تقرير الصيانة المجانية و تغيير صاجة التيل للنيو صنى

**Dr'AhmZZong** · 21-01-2013 01:54 AM

احسن حاجة إن مشاكلها بدأت تتحل الحمد لله ..

اهم حاجة حضرتك فرحان الحمد لله ..

مبرووووووك على الصيانة ..

تحياتي ..

**Mohab555** · 21-01-2013 02:43 AM

الف مبررروك ياباشا
وفعلا ماشاء الله ليكوا حق يا صقور نسيان تكونوا فخورين بالتوكيل بتاعكوا
اوتوايجيبت فعلا بتثبت انها من افضل التوككيلات على الاطلاق فى مصر فى كل شىء و الاهم عندهم خدمه العميل
عكس اغلب توكيلات العربيات التانية

**ahmedPJT** · 21-01-2013 11:23 AM

المشاركة الأصلية كتبت بواسطة youssef_u

الف مبروك الصيانة و عقبال ١٠٠ الف

الله يبارك فى حضرتك

**ahmedPJT** · 21-01-2013 11:25 AM

المشاركة الأصلية كتبت بواسطة hamadakotb

هل صاجة التيل دى بتتركب دلوقتى و لا نيسان هتستدعى السيارات ؟ و لا بيتم تركيبها عند الشكوى ؟؟؟

انا شفت موضوع لعضو ركبها فرحت عشان اسال و اتفاجئت ان ممكن اركبها و انا واقف الحمد لله لانها كانت متوفره انت الاضمن انك تحجزها عشان تروح تركبها وانت مطمئن ^^

**ahmedPJT** · 21-01-2013 11:36 AM

المشاركة الأصلية كتبت بواسطة shaibat

الف مبروك انا حاجز يوم اسبت 26/1/1013 فى اوتو ايجيبت ابورواش وكنت عايز اعرف الصيانه بتاخد اد ايه وقت علشان انا ميعادى اكون هناك الساعه الواحده والنصف وهل احسن اروح بدرى عن ميعادى بفتره على اساس اخلص بدرى وامشى بدرى وهل لازم اكلم الحجز بخصوص تغيير صاجة تيل الفرامل وكمان كنت عايز اركب انذار علما بأن سيارتى لم تعمل سوى حوالى 300 كم وكنت عايز نصيحتك فى موضوع السواقه على الدائرى والمحور علشان اول مره اسوق عليه يعنى اخبار الطريق ايه وجزاك الله خير

الله يبارك فيك :)
انا رحت الساعة 9 صباحا و العربية خلصت 12:30 و طبعا يفضل تروح الصبح قبل الزحمة مش هيقلولك لأ , على فكرة عرض الصيانة المجانية هينتهى يوم 24/1/2013 فيفضل انك تروح قبل كده انا مكنتش حاجز اصلا بس رحت هناك اول واحد اول مفتحوا روح وانت مطمئن ان شاء الله
بالنسبة للطريق انا خدت الدائرى من المرج و الحمد لله الطريق فى الذهاب خدته فى 38 دقيقة بالظبط

و انا راجع بقى المحور كان مأساه كان فى حادثة معطله الطريق و على الدائرى كان فى قطع للطريق عند نزلة باسوس الطريق خد منى ساعة و نصف :(

**ahmedPJT** · 21-01-2013 11:43 AM

Land_Cruiser
Sehsss
saint2011
AhmaZonG
Mohab555
الله يبارك فيكم جميعا

**ahmedPJT** · 21-01-2013 11:48 AM

المشاركة الأصلية كتبت بواسطة hatahet

الف مبرووك يا باشا على الصيانة :) و كنت عاوز اعرف من حضرتك التعديلات اللى اتعملت فى الفرامل و الطنابير لعلاجة عيب التصميم ؟؟؟ انا الحمد لله لسه ماظهرش عندى بس انا معاد صيانة الالف قربت و ناوى اطلب انهم يظبطوها فى الصيانة دى ان شاء الله .... فلو حضرتك تسمح ممكن تشرحلى ايه اللى اتعمل بالظبط

و شكراااا مقدما والف مبروك تانى و ربنا يرزقك خيرها و يكفيك شرها

كان بيظهر عندى لما ادوس فرامل جمدا لما شيل رجلى من على الفرامل بحس انها بتعمل صوت زى تفريغ هواء التريللا و صوت صفارة خفيفة اوى و بعد تعديل الصاجة اللى اتعمل الحمد لله الدنيا اتظبطت بنسبة 100% و لسة رايح بيها الشغل انهاردة فى مدينة بدر و الحمد لله المشكلة لاوجود لها و ياريت تحجزها قبل الصيانة ^^

**hatahet** · 21-01-2013 12:30 PM

المشاركة الأصلية كتبت بواسطة ahmedpjt

كان بيظهر عندى لما ادوس فرامل جمدا لما شيل رجلى من على الفرامل بحس انها بتعمل صوت زى تفريغ هواء التريللا و صوت صفارة خفيفة اوى و بعد تعديل الصاجة اللى اتعمل الحمد لله الدنيا اتظبطت بنسبة 100% و لسة رايح بيها الشغل انهاردة فى مدينة بدر و الحمد لله المشكلة لاوجود لها و ياريت تحجزها قبل الصيانة ^^

شكراا يا باشا و ان شاء الله مايظهرش اى عيوب تانى و ربنا يباركلك