الموضوع: سيلرة بمقدم 52.000

بردو كنت عاوز اعرف مقر الشركة فين ؟ وهل سداد الاقساط بيكون من خلال حساب البنك اللى بتفتحه ولا لازم تروح مقر الشركة ؟

والسؤال الاهم : العربية بتكون باسمك فى الشهر العقارى وبتعملهم فقط توكيل ولا العربية اساسا بتبقى باسمهم وفقط الرخصى هى اللى باسمى ؟

متابع
و احب ازود الاسئله فى حاله المستعمل هل فيه اختلاف فى نظام السداد ؟؟

المشاركة الأصلية كتبت بواسطة mizotion

طب انا كنت عاوز اسأل حضرتك شوية اسألة :

1- بالنسبة للتقسيط الاسلامى:
هل فعلا بيبعتوا مندوب منهم يشترى العربية ؟ اقصد اهم حاجة مش بيدوك فلوس فايدك ؟
ايوه همه بيبعتوا مندوب او بيخلصوها بالتليفون على حسب المعرض اللى موجود فيه العربيه و انت مجرد بتاخد جواب استلام و تروح تستلم من المعرض فقط

2- انا سمعت انك لازم تفتح حساب فى بنك تبعهم مش عارف ايه ؟ ولازم تحط 1000 جنيه عشان تفتح الحساب ده وبعدين تطلع دفتر شيكات تبع البنك ده اللى بيتم من خلالها السداد هل الموضوع ده وتحديدا موضوع ال 1000 جنيه لفتح الحساب ده صح ؟

ايوه مظبوط و هو فيه طريقتين للدفع اولا الخصم المباشر من حسابك فى البنك ده اللى هتفتح فيه الحساب
او الطريقه التانيه انك لو عندك حساب فى بنك مش تبعهم بتكتب شيكات بعدد الاقساط و همه بيروحو يصرفوا الشيك كل شهر
و بالنسبه ل 1000 جنيه ممكن تروح تسحبهم تانى يوم و انا عملت كده بس طبعا هتلقيهم ناقصين 70 جنيه تمن الدفتر و فتح الحساب

3- تقريبا كدة الموضوع خد مع حضرتك كام يوم لحد ما استملت العربية ؟ وهل فعلا بيساعدوك فى انهاء اجراءات الترخيص باسمك ؟
الموضوع مش بياخد اكتر من كام يوم على حسب تخليصك انت لالااجراءات (استعلام -فتح حساب- توكيل فى الشهر العقارى- دفع المقدم- وجود العربيه فى المعرض )
و فعلا فى مندوب من عندهم هو اللى بيبقى معاه ورق العربيه و هو اللى بيخلص كل حاجه فى المرور بس طبعا حضرتك لازم تكون معاه - بس طبعا ده علشان اول مرة لكن فى التجديد انت بتروح لوحدك بقى

4- ممكن حضرتك تقولى لو فيها غلاسة منى المصاريف الكلية من الاخر كانت كام من مصاريف ادارية واستعلام وترخيص الى اخره ؟ وهل بتدفع مع المقدم قيمة اول قسط ولا بتدفع قيمة اول قسط من بعد شهر من تاريخ الشراء ؟

اللى فاكره من المصاريف 100 جنيه استعلام- 50 جنيه و انت بتدفع المقدم فى خزنتهم "مش عارف ليه"- مصاريف التوكيل "مش فاكر كام بصراحه"
اول قسط بيبقى بعد كتابه العقد معاهم و بتتفق معاهم يا اما يوم 1 - 15 -30 فى الشهر
5- هل فيه فعلا زى ماهما كاتبين امكانية السداد العاجل الكلى او الجزئى ؟
فى النظام الاسلامى ممكن تدفع كلى او جزئى بس مفيش اى تخفيض فى السعر ...يعنى من الاخر مفيش اى حافز انك تعمل كده
6- كام الفايدة فى النظام الاسلامى ؟ وهل الفائدة اللى كاتبينها على الموقع صحيحة ولا وهمية ؟
انا محسبتش الفايده بس زى ما الموقع بتاعهم بيطلع الحسبه مفيش اختلاف يعنى

اسف انى طولت عليك وجزاك الله كل الخير