١٠،٠٠٠ (في نيسان اوتو ايجيبت) علي الضمان و التيل غيرته ب٥٠٠ جنيه و قلولي في التوكيل أكيد بتغسلها كتير قمت يا جماعة لاغي بند الغسيل من حسباتي و اكتفيت بالهوفر فقط من الداخل لحد دلوقتي
عملت ٢٠٠٠٠ و جابت طنابير تاني و غيروها تاني علي الضمان و مغيرتش تيل قلولي كويس

دلوقتي بعد ٣٠٠٠ كيلو بعد تغير الطنابير لسا عاملة رعشة الفرامل و شكلها هاتجيب طنابير تاني رحت اوتو ايجيبت و قلتلهم علي المشكلة قلولي ( دي طريقة سواقة و إحنا ملناش دعوي عندك مصنع نيسان نمرتهم اهه و اداني ورقة مكتوب فيها رقمين رقم ليهم و المصنع)

نيست ققولكم ان العربية جابت شداد فتيس و مش علي الضمان
انا بجد عايز اعرف انا عربيتي لوحدي الي بيحصل فيها كده و لا ايه؟
عامل شكوي في مشكلاتي الي في العربية عند نيسان المصنع و لحد دلوقتي مافيش رد
انا عايز نصيحة اعمل ايه

**AlGazar2** · 17-01-2013 01:15 AM

عربية تغير مرتين طنابير و تيل و تجيب شداد فتيس و هيه لسه معملتش 25 الف على بعض دى عربيه فيها عيب تصميم و اشتكى فى حماية المستهلك

و هو ايه شداد الفتيس ده عشان معرفوش بس برضه ميبوظش بعد 6 شهور استخدام
ده الصينى مبيعملهاش

**DarkMagician** · 17-01-2013 01:18 AM

شوف حضرتك انت شكل رجلك تقيلة على الفرامل وبتدخل في مية كتير او حد بيوجب معاك اول ما بتركن ويديهالك غسلة على طول خد بالك من حجتين تقل رجلك ودواسة الفرامل لان محدش جاب سيرة طنابير لا في مصر ولا برة مصر
وموضوع التيل ده يثبت ان رجلك تقيلة وفي الزحمة بالذات

**DarkMagician** · 17-01-2013 01:20 AM

المشاركة الأصلية كتبت بواسطة algazar2

عربية تغير مرتين طنابير و تيل و تجيب شداد فتيس و هيه لسه معملتش 25 الف على بعض دى عربيه فيها عيب تصميم و اشتكى فى حماية المستهلك

و هو ايه شداد الفتيس ده عشان معرفوش بس برضه ميبوظش بعد 6 شهور استخدام
ده الصينى مبيعملهاش

حضرتك لو كان في عيب في الطنابير مكانتش حصلت تاني بعد ما غيرها واذا كنت قصدك عيب عام فعندك عدد للا باس به عدوا ارقام كبيرة ومحصلش معاهم حاجة

ان شاء الله خير

**DarkMagician** · 17-01-2013 01:25 AM

موضوع شداد الفتيس ده هل ليه علاقة بالفرامل ؟؟
لو طلع ليه علاقة يبقى اكيد محتاج يتراجع عليه

**Ahmedmiy** · 17-01-2013 02:34 AM

بسم الله الرحمن الرحيم

اللهم صل على محمد وعلى آله وصحبه أجمعين

الحمد لله

أهلاً بيك على قسم نيسان نايل موتورز

هذة أول مشاركة لك صحيح هى شكوى ولكن إن شاء الله أخونا أحمد تى فى يحاول يوصل الشكوى للمسؤلين وإن شاء الله يكون هناك حل واضح لها .

وإذا كان وصف المشكلة كما جاء فى الموضوع أظن والله أعلى وأعلم أنها قد تكون عيوب صناعة وده شىء وارد جدا لجميع ماركات السيارات .

وأنصحك أيضاً بتجهيز نفسك لعرض الامر على جهاز حماية المستهلك إذا كان الحل غير متاح مع المصنع وأظن الجهاز بيطلب منك أن تكون تقدمت بشكوى ومعك رقم هذة الشكوى وطبعا إرفاق أوراق السيارة والضمان .

ولكن إن شاء الله يكون هناك حل واضح من خلال نيسان ومراكز الصيانة التابعة .

واخيراً تابع الموضوع وفكر بهدوء فى خطواتك وإن شاء الله ربنا ييسر لك الأمور ما دمت صاحب حق وإذا لم يكن فأحتسب الأجر عند الله .

خالص الدعوات بالسداد والتوفيق إن شاء الله

سبحان الله وبحمده سبحان الله العظيم

سبحانك اللهم وبحمدك ، أشهد أن لا إله إلا أنت أستغفرك وأتوب إليك