الموضوع: معروض عليا كورسا 2005

أنا كنت العربية دي معايا، بصرح أنا بحبها جداً، هي كنزة من جوا يعني مش الوسع الفزيع، كويسة. عالية عن الارض، دة كان ميزة بالنسبلي عشان شوارع مصر الجميلة.
الثبات كان كويس بالنسبلي أخري كان ١٢٠ ف أكيد ممتاز ليا. بس لم كنت بسافر كنت بمشي في حدود ١٤٠ كنت بخاف أزود عن كدة. كنت جيبها زيرو وكنت ماشي دايماً على الصيانة الدورية في التوكيل، عمرها ما عملت معايا أي مواقف بايخة مشاء الله على دي عربية.

المشاركة الأصلية كتبت بواسطة Osama_soliman

الاخوة الافاضل / اعضاء المنتدى الكرام

السلام عليكم ورحمة الله وبركاته

معروض عليا عربية كورسا 2005 عاملة 35 الف كليو واستعمال راقى لانها بتاع واحد قريبة والعربية معروفة لنا من اول ما اشتريها.

هوه طالب فيها 60000

محتاج اعرف رأيكم فى السيارة عموما
لانى سمعت ان من عيوبها ان العفشة نشفة شوية واتساع العربية من جوه مش كبيرة.

ومحتاج اعرف رأيكم فى سعرها


ولكم جزيل الشكر وعاطر التحية

اسامه سليمان

السلام عليكم..
اسامة بك..
منورنا.. و ان شاء الله نقدر نفيدك..
العربية لا غبار عليها تماما..
و العيوب اللي انت بتقول عليها دي مش عيوب اصلا..
يعني المساحة مش عيب.. هي تصميمها كده..
اما العفشة الناشفة د
ايما هتلاقي قاعدة كده.. عفشة ناشفة = ثبات اعلي..

السعر مناسب عليها او ان كان ممكن يتهز الف او 2 بالكتير لو قدرت..
بس هو كده ما شاء الله كويس برضه.. مش وحش خالص..
ابقي طمنا عملت ايه و ربنا يوفقك..

و اوعي تنسي تستخيييييير... :)