الموضوع: جيتا ولا هوندا سيفيك!!

المشاركة الأصلية كتبت بواسطة S O P H O S

هههههه
يا سحس باشا متقولش كده
هو بس يمكن الي مش راكب جيتا مركبش اي عربية فحياته ..

اضحك الله سنك ياsophps :D

المشاركة الأصلية كتبت بواسطة amrpegas

معلش الناس البتتكلم كتير عن السيفيك و الجيتا وما ركبتش ولا دى ولا دى بلاش تتكلم مع خالص أحترامى للجميع ممكن تقارن السيفك باللنسر ماشى وبمازدا ماشى يس جيتا صعب جدا ممكن تقارن الجيتا ب بم دبليو 320 ممكن بأودى ماشى بس بليز

ياباشا اهدى بس فى ايه هو كل حد معاه عربيه يبقى متحيز ليها وخلاص!!! مش كده يعنى :d
الهوندا والجيتا نفس الفئه السعريه تقريبا والاتنين مش قليلين والجيتا مع واحد صحبى وانا سوقتها اكتر من عربيتى ونزلنا بيها من الغردقه للقاهره وفعلا زى ماسمسم قال سخنا بيها فى طريق القطاميه العربيه مش عاوزه تكسر ال195 وادينا ركبت وكنت سايق اهو عشان متقولش اللى مركبش ميتكلمش :)
تحياتى ياباشا ولازم يبقى فى روح مقارنه :d

المشاركة الأصلية كتبت بواسطة sehsss

السيفيك فعلا أفضل، واعتبروني ما ركبتش عربيات أنا كمان

سحس باشا :d
انا عاوز رايك ليه سيفيك ياكبير
سيبك انت من اى كلام تانى يضايقك ياريس :)

المشاركة الأصلية كتبت بواسطة shaddadfalcon1

االجيتا في نفس الفئه السعريه بتاعة السيفيك تقريبا يبقي طبيعي تتقارن بيها
الجيتا اقل من الباسات والباسات بتتقارن ب bmw 316,318 يبقي ازاي الجيتا اللي هي اقل من الباسات تتقارن ب 320 ؟
ال 320 تقريبا تجيب 2 جيتا

احييك :)
مفيش عربيه كبيره على المقار

المشاركة الأصلية كتبت بواسطة S O P H O S

فعلا انا مركبتش اي عربية فحياتي
مستني اطلع الرخصة ان شاء الله
والجيتا هتتقارن بالبي ام 535 علي الاقل طبعا فعلا
فينك يا هاني باشا تنور الموضوع اصله كان راكب باسات مش جيتا ههههههه وحاليا راكب سيفيك
خلصت كلامي
تحياتي ..

sophos بيه
ضحكتنى فعلا واحب اقولك
متقولش على نفسك كده انت جميل :D :D :D
فين هانى بيه يقولنا رايه من باسات لهوندا!! اكيد عنده الخلاصه
حبيبى ياسوفوس والله :)

المشاركة الأصلية كتبت بواسطة sameh_fouad

انا بقى ركبت الاتنين وعايز مقارنة زى الفل اقولك

1- ماتور السيفيك تتفوق بجدارة , الجيتا سيب عليها فيرنا هتعمل معاها الصح بس طريق مستقيم

2- الثبات , الاتنين ممتازين مافيش اى كلام عليهم , موضوع بقى مين اثبت هاقول حاجة بسيطة

السيفيك ممتازة جدااااااا لحد 200 كم , الجيت ممتازة جداااااااااا لحد 193 كم بس دية اخر السرعة ليها مقدرتش تجيب اكتر من كدة معانا


3- الارتفاع عن الارض السيفيك افضل , الجيتا لازم تسمع صوتها فى اى مطبات

4- المساحة , تعتبر قريبة من بعض جدا

5- وسائل الامان و الاوبشن لو السيفيك vti هتبقى ممتازة , لكن لو lxi هنقول التفوق للجيتا

6- طبعا الشكل الاتنين شكلهم روعة

7- الخامات الاتنين تقفيل ممتاز بدون اخطاء

8- استهلاك البنزين قريبين من بعض بس التفوق للسيفيك بفرق مش كبير

9- الاعتمادية وقطع الغيار لصالح السيفيك بس بردة مايمنعش ان الجيا محترمة جداااا

10- التكييف لصالح السيفيك بدون كلام

الله يفتح عليك ياباشا والله
فعلا كلامك صح واللى اكدلى موضوع انها مبتجبش بعد ال190 مش عارف ليه!
الف شكر على ردك
بس مش صاج الجيتا والبودى بتاعها امتن واسمك من الهوندا وده يفرق برضو فى الثبات اثناء التسارع والمناوره!؟
مشكور ياباشا طبعا :)