نصيحة فى الايام اللى مافيهاش بنزين دى

**eng.koussy** · 19-01-2013 04:14 PM

و نصيحة و عن تجربة ,و انا عارف ان مش دة المكان المناسب للكلام دة , بس مش عارف احطة فين بس دى نصيحة لازم تتقال , حل الزحمة و استهلاك البنزيين و الحر فى الصيف : الفسباااااااااااااا
انا عندى فسبا ما شاء الله بتستهلك 45 كيلو فى اللتر , حاجة خرافة كدة و اى مشوار مهما الدنيا زحمة بخدة فى ربع او تلت ساعة بدوون مبالغة , دة كان فى يوم الاسبوع اللى فات كانت الطرق مشلولة بعد حادثة القطر و الطرق واقفة انا اخدت من سنترال القبة لمحطة مصر فى تلت ساعة , و اللى فاكر انها فى الحر بهدلة انت فاهم غلط , انا اشتريت الفسبة دى شهر 3 2012 يعنى قضيت بيها الصيف كلة , محستش بالحر اطلااااقا , و اللى يقلك اللى بيشترى الفسبا دة مضطر , احب اقلة لا انت غلطان انا كان معايا 128 و دلوقتى معايا التو و لسة بعششششق الفسبا , انا اسف انى طولت عليكم و اسف انى فتحت موضوع مش فى مكانة

تم تعديل عنوان الموضوع حيث أنه لا يجوز سب الزمان
م ع 3

**Khaled Online** · 19-01-2013 05:15 PM

تنفع في مشاوير جوا البلد لكن في السفر أرجوحة

**Hondawy_2008** · 19-01-2013 05:43 PM

أنت برنس والله طيب واللي عمره ما ساق فيسبا ولا موتسيكل التعلم سهل ؟؟؟؟؟؟؟

**moody_687** · 19-01-2013 05:47 PM

المشاركة الأصلية كتبت بواسطة hondawy_2008

أنت برنس والله طيب واللي عمره ما ساق فيسبا ولا موتسيكل التعلم سهل ؟؟؟؟؟؟؟

اضم صوتي لصوتك وهموت اجيب ريس او سكوتر ومليش ف السواقة ولا ف الاسعار بتاعتهم وكنت عايز اتعلم سواقتهم وهل بتختلف سواقة الاسكوتر عن الريس ولا الاتنين نفس الاسس والقواعد

**Sehsss** · 19-01-2013 05:48 PM

فعلا هي مفيدة في زحمة البلد

**kimokaim** · 19-01-2013 06:26 PM

طب واللي مشاويرو كلها دائري واتوستوراد ومحور وصحراوي يعمل اييييييييه

السكوتر ممتازة وسط البلد بس الطرق السريعة ﻻ

انا بمشي بالعربية وبقفل اﻻزاز وممكن بفتح التكييف في الشتا بسبب الثلوت والدخان والقرف

وماشفتش حد بيركب فيسبا بيلبس خوذا ؟؟؟! ازاي بيستحملوا مش عارف

**cameeron** · 19-01-2013 06:30 PM

حل حلو بس من الاخر لا تنفع فى طرق سريعة و لا لو معاك عيلة

**eng.koussy** · 19-01-2013 06:31 PM

لو بتعرف تركب عجلة يبقى انت بتعرف توزن نفسك , فاضلك حاجات بسيطة , لا طبعا سفر مينفعش علشان كدة لازم عربية معلها و فى الشتا الموضوع لو مطر بتبقى بهدلة و علشان كدة لازم عربية مع الفسبة

**mohamedbook** · 19-01-2013 06:41 PM

الرسول صلي الله عليه وسلم بيقول في حديثة الصحيح
لا يَسُبُّ أحدُكم الدهرَ . فإنَّ اللهَ هو الدهرُ . ولا يقولنَّ أحدُكم للعنبِ : الكرمُ . فإنَّ الكرمَ الرجلُ المسلمُ
الراوي: أبو هريرة المحدث: مسلم - المصدر: صحيح مسلم - الصفحة أو الرقم: 2247
خلاصة حكم المحدث: صحيح
نا بنبهك علي حاجة انت مش واخد بالك منها ملهاش علاقة بموضوعك خالص انت بتقول (نصيحة فى الايام الغابرة اللى مافيهاش بنزين دى)
انا بقلك الزمن والدهر ,والايام كلمات مترادفة لبعضها وتؤدي نفس المعني عشان كده بقلك علي الحديث الصحيح
يعني كلنا بنعلط ونقول يوم مهبب كان يوم اسود واليوم ده هو زمن هو دهر ونهي النبي صلي الله عليه وسلم عن ذلك