زيادة اسعار الصيانة للميجان

**mohamed-adel** · 17-01-2013 06:20 PM

السلام عليكم يا وحوش

طبعا انا داخل على صيانة 120 الف ف دخلت على موقع رينو وعرفت انها ب 2400 روحت اتصلت ب 16202 وكلمت خدمة العملاء هناك عشان احجز لقيتهم بيقولوا ان تكلفة الصيانة بقيت 3650 جنية قولتلهم ليه قالولى عشان سعر الدولار على ف طبعا قطع الغيار غليت قولت مش لازم توكيل اتصلت ب طارق الى فى الهرم قالى كانت ب 1800 بقت ب 2000 عشان نفس الكلام اية رايكوا اروح لطارق ولا اخلينى فى التوكيل بردة مع انى مستحرم ال 1600 الزيادة دول + وش الفانوس الخلفى اتشرخ وعايز اغيرة هل بيتباع لوحدة ولا لازم الفانوس كلة وبكام

**abdo_2812** · 17-01-2013 07:00 PM

بالنسبة للصيانة أعتقد مش مستاهلة توكيل لو انت واثق في الراجل ده وفي جودة شغله.
بالنسبة للفانوس أنا لسه متعرض لنفس الموقف من أسبوع وكانت زوجتي معاها العربية وسواق ميكروباص علشان ياخد غرزة ويعدي منها راح لاطش الفانوس كسر الوش برضو فأنا اتصلت بجمال القاضي في الحرفيين (كنت تعاملت معاه قبل كده في تركيب زجاج استيراد ومعايا رقمه من العقيد خالد ربنا يبارك فيه) وقالي الفانوس الخلفي استيراد بـ 350ج لكن أنا لسه مارحتش عملته لسه بصراحة.

**egyptiandiver** · 17-01-2013 07:14 PM

الله يعينك يا باشا بجد... و بعدين الدولار زاد من 5 ل-10% لو مصمم يزود يبقى الزيادة بنفس النسبة على قطع الغيار و بس... مش المصنعية عشان هو أكيد مش هيزيد مرتبات الفنيين و المهندسين و العمال!

**MohammedAladel** · 17-01-2013 09:47 PM

أعملها برا .... الفانوس مش هتلاقيه غير استيراد أو جديد ومش هيبقى غالى

**MohammedAladel** · 17-01-2013 09:52 PM

العربية بسيطة ومش معقدة ميكانيكى محترم يعرف ربنا تقف عليه وهو بيعمل كل فتفوتة فى العربية هيعمل لك الشغل اللى أنت عايزه

من تغيير سيور وفلاتر وزيت

**AlGazar2** · 17-01-2013 10:05 PM

عشان الدولار ارتفع من 6.20 الى 6.50
يرفع الصيانه 1600 جنية

توكيل غريب و شكله بيشتغل على نهايته بامانة لانه كده هيفقد ميزه انه توكيل محترم

**MohammedAladel** · 17-01-2013 10:16 PM

آسف لتعدد المشاركات بنسى والله

شوف ياباشا الموضوع دا فيه حاجات ممكن تعملها بنفسك http://www.nilemotors.net/Nile/321055-2.html

**Ahmed Selim** · 17-01-2013 11:58 PM

أعتقد و الله أعلم أنك تعملها برة و أنت أولى بالفرق.

بس أهم حاجة يكون حد محترم و أنت واثق في شغله.....

و أعتقد برضه أن الصيانة برة التوكيل متعملش أكتر من 1500.....بفرض أنك هتجيب حاجات محترمة مش أى كلام.

سؤال معلش.....هل أنت سألتهم السعر شامل طرمبة المياه ولا لأ ؟

لو شامل طرمبة المياه و عاوز تعمل الصيانة فى التوكيل قولهم مش عاوز أغيرها.....هتفرق معاك جامد.