نصف خلفي تويوتا كورلا 2012 ضرورى جدا

**amr 2** · 17-01-2013 01:29 AM

بسم الله الرحمن الرحيم
احتاج على وجة السرعة لدواعى حادث . لنصف خلفى تويوتا كورولا 2012 يستحسن لو اللون أحمر . وقد تعبت على مدى يومان من السؤال علية ولم اجدة فى المنصورة وبالتليفون فى بورسعيد وخلافها من الوكالات . على من يعرف بوجودة فى أى مكان أن يخبرنى بالتفاصيل . ولو فى ارقام تليفونات لوكالات او تجار قطع غيار ممكن ان يتواجد عندهم . وشكرا جزيلا .

**Motarjim** · 17-01-2013 03:52 AM

اسأل في الحرفيين، إن شاء الله أكيد هتلاقي طلبك.

**amr 2** · 17-01-2013 05:43 AM

المشاركة الأصلية كتبت بواسطة motarjim

اسأل في الحرفيين، إن شاء الله أكيد هتلاقي طلبك.

نزلت الحرفين واسكندرية وبورسعيد ومش لاقي

**S O P H O S** · 17-01-2013 06:00 AM

واضح ان الشكل ده الحاجات دي فيه قليلة
طيب حضرتك مينفعش تصلحها بدل التغير ..

**HAITHAM1985** · 17-01-2013 11:44 AM

إنزل الزقازيق عند ميدان الزراعة شوفت واحد عارض أنصاص كورولا وهيونداى 2012 وإستغربت جدا3

شوف كدة ..........

**amr 2** · 17-01-2013 03:41 PM

شكرا جزيلا لاهتمامكم . و جارى البحث فى الزقازيق . وربنا يبعد عنكم الحوادث .
عاجز عن الشكر

**Ahmod** · 18-01-2013 01:14 AM

مش شرط حضرتك تدور على 2012 !!!

معاك بداية من 2010 نفس ال Facelift !! ممكن كمان تركب ال 08/09 اعتقد هتلاقيهم بكثرة وباسعار اقل

**Ahmod** · 18-01-2013 01:16 AM

نصيحة :: اوعى تقول لاي تاجر انك عايز لون معين

لانه سعتها لو طلع عنده نفس اللون ده هيمسك في السعر جامد !! وانت هتضطر تقبل لانك هتاخد نفس اللون فاكنك مش راشش !! ؟ يعني شلت وركبت علطول

فلما يسالك عايز لون ايه قوله اي حاجة مش مشكلة ولو لقيت عنده اللون اللى عايزه ممكن تبقى تتكلم فيه

**Ahmod** · 18-01-2013 12:28 PM

المشاركة الأصلية كتبت بواسطة amr 2

شكرا على النصيحة . ربنا يسهلها . لكن ما خبيش عليكما فرق اللون هيكلفنى 2000 جنية رش ودوكوا ويمكن اكتر .
لكن هل فعلا ممكن نصف خلفى ل 2010 او 2011 ؟
عاجز عن الشكر لكل من ساعدنى . ربنا يجعلة فى ميزان حسناتكم .

والتاجر لما يعرف انك عايز اللون ده وان اللون ده مش موجود غير عنده !! هيزودلك الالفين تلاتة دول ويمكن اكتر كمان

واكيد يركبلها نصف خلفي 2010/2011

اصلا مافيش اي اختلاف في الشكل الخارجي مابين الموديلات !!!!

لكن برضوا ممكن تسال عشان تتاكد يمكن - الله واعلم - يكون فيه اختلاف في شئ ولو اني مافتكرش