الموضوع: أنا عربيتي فيكترا 97 مواصفة خاصة 2000سي سي

محدش معبرني ليه؟!

الموتور القديم فعلاً كان ٨ صباب (كل مواتير اوبل ما قبل Ecotec )
والموتور دة تقريباً (المعلومة مش مؤكدة بس هي من موتور اوبل أوميجا ال-٢٠٠٠ )
حوالي 115 حصان ، و العزم بتاعه 178 نيوتن / متر ، عشان كدة هتلاقي الطلعة بتاعته جامدة جداً

موضوع التكيف دة بقى غالباً بيكون شحن ، رجع الشحن تاني يمكن يكون في تهريب بسيط و بيزيد مع الوقت ، تاني حاجة اتأكد إن الفلتر بتاع الهوا إلي داخل الصالون مش مسدود تراب ، تلت حاجة اتأكد إن الكباس شغال كويس و السير بتاعه مشدود كويس .

و ربنا معك و تعرف المشكلة فين

ألف شكر يا باشا..أنا مش عارف أقولك إيه علي معلومة الموتور دي كنت هموت وأتأكد منها..طيب معلش سؤال تاني..الموتور ده تقريبا السرعة القصوي بتاعته كام تقريبا.وإيه اللي ممكن أعمله يزود من كفائته و يطول عمره.أعذرني أصلي أول مرة أركب أوبل و معرفش فيها حاجة.وعاوز حد يساعدني أعرف إزاي أظبط موتورها و عفشتها و كده يعني..أشكرك يا أخي مرة تانية وان شاء الله هشوف حكاية فلتر التكييف دي

المشاركة الأصلية كتبت بواسطة ahmed_magdy_shaaban

ألف شكر يا باشا..أنا مش عارف أقولك إيه علي معلومة الموتور دي كنت هموت وأتأكد منها..طيب معلش سؤال تاني..الموتور ده تقريبا السرعة القصوي بتاعته كام تقريبا.وإيه اللي ممكن أعمله يزود من كفائته و يطول عمره.أعذرني أصلي أول مرة أركب أوبل و معرفش فيها حاجة.وعاوز حد يساعدني أعرف إزاي أظبط موتورها و عفشتها و كده يعني..أشكرك يا أخي مرة تانية وان شاء الله هشوف حكاية فلتر التكييف دي

الموتور دة فعلا 8 صمام وسرعتة القصوى اخر عدادك :)
وسيبك من اللى يقولك تكييفها تعبان اهتم بالصيانة وقطع غيار اصلية ومش اى حد يعك فيها وهتلاقية تلاجة
عندك التبريد ضعيف ولا الهوا اللى خارج ضعيف؟؟

الهوا اللي خاج ضعيف..يعني لو عاملو علي أول درجة تقريبا مفيش هوا لكن التبريد نوعا ما كويس.و في ملحوظة..أول ما أشغل التكييف بيعمل صوت غريب كده زي ما يكون بلونة مخرومة و بعدين يروح علي طول,,علما بإني كشفت علي الخراطيم والمواسير تمام.شكرا

المشاركة الأصلية كتبت بواسطة ahmed_magdy_shaaban

الهوا اللي خاج ضعيف..يعني لو عاملو علي أول درجة تقريبا مفيش هوا لكن التبريد نوعا ما كويس.و في ملحوظة..أول ما أشغل التكييف بيعمل صوت غريب كده زي ما يكون بلونة مخرومة و بعدين يروح علي طول,,علما بإني كشفت علي الخراطيم والمواسير تمام.شكرا

الهوا الضعيف حاجة من اتنين يالفلتر عايز يتنضف او يتغير ياما بوابة ال recirculation مش مظبوطة او مش شغالة اصلا

المشاركة الأصلية كتبت بواسطة ahmed_magdy_shaaban

ألف شكر يا باشا..أنا مش عارف أقولك إيه علي معلومة الموتور دي كنت هموت وأتأكد منها..طيب معلش سؤال تاني..الموتور ده تقريبا السرعة القصوي بتاعته كام تقريبا.وإيه اللي ممكن أعمله يزود من كفائته و يطول عمره.أعذرني أصلي أول مرة أركب أوبل و معرفش فيها حاجة.وعاوز حد يساعدني أعرف إزاي أظبط موتورها و عفشتها و كده يعني..أشكرك يا أخي مرة تانية وان شاء الله هشوف حكاية فلتر التكييف دي

السرعة القصوى مش بتكون للموتور دي بتكون للعربية على الموتور (لأن داخل فيها الجيربوكس و ضخ فيها الموتور و داخل فيها وزن جسم العربية و الكماليات إلي فيها و تحميلها على الموتور )
بس أنا ممكن أخمن متوسط كدة للسرعة في العربية دي و هيكون في حدود ١٩٠ ٢١٠ كم/س خصوصاً انها منوال كمان