الموضوع: بوجيهات بوش المانى

الحمدلله تم تغيير البوجيهات بالبوش الالمانى 2 شمعة و اداء العربية تحسن كثير فى السحب والعربية بقت اهدى كتير من الاول ,بس وانا بافك البوجيهات كانت عفية جدا لدرجة انى فكتها بعزم عالى اوى وكنت مركب على مفتاح البوجيه دراع تطويل 30 سم يعنى الميكانيكى الله يسامحه كان قارص عليها اووووى ,لكن عند التركيب انا قرطت عليه سنتين تلاتة بس بدراع العزم دى وتم التجربة ولله الفضل والحمد العربية خلتنى مبسوط

لكن انا اكتشفت ان الميكانيكى القديم الله ينتقم منه كان مركبلى بوجيه NGK واحد شمعة ,ه انا اشتغلت بيه اكتر من 8 شهور ودا الشكل اللى طالع بيه

بالمناسبة بعد ما فكيت البوجيهات خليت اخويا يفتح المارش 4 مرات كدا بس لقيت اماكن البوجيهات دى واحد منهم بيعمل شرارة رغم ان البوجيهات مفكوكة والسلوك بعيدة اصلا وكنت عازلها بقماشة عن العربية خالص . هل دا عادى ولا فى مشكلة ؟؟

نصيحة لله خللي الميكانيكي هوا اللي يغيرلك البوجيهات بعد كده
هوا ايده حساسة اكتر منك لان الرباط لازم يكون مظبوط لا زيادة ولا ناقص
اي مشكلة من الرباط ممكن تدخلك في مشكلة في الهد

والله يا ريس الميكانيكية دول نفسهم اكتر خطر على الماكنة لما بتعمل الحاجة بنفسك بتحنتف فيها وبتكون حريص جدا لكن والله هم اخر استهتار وتغور العربية وصاحبها اخر مرة كان جوز اختى عربيته عطلت صبى جه عملها ولا حتى نضف ولا اى حاجة ولما باروح اغير البوجيهات عندهم والله ماكانوا بينضفوها اصلا لكن انا عندى بانضف وباكون حريص ولازم اخلى بالى من القلاووظ وباعمل كافة الارشادات اللى تخلي التركيب جيد ومناسب