حصريا X_Dam أمامى ميجان بين إيديك

**MohammedAladel** · 19-01-2013 02:48 AM

السلام عليكم
والدى أدى العربية لواحد خبط العربية فى شنب الأكسدام من قدام مما أثار غضبى شنب الأكصدام أتقطع قطع
المهم
مبدئيا فيه 3 مسامير مقاس 10 رابطين الأكصدام والمصفحة فى جسم العربية هنفكهم بمفتاح 10

بعدين نركب العربية نكسر الدركسيون أقصى الشمال وننزل عند الكرتيرة اليمين هنلاقى مسمارين زى ما مشاور بالأسهم فى الصورة نفكهم دى الكاتيرة اليمين
نكرر نفس الكلام مع الكرتيرة الشمال هنا هنكسر الدركسيون أقصى اليمين وننزل نفك المسمارين

.... نفك القطعة البلاسيتك دى فيها أربع مسامير بلاستيك ... فكرة المسامير دى إننا بنلف المسمار نص لفة عكس اتجاه عقرب الساعة المسمار هيطلع سنة بسيطة لفوق بعدين نجيب حاجة رفيعة من تحته ونزقه لفوق هيطلع معانا وبعدين نطلع الكلبسة بتاعته نظام زنق يعنى عشان تخلوا بالكم وأنتو بتفكوه لأحسن حد يفتكره مسمار عادى ويفضل يلف مش هيفك معاه ....

الصورة دى بعد ما فكيت المسامير مكان المسامير باين وفى الصورة دى أنا المنطقة اللى معلم عليها بالأحمر المدورة بيبقى فيها مسمار بلاستيك هى حتة من الأكسدام بنفكه وفيه واحد زيه تانى الناحية التانية من الاكسدام نفكه برضه السهم الأحمر دا شكل المسمار البلاستيك

وبعدين نطلع القطعة الفبر برا

هنلاقى تحتها 4 مسامير تانى مثبتين الأكسدام فى جسم العربية هنفكهم برضه

بعدين نبص فى الصورة اللى جاية دى فى الحتة اللى داخل فيها المفك فيه الأكسدام داخل ضغط زى كلبسة كدا هنزقها بالمفك هى موجودة من الناحيتين فى الاكسدام شمال ويمين من فوق

كدا حررانا الأكصدام عشان نطلعه لازم نفك فيشة فوانيس الشبورة الصفراء هى كلبسة برضه بنضغط فى حتة منها بشكل معين لفوق عشان نطلعها من نفصلها

التركيب زى الفك بالضبط بس ملحوظة صغيرة:
نبص فى الصورة دى من تحت مشاور بالأحمر على لسانين بلاستيك دول بيدخلوا فى الأكسدام لما نيجى نركبه عشان ما ننساهمش بس موجودين من الناحيتين يمين وشمال

شنب الأكسدام دا حكاية لوحده بيبقى راكب ضغط يا جماعة بس عايز فن شوية وأحنا بنفكه وصبر هيتفك من ورا من الأكسدام دا كان منظره بس انا ساويت الحتة دى بس فعلا الأكسدام بتاعها محترم جدا وقوى جدا صعب يتكسر يتقطع آه عامل لما بيبقى ضغط جامد عليه بيمط مش بيكسر يعنى بابا خبط فى عربية بوكس طبقله الباب والأكسدام محصلوش حاجة
لكن المرة دى توكتوك خبط بوشه مركب حاجات زى سيوخ حديد فى التوكتوك منهم لله ربنا ينتقم منهم ياااااااارب فدخلت وش فى الأكسدام وينتقم من اللى كان معاه العربية عم شريف

طبعا شبكة الأكسدام سهلة فى فكها راكبة ضغط برضه لكنها أسهل كتير من شنب الأكسدام
بأمانة الموضوع مجهد

**S O P H O S** · 19-01-2013 08:41 AM

تسلم ايدك ..

**MohammedAladel** · 19-01-2013 10:37 AM

الله يسلمك يا هندسة

**MohammedAladel** · 19-01-2013 12:07 PM

نسيت أقول لكم أنى أستغليت الفرصة دى ونضفت الرادياتير والسربنتينة كويس جدا بالمياه

ولو فيه مكنسة كهرباء يبقى تمام عشان نسحب بيها الاول الرمال الصغيرة

**Ahmed Selim** · 19-01-2013 12:58 PM

الله ينور يا محمد...

**dedo_ryo** · 20-01-2013 02:49 AM

الله ينور يا ابو حميد و ربنا يخلصنا من سواقين التكاتك و يبعدهم عننا

**MohammedAladel** · 20-01-2013 03:09 AM

بابا النهاردة اتفزلك وراح القاهرة قال سواق يعنى موتيسيكل خبط العربية فى العتبة هو يبوظ ولا فى دماغه وياريته مقدر اللى بعمله فيها ولا كأن ومش مقتنع كمان !!!!!!

حاجة تخنق

ربنا يرحم اللى كان سايق الموتيسكل ادعوله بالرحمة

**abdo_2812** · 20-01-2013 03:17 AM

الله ينور ياكبير ... شغل عالي :))

**abdo_2812** · 20-01-2013 03:18 AM

الله ينور ياكبير ... شغل عالي :))

الموضوع: حصريا X_Dam أمامى ميجان بين إيديك

LinkBack

أدوات الموضوع

عرض

حصريا X_Dam أمامى ميجان بين إيديك - انشر الموضوع فى :

-

-

-

-

المواضيع المتشابهه

مساعدين أمامى جين 2

مطلوب عدد 2 كرسى أمامى

أكصدام أمامى + كبالن

زجاج أمامى -بيجو 405

سعر رفرف أمامى نوبيرا ؟

الكلمات الدلالية لهذا الموضوع

المفضلات

المفضلات

ضوابط المشاركة