الموضوع: الزجاج الأمامى للوجان اتكسر أعمل ايه

عليك و على د جريش
عشت التجربة دى قبل كده مع الزجاج الخلفى
كافة التفاصيل هنا اتصل و اسأل على الأسعار
http://www.nilemotors.net/Nile/323245-a.html
و على فكرة انا غيرته مرتين مرة بـ 400 فى المحل اللى مذكور فى الموضوع و تانى مرة بعدها بأسبوعين بـ 340 جنيه فى محل عادى جنب بنزينة توتال اللى فى الساعة اللى قصاد سيتى لايت بس من الناحية التانية من الطريق و هوا هوا نفس الإزاز

المشاركة الأصلية كتبت بواسطة dodyam

أخوكم من قسم نيسان وطالب منكم مساعدة

واحد صاحبى معاه لوجان 2010 نزل النهاردة الصبح لقى الزجاج الأمامى مكسور فطلع بيها على التوكيل فى اسكندرية فى العامرية

ملقاش عندهم الزجاج الامامى بس قاله ان سعره ألفين جنيه ويسيب العربية أسبوع و لا اتنين عندهم لغاية لما يجيى الزجاج

فطبعا كده فلوس كتير بصراحة وعطلة ملهاش لازمة

هل فى حل تانى وهل متوافر زجاج اللوجان عند دكتور جريش و لا نعمل ايه

وياريت يكون حل تكلفته أقل من كده

2000 عفريت لما ينططوهم

باقى الحكاية

القصة ان الزجاج اتكسر بسبب عركة بين الصعايدة و العرب فى العجمى فالعرب دخلوا شارعين هناك بـ 25 واحد بالسيوف و الشوم و كسروا فى العربيات اللى راكنة فى الشارع ومعظم التكسير كان فى زجاج العربيات
أكتر من 15 عربية صاحبى بيقولى اكسروا امبارح بليل و الظابط جه وطبعا معملش حاجة

المهم أنا اتصلت بدكتور جريش قالى 405 بالتركيب

والتوكيل بيقول تمن الزجاج 1500 بدون ضريبة و 250 مصنعية تركيب و250 سيلكون

واجمالى المقايسة 2000

المشاركة الأصلية كتبت بواسطة mmh666

عليك و على د جريش
عشت التجربة دى قبل كده مع الزجاج الخلفى
كافة التفاصيل هنا اتصل و اسأل على الأسعار
http://www.nilemotors.net/nile/323245-a.html
و على فكرة انا غيرته مرتين مرة بـ 400 فى المحل اللى مذكور فى الموضوع و تانى مرة بعدها بأسبوعين بـ 340 جنيه فى محل عادى جنب بنزينة توتال اللى فى الساعة اللى قصاد سيتى لايت بس من الناحية التانية من الطريق و هوا هوا نفس الإزاز

أنا شاكر لحضرتك مشاركتك أفادتنا جدا بس فى سؤال حضرتك لما غيرت أول مرة ودفعت 420 غيرت بزجاج مش اصلى و اتكسر بعدها بأسبوعين و غيرته تانى مرة بنفس النوع بـ 340

هل التغيير تانى مرة كان لعيب فى خامة الزجاج الغير أصلى ولا حاجة وقعت عليه تانى

المشاركة الأصلية كتبت بواسطة dodyam

باقى الحكاية

القصة ان الزجاج اتكسر بسبب عركة بين الصعايدة و العرب فى العجمى فالعرب دخلوا شارعين هناك بـ 25 واحد بالسيوف و الشوم و كسروا فى العربيات اللى راكنة فى الشارع ومعظم التكسير كان فى زجاج العربيات
أكتر من 15 عربية صاحبى بيقولى اكسروا امبارح بليل و الظابط جه وطبعا معملش حاجة

المهم أنا اتصلت بدكتور جريش قالى 405 بالتركيب

والتوكيل بيقول تمن الزجاج 1500 بدون ضريبة و 250 مصنعية تركيب و250 سيلكون

واجمالى المقايسة 2000




أنا شاكر لحضرتك مشاركتك أفادتنا جدا بس فى سؤال حضرتك لما غيرت أول مرة ودفعت 420 غيرت بزجاج مش اصلى و اتكسر بعدها بأسبوعين و غيرته تانى مرة بنفس النوع بـ 340

هل التغيير تانى مرة كان لعيب فى خامة الزجاج الغير أصلى ولا حاجة وقعت عليه تانى

الإزاز اتكسر تانى مرة لنفس السبب الأول بس المرادى سيخ حديد صغير كده وقع من العمارة رشق فى الإزاز....
بس المرادى الراجل هوا اللى دفع قلتله على جثتى لو هصلحه أنا ، خدنى و راح للراجل اللى فى الساعة و ركب هوا هوا الإزاز اللى بـ 400 لقيته بـ 340 ..... حظه نار الراجل ده كان نفسى ادفعه الـ 400 اللى انا دفعتهم

هو فين مكان د.جريش في الاسكندريه لان النهارده اخدت زلطه علي الدولي هل ممكن تتصلح ولا لازم اغير الزجاج

أنا سألت صاحبى لانه كان أخد زلطة قبل كده فى الزجاج و صلحه عند دكتور خالد ومكانه على اليمين آخر شارع البكباشى العيسوى قبل ما تحصل شارع اسكندر ابراهيم

هو دفع 50 جنيه ما خدتش 10 دقايق و التكلفة بتختلف حسب حجم النقرة يعنى ليا واحد صاحبى تانى دفع عنده 60 جنيه

بس أهم حاجة تروح فى نفس اليوم علطول علشان ما تكبرش و لازم مايجيش عليها مياه نهائى

وتليفون وعنوان دكتور خالد

35 شارع البكباشى العيسوى بجوار مسجد رقى الاسلام

5537719