الموضوع: سيلرة بمقدم 52.000

انا هقولك رأى الشخصى(البحت)، ومحتمل يكون موش صح 100%.
اولاً: اعتقد ان الزيرو افضل بكتير من المستعمل، وسيبك من موضوع صينى وهندى،،،،،،،،
ثانياً : اعتقد أن الاسبيرنزا ام 12 افضل سيارة ضمن السيارات الحضرتك اقترحتها، ودى لان الاسبيرنزا انجح عربية صينى فى مصر حتى الان واكتر عربية انتشاراً واكبر حجم مبيعات ، وبتحتل المركز الخامس على مستوى جميع الانواع فى مصر منذ تقديمها فى مصر، والتيجو وال113 بتحتل المركز الاول فى المبيعات بالنسبة لفئاتهم.
وتعتبر الاسبيرنزا اكثر سيارة صينى ليها مراكز خدمة سواء رسمية او غير رسمية ومتوفر ليها قطع غيار.
وابو الفتوح شركة محترمة وليها خبرة كبيرة فى مجال السيارات، وانا شايف ان سلبياتة موش كتيرة وموش اكتر من غيرة وحتى غبور.
مفيش توكيل صينى كمل زى الاسبيرنزا(منذ2006) باستثناء البريليانس ومحققتش نفس نجاح الاسبيرنزا، وكل العربيات الصينى النزلت مصر منجحتش سواء كانت مع توكيلات كبيرة او متوسطة وحتى غبور سبق وان حصل على توكيل فاو وفشل.

اعتقد ان الحكم على السيارة مينفعش يكون مبنى على الشكل او حتى الجودة فقط، مهم الانتشار وتوافر قطع الغيار ومراكز الخدمة وعملية اعادة البيع وقوة التوكيل الوراء السيارة، يعنى ممكن تكون الاسبيرنزا موش الاكثر جودة بس اكيد هى الافضل على المستوى العام.

وفى النهاية اختيار السيارة بيرجع للراحة النفسية تجاة السيارة البتخترها، والبتختلف من واحد للتانى،وربنا يوفقك للخير،،،،،،،،،،،،،،،،،،،، ،،،