الموضوع: تجربتي فى تغيير وتعديل العفشه والفرامل

المشاركة الأصلية كتبت بواسطة egman

والله يا باشا هى اتكلفت فعلا :(

مساعدين خلفي كاملين 400 - 2 جنب امامى كاملين 700 - 2 كوبلن كبير بالكاوتش 300 - بطاحات جديدة الجوز 170 - 4 رنجات 80 جنية - ده غير الزيت الباكم والمصنعيات .

تسلم يا باشا على الاسعار
والف مبررروك وربنا يباركلك فيها ان شاء الله

المشاركة الأصلية كتبت بواسطة hossamalsadik

بسم الله ماشاء الله
الف مبروووووووك
الحجات سعرها معقول جدا
وربنا يديك خرهم ويستر طرقنا وطريقك

الله يخليك يا باشا ويبارك فيك

المشاركة الأصلية كتبت بواسطة ahmed_gallant

مبروك ياباشا
انتم السابقون ونحن اللاحقون
ممكن تفسر جنبين ورا كاملين يعنى ايه مساعدين + طنابير + سوست ولا ايه بالظبط
ايه اللى خلاك تغير بطاحات ده عشان المساعدين اكبر ولا بالمره ولا بايظين
اشرحلى جنبين قدام كده تانى عشان انا داخل على نفس حوارك بالظبط
مبروك مره تانيه تحس انك ركبت موديل اعلى :)

الله يبارك فيك ، ربنا يقويك يا باشا ويفوقك ان شاء الله

بص يا سيدى الفاضل / مساعدين كاملين ورا ( مساعد + سوسته + بطاحه هى كاوتشه صغيرة اوى )

غيرت البطاحات كان بقالهم سنتين وكانوا مشخللين العربية وبرده من باب بالمرة يعنى ، يعنى كل الفروض الى حضرتك قلتها :)

جنبين قدام اقولك ببساطة فك الكاوتش وطلعه بره كل الى قدامك ده بقى هيتغير من اول الحوض من البطاحه نزولاً للمساعد بالصضاضات بتاعته للسوسته (للصره والصرة طبعا بيبقى فيها بلية العجل معها والطنابير والتيل ) دول الشمعدان كامل .

وطبعا بتفرق جدا جدا جدا والحمد لله .

المشاركة الأصلية كتبت بواسطة meeg

تسلم يا باشا على الاسعار
والف مبررروك وربنا يباركلك فيها ان شاء الله

على اية يا باشا انا تحت امرك

والى يحب منكم يا شباب يعمل الموضوع ده وعايز يجيب حاجة حد يضمنها ويركب ويعمل كل حاجة يقولى وانا اظبطه تظبيطه جادة جدا علما ، مع العلم انى سامع دلوقتى ان قطع الغيار غليت اوى والسبب ان الدولار سعر بقى عالى على الرغم ان التجار ممكن يكون عندهم شغل قديم بالاسعار القديمة ولما تقوله كده يقولك ما هو مش هينفع ابيع بسعرين يا بيه ، والله اعلم بالحقيقة .
بس فالى يحب يا رجالة يعمل الموضوع ده يقولى وانا اروح معاه ونظبط الدنيا تمام التمام .

تحياتي للجميع وشكرا على المشاركة الفعاله من حضراتكم .