اقتباس المشاركة الأصلية كتبت بواسطة welo77 مشاهدة المشاركة
جزاكم الله كل خير يا باشا
انا من الناس الى هتسئل وربنا يستر ونخلص فى يوم واحد علشان انا مرور السلام الى هو اسوء مرور ممكن تشوفه فى الدنيا
بص كل المرور عايز ضرب النار وكلهم اسواء من بعض بس انا عايزك ماتعتمدتش على السؤال لان السؤال لغير الله مذلة ودفع فلوس لواحد مخلصاتى هيصطادك انت بالترتيب كدة زى ما انا كاتب اعمل اكتبهملك تانى من غير ذكر فلوس
0-ورق العربية بتاع المعرض وهو عبارة عن ورقتين + صورة البطاقة بتاعتك
1- ورق فحص من الخزنة وتملى اسم صاحب السيارة والحاجات الى تعرفها يعنى
2- شراء طفاية من جنب مكان الفحص وختم الورقة الخاصة بالطفاية
3- هتلاقى راجل ببالطو كدة فى العادة بياخد رقم الشاسية والماتور تجيبة وتفتحلة الكابوت وتديلة الورق بتاعك يلزق علية ورقة واتاكد ان الى لزقة هو هو رقم الشاسية والماتور زيادة توكيد يعنى
4- تاخد ورقك وتروح للمهندس هتلاقية فى نفس المكان هيختملك علية بعد ما يبص على العربية بتاعتك ويتاكد من الطفاية والمثلث وشنطة الاسعافات
5- تاخد ورقك وتسلمة لموظف الشباك الى مكتوب علية ترخيص اول مرة او جديد
6- هتروح الخزنة بعد ما يديك ورقة كدة تدفع بيها وبعدين منك لنفسك تروح تسئل فين التامين الاجبارى وتدفعلك المدة الى انت هترخصها شوف انت سنة والا تلاتة
7- تشترى ملف تجديد اسئل فين بيبيع الملف بردو هيكون حواليك
8- هتروح لموظف الشباك تانى بتاع رخصة اول مرة هيديك ورقة كدة
9- هتسئل على مخزن اللوحات وتختم الورقة دى منهم
10-ترجع تانى لموظف الشباك وتديلة الورق
11- ابدا فى عد قدرتك على حرق كام سيجارة فى الساعة
12- لو لقيت كل الى انا قلتهولك دة وقدرت انى اسهل عليك حاجة مش هقولك ادينى 100 جنية ياعم 50 ماشى او الاحسن من دة كله واوفرلك ادعيلى ودة عندى كبير بس ربنا يستجيب