عداد الrbm

**didosperanza** · 26-07-2008 04:37 PM

عداد الrbm عندى فى العربية اول ادور بيطلع على رقم 1 وصوت العربية كانى دايس بنزين. ارجو الافادة

**didosperanza** · 27-07-2008 05:17 PM

محدش عارف ولا ايه

**sab3aawy** · 27-07-2008 09:11 PM

نوع العربية ايه؟

هل هى سبيرانزا كما هو واضح من اسمك؟ ياريت يا جماعة تساعدونا وتفتكروا تحطوا نوع وموديل العربية ولو قديمة تقولوا هل هى كاربراتير وللا انجكشن علشان اللى عنده معلومة يقدر يساعد بدل ما نفضل نخمن ونبحث عن مفتاح اللغر فى اسم العضو او توقيعه

المهم،اولا لو الصوت العالى ده بيفضل شوية وبعيدن يروح فده الطبيعى لحين استهلاك كمية بنزين التحضيرة الاولى

لكن لو الموضوع ده بيستمر ومش بيروح: لو العربية سبيرانزا فأول حاجة تبص عليها حساس دواسة الاكسراتير لأن فى كتير من عربيات الاسبرانزا بيعمل مشاكل، هو موجود عند دواسة البنزين تحت رجل السائق، لو مافيهوش مشكلة يبقى انت محتاج تراجع الIdle valve وتشوفه محتاج نضافة او صيانة ، لو مافيهوش مشكلة راجع ال الair mass ، لو مافيهوش مشكلة راجع ال TPS ، لو كل ده مافيهوش مشلكة يبقى هتحتاج تعمل زيارة للتوكيل علشان يبرمجولك سرعة السلانسيه

**didosperanza** · 28-07-2008 01:44 AM

شكرا يا سبعاوى على الافادة بس مش عارف ايه هوidle valae و الair mass و tps

**sab3aawy** · 28-07-2008 11:08 AM

المشاركة الأصلية كتبت بواسطة didosperanza

شكرا يا سبعاوى على الافادة بس مش عارف ايه هوidle valae و الair mass و tps

الidle valve او كما يطلق عليه فى مصر الأيدل، هو بلف صغير بحجم كف يد مضمومة وظيفته تنظيم دخول الكمية المناسبة من الهواء للمحرك فى وضع السلانسيه علشان ضبط سرعة السلانسيه

الTPS او الthrotle position sensor هو الحساس الذى يحدد مقدار فتح باب الهواء لكى تستطيع الكارتة تحديد كمية الوقود اللازمة للمحرك

الair mass هو حساس يقوم بقياس كمية الهواء الداخلة للمحرك، وله دور بالطبع فى حساب كمية الوقود

ال TPS و الidle valve تكون مركبة على throtle body (وحدة التحكم فى توزيع الهواء على البساتم )

صورة لوحدة الثروتل بادى مع المانيفولد الخاص بها

صورة من الأمام لوحدة الثروتل بادى منفردة

وال air mass يكون عادة مركب على خرطوم الهواء الواصل بين الفلتر والthrotle body