الموضوع: ايه رأيكم فى اللاب توب ده ؟ عيوبه قبل مميزاته .

المشاركة الأصلية كتبت بواسطة s o p h o s

انا شاري من فترة الاي 5 منه وبصراحة جهاز جميل ..

طمنتى الله يطمن قلبك .بس الاى 5 بردو نفس الرامات 8 ونفس الهارد 1000 ولا أقل ؟؟

وهل بردو الكى بورد هاف ولا فول ؟؟ يعنى الجزء بتاع الاله الحاسبه متشال بردو من عندك

ولو متشال يا ترى انت اخدت اد ايه فى انك تتعود على الارقام اللى فوق ؟؟؟؟

اصل الحته بتاع الهاف كى بورد دى خنقانى اوى فى الجهاز ده . لانى فى شغل كتير عندى على اكسيل وانا اتعودت على الارقام اللى فى الاله الحاسبه اللى على اليمين ومش بستعمل الارقام اللى فوق دى اطلاقا . وبقول يعنى جهاز جبار بامكانيات جباره ومش قادرين يكملوا الصوره الجميله ويعملوا الكى بورد فول

المشاركة الأصلية كتبت بواسطة mahmoud_ezzo

لاب كويس عيبه الوحيد من وجهة نظرى مكان السماعات لو حاطه على بطانية او سطح مش مستوى الصوت بيتكتم

هو فعلا المفروض السماعات تبقى فوق
طب هو ده عيب الموديل ده بالتحديد ولا معظم موديلات ديل السماعات بتاعتها محطوطه فى مكان غريب كده ؟

المشاركة الأصلية كتبت بواسطة محمد يوسف

اللاب ده هو اللاب الشخصى بتاعى ..بس أنا كارت الشاشةati... هو جميل جدا بس فيه عيبين : الأول بيسخن بسرعة شديدة والتانى لو فتحت عليه أكتر من 3 تطبيقات بيهنج
أنا كنت شاريه من سنة ونص ب 5000 جنيه برضه بس كان من غير ويندوز

انا اعتقد ان كروت الشاشه اللى هيه AMD Redeon هيا المقصود بيها ATI
واللى هيا N vedia هيا المقصود بيها Geforce صح ولا انا غلطان ؟؟؟؟؟

سؤال تانى معلش هو حضرتك متأكد انو نفس الجهاز ده هو اللى حضرتك اشتريته من سنه ونص يعنى اى7 الجيل التالت والرامات 8 والهارد 1000 ؟؟؟

اصل الموديل ده انا كنت سالت عليه من شهر سبتمبر الماضى وكان لسه نازل طازه من اسبوع ومكنش موجود عن كل الناس لانه مكنش لسه انتشر زى دلوقتى

المشاركة الأصلية كتبت بواسطة h_shahin

معقولة بروسيسور بالقوة دى و بالكاش و الرامات دى و يهنج من تلات تطبيقات بس !!
يمكن فيه حاجة مش مظبوطة

sent from my mz601 using forum runner

شكرا لمرورك على موضوعى
وانا فعلا كنت هأسأل استاذ محمد نفس السؤال
بس أعتقد استاذ محمد يقصد جهاز تانى بامكانيات أقل لانه بيقول شارى الجهاز من سنه ونص والجهاز ده لسه نازل من 3 شهور بس

المشاركة الأصلية كتبت بواسطة qmax

انا ارى ان جودة اجهزة لينوفو تستحق ان تلقي نظره عليها قبل قرار الشراء

شكرا لرد حضرتك

بالنسبه لاجهزه لينوفو انا ناس كتير نصحتنى ما دام اللاب اللى انت بتفكر فيه معدى رينج ال4 الاف يبقى تفكر فى براند زى الديل او التوشيبا او الاتش بى مش عارف هل كلامهم صح ولا ايه ؟؟

بس انا من خلال جولتى فى سوق العصر بمصر الجديده والسخاوى مول وجدت انه ديل منزله الموديل ده وهو يعتبر اعلى امكانيات واقل سعر

يعنى انا وجدت جهاز لينوفو رامات 6 وهارد 750 وباقى المواصفات زى الديل ب 5200
ولاقيت فى التوشيبا نفس الكلام ب 6700
الديل هو الوحيد اللى منزل الحاجات دى وب 5000 بس
لو فيه موديل من اللينوفو انا مخدتش بالى منه بالامكانيات دى وسعره أقل من الديل ياريت حضرتك تقولى عليه

المشاركة الأصلية كتبت بواسطة tamerosman

dell حمار شغل و بيستحمل و مش هتحتاج core i7 ... غالى على الفاضى انا معايا core i3 و كويس بالنسبة للبروسنج و برامج الشات و االفيس بوك و اﻻغانى و ااﻻفﻻم

هو الفكره ان انا بشترى حاجه لدلوقتى وللمستقبل
يعنى حضرتك عارف ان الحاجات دى كل يوم فيها جديد ..والجديد بيجى يلغى القديم
يعنى اعتقد كمان مثلا 7 سنين او 10 سنين ال اى 7 ده هيبقى قديم جدا ووالهارد ال 1000 ده هيكون صغير جدا جدا واكيد هيكون فيه حاجات احدث بكتير . ده دلوقتى كينجستون عملت فلاشه 1 تيرا

وكمان انا مدمن العاب وشوف الالعاب دلوقتى مساحتها بقيت عامله ازاى وبتأخد من البروسيسور والرامات اد ايه