الموضوع: سؤالين عن صيانه الالف و ازاله الخرابيش في الاسكندريه

السلام عليكم يا اخواني الكرام
انا عندي سؤالين لملاك صني في الاسكندريه اول سؤال هو في حد في اسكندريه عنده ورشه لأزاه الخرابيش و الحكات اللي بتبقي موجوده في العربيه ( الخرابيش كلها في الاكصدام)
و السؤال الثاني هو علشان احجز الصيانه اكلم الخط الساخن لخدمه عملاء نيسان و لا اكلم مركز الصيانه اللي انا ناوي اعمل الصيانه فيه
منظر ردودكم يا صقور

المشاركة الأصلية كتبت بواسطة mmohamed15

شكرا ليك يا دودي باشا دايما كده واقف جنبي من يوم ما فكرت في شراء العربيه لحد دلوقت بس ممكن تقولي تصليح الخرابيش اللي عندك في التوكيل اتكلف كام
و بالنسبا للأخ سحس انا مؤمن برأيك جدا بس الموضوع بسيط و انا بحاول اعالجه ببساطه من غير رش و لا حاجه علشان ميكبرش

يا باشا العفو أنا بأحاول أساعد بس بما انى اشتريت قبل منك مش أكتر

وسحس كلامه مظبوط لانى لما قريت فى الموضوع بتاع الخرابيش فهمت منه انه بياخد من البوية حواليها وبيلمعها كويس يعنى البوية هتبقى ضعيفة فى المكان ده

روح اتفرج و شوف الكلام ايه ورأيى الشخصى فى الاول بتبقى خايف على العربية من الحكة

لكن بعد ما تتظبط بأول خربوش بتلاقى الموضوع عادى مش هيأثر فيك هو الموضوع نفسيا أكتر

وأنا ما رضيتش أصلح فى التوكيل و ده رابط لموضوع لسه عامله بتفصيل أكتر

http://www.nilemotors.net/Nile/331189-a.html