الموضوع: ____ ثورة اليابان : كورولا 2013 من الداخل والخارج Corolla 2013 + اسعار + المواصفات ..

المشاركة الأصلية كتبت بواسطة S O P H O S

يا باشا مفيش خطأ ولا شئ
حضرتك وكل الاعضاء شوف اسم الموضوع تويوتا كورولا 2013
وهنا قسم تويوتا والعربية كورولا والسنة 2013 يعني انا مقولتش شئ غريب ولا غلط
هو كل الاستغراب فكلمة ثورة اليابان وده موضوع خاص بمكانة شركة تويوتا فاليابان
يبقي فين الغلط ؟؟؟
احنا بس يمكن بنشوف اول رد فالموضوع وبالتالي بنرد كل رد زي اول رد
لو شوفنا الموضوع من وجهة نظر تانية واننا فقسم تويوتا ودي عربية تويوتا يبقي مفيش شئ غريب
مسألة ان العربية في ناس مش بتحبها او مش بتحب سعرها او حتي بتكره اليابان كلها
ده امر تاني وانا لا يمكن اتدخل فيه دي حريات شخصية
كل ما عليا اني احترم رأي الاخر واقدر وجهة نظره فقط ليس الا

ويا جماعة الموضوع عن عربية اسمها كورولا 2013
والموضوع اتنفذ فقسم تويوتا وليس قسم اخر
اما عن ان مفيش جديد فتويوتا دي وجهات نظر
وفالنهاية
هدفي من الموضوع اظهار العربية فالقسم وتكلمة لمواضيع الاخوة هنا
والعربية تتسوق اكتر والي شايفها كويسة هيشتريها
والي شايفيها سيئة يقدر يشتري راحة باله فعربية اخري
وفي اعضاء بتبقي عاوز تشوف موضوعات عن عربية معينة
مش شرط اني مش عاوز العربية او مش عجابني ان ميكونش فيه عنها اي موضوع
والعربية دي تويوتا كورولا 2013 للتاكيد
ولو في فكلامي شئ غلط انا علي اتم الاستعداد اطلب بقفل الموضوع
ولا ان حد من زائرين قسم تويوتا يزعجه موضوع فالقسم
تحياتي للجميع
..

معلش انا عموما مبحبش اعلق كتير فى موضوع واحد, و فى الأول و فى الأخر كلها اراء, بس مش فاهم ايه دخل ان بعض الأفراد معترضة على اسم الموضوع بان الناس مبتحبش الكورولا او مبتحبش العربيات اليابانية.

أولا من المتعارف عليه ان عنوان الموضوع هوا شرح مبسط عن ما يتضمنه الموضوع و حضرتك مش عضو عادى هنا حضرتك منسق مساعد, فلما الاقى عنوان موضوع بيبتدى ب "ثورة اليابان" و بعديها "نقطتين" و بعديها "كورولا 2013 من الداخل والخارج Corolla 2013 + اسعار + المواصفات .." يبقى حضرتك بتقصد او بتوصف ان كورولا 2013 هى ثورة اليابان, و يبقى اهلتنى نفسيا انى داخل الموضوع الاقى ثورة اليابان فى 2013 بس فى الأخر لقيت الكورولا الماشية فى شوارعنا بدون اى تعديل او تغيير فى اى حاجة, فحضرتك ترجع تقولنا كلنا اننا بنقلد الاتكتب فى أول رد بدل ماتحس ان فى خطأ مهنى فى صياغة عنوان الموضوع (كلمتين تقال اهم عشان ميتقلش عليا بردد :)).

طبعا جميع اهدافك بانشاء الموضوع محدش فينا ليه انه يتكلم عليها, انا بس حبيت اوضح ان الكومنتات هيا فى اختيار اسم الموضوع و ما يؤديه الى لبس فى فهم محتواه.

و شكرا

المشاركة الأصلية كتبت بواسطة akmm

شكل جديد او شكل قديم ... المهم انها اشهر سياره فى العالم ... اقصد سياره يابانيه .

لا يا باشا هيا لا اشهر سيارة فى العالم ولا فى اليابان, ولا اشهر سيارة يابانية فى العالم ولا اشهر سيارة يابانية فى اليابان حتى.

Top 10: All-Time Japanese Cars - AskMen

هى رقم 10 فى القائمة الفوق ديه, و طبعا ديه مش بيانات رسمية, لأن الشهرة ملهاش بيانات محددة زى المبيعات مثلا و غاليا القائمة الفوق ديه بيتكلمش عن فترة معينة, و فى رأيى الأشهر يابانيا هى الايفو و الامبريزا.

و ده تقرير اخر مفيهوش ولا كورولا (لكن فيه تويوتا طبعا)

لكن بأه لو بتتكلم عن الأكثر مبيعا على مستوى التاريخ و العالم مش بس فى اليابان, فطبعا الكورولا كانت متصدرة مركز متقدم جدا فى القائمة ديه, بس مش بالموديل الحالى فقط للتوضيح.

List of bestselling automobiles - Wikipedia, the free encyclopedia

على فكرة انا مش ضد الكورولا لأنها دائما بتكون احد الخيارات الأمام عينى عند تغيير سياراتى (لأنى بغير كتير) و بطلع بالموديل و بنزل تانى عادى.

التقرير التانى الذكرتو فوق نسيت احط اللينك, و اللينك أهو:

Top 10: All-Time Japanese Cars - AskMen

اولا شكرا على تعبك في النقل
ثانيا العنوان غير مناسب للمحتوى
وده ملهوش علاقة بقصة تيوتا حلوة ولا وحشة
لاكن انا واحد من الناس داخل اشوف شيب جديد للتويوتا وقلت مفاجاة من العنوان