لوجان أوتوماتيك السعر الجديد

**abusamra41** · 18-01-2013 01:09 AM

الكلام طلع صح ده الاتوماتيك بقت 90000 والمانيوال فول اوبشن بقت 82 الف يعنى زادت 10 الاف جنيه كدا كتير جدا بجد

**mahraan** · 18-01-2013 01:10 AM

المشاركة الأصلية كتبت بواسطة khaled online

رينو لوجان أوتوماتيك بقت ب 90 ألف
ولا تعليق
أنا هسحب مقدم الحجز وحسبي الله ونعم الوكيل

خالد باشا ولا تزعل نفسك يا حبيبي ولازم تعرف اننا حاليا ف مصر اي شركه بتعمل اللي هيا عايزاه طالما مافيش رقابه ... المهم انا فضلت شهر ونص حاجز لوجان زيرو من معرض باوفر برايس وطول الشهر ونص وهما بيماطلو فيا ف ميعاد الاستلام مره بعد يومين ومره بعد اسبوع و ف الاخر لما حسيت بعدم احترام المواعيد لغيت الحجز واشتريت لوجان 2010 استعمال بحاله كويسه والحمد لله مستمتع بيها واشتريت دماغي ... نصيحتي اشتري واحده استعمال تكون حالتها كويسه ولو معجبتكش بيعها وهات اي نوع تاني

**ahmed_m_ashraf** · 18-01-2013 03:15 AM

لا حول ولا قوة إلا بالله. معلش.
الواحد على كده يحمد ربنا إنه نفد.
بس مش عارف ليه أنا حاسس فيه حاجة غلط أو هيحصل تعديل للسعر تاني قريب.
أصل همه مش هبل عشان يعملو كده. ولا إيه؟

**S O P H O S** · 18-01-2013 09:10 AM

واحنا بنشتري بردوا
ربنا يرحم المواطن فظل الاسعار دي ..

**Khaled Online** · 18-01-2013 11:11 AM

خلوها تصدي. أنا ال90 ألف لو صرفتها تاكسيات وطيران حتى وأقسم بالله هيبقى أوفر من اللوجان. وخلي بالكو ال90 ألف والزيادة اللي فيها معناها التأمين هيزيد وكذلك الترخيص ده غير تكاليف الصيانة وقطع الغيار اللي أكيد مغلينها بحجة الدولار + البنزين اللي هيغلى. يعني انت بتتكلم في عربية قربت على ال100 ألف ومن جوا فاضية.... خلوها تصدي

**ahmedeg1** · 18-01-2013 04:28 PM

ﻷاسف الموضوع صحيح ايه الهبل ده كده العربيه هتفقد ميزتها التنافسيه احنا لازم نشوف حل ده اسمه سرقه
انا لسه قافل مع المبيعات و الراجل بقى مش عارف يقول ايه و قالى بالحرف الواحد ان ميزتها التنافسيه فقدت لله الأمر من قبل و من بعد

**frhateg** · 18-01-2013 04:39 PM

حسبنا الله و نعم الوكيل .

**Waleed_Fathy** · 18-01-2013 04:59 PM

الحل مقاطعة الشراء لفتره حتي يقل الطلب و بالتالي يبقوا مضطرين ينزلوا السعر

**mahraan** · 18-01-2013 06:48 PM

بال 90 الف دول الواحد يشتري بيهم عربيات احسن من اللوجان بكتير . هيا كانت ميزتها سعرها ودلوقتي فقدت الميزه دي .. بس فعلا فيه حاجه غلط ف النطه الجامده دي ف الاسعار

**HOSSAM_GABRE** · 18-01-2013 06:58 PM

الفلوانس كمان زادت 23 الف جنية مرة واحدة ويدوب غيروا الاكصدام الامامى والفتيس يعنى الحاجات اللى غيروها ما تسويش 2 او 3 الاف جنية
الالنترا فيه كلام انها زادت 17 الف جنية
الظاهر ان مش العربيات بس اللى حتغلى
العربيات هى البداية
ربنا يستر علينا وعلى البلد
اعتقد اللى عايز يشترى عربية يلحق يشترى حاجة من اللى لسه ما غليتشى
شوفوا الصنى اهى على الاقل زادت 2000 جنية بس ولا البروتون

الموضوع: لوجان أوتوماتيك السعر الجديد

LinkBack

أدوات الموضوع

عرض

-

-

-

-

-

-

المواضيع المتشابهه

لوجان أوتوماتيك ولا سانديرو أوتوماتيك .. من الأخر بقي علشان الموضوع بقي رخم أوي

لوجان أوتوماتيك ولا سانديرو أوتوماتيك .. من الأخر بقي علشان الموضوع بقي رخم أوي

أفيو أوتوماتيك ولا لوجان أوتوماتيك

مش لاقى لوجان أوتوماتيك

لانسر 98 كاملة أوتوماتيك عداد 155000 السعر 47000

الكلمات الدلالية لهذا الموضوع

المفضلات

المفضلات

ضوابط المشاركة