ا

السلام عليكم يا صقور نيسان
انهاردة و لله الحمد رحت اوتوايچيبت ابورواش عشان عرض الصيانة المجانية للصنى ٢٠١٣ و علاج كام ملاحظة على العربية ظهرت بعد الكام يوم اللى حصل فيهم مطر كان عندى صوت تزييق كده تحت الباب الامامى شمال و النتيجة كالتالى :
بسؤال مهندس الاستقبال بخصوص صاجة التيل اللى المفروض تركب للعربية تم شرح ابعاد المشكلة و ان ده كان عيب فى تصميم العربية و نيسان ايجيبت نزلت التعديل ده مجانا لكل ملاك الصنى الجديدة و تم تركيبة مجانا بتكلفة حوالى ٤٥٠٠ جنية و تم عمل general check up على العربية بالكامل ( فرامل كاوتش انوار .....) و خدت report بكدة ان العربية سليمة و الحمد لله و طبعا تم تربيط العفشة و طلبت غسل موتور العربية بالفوم و جاء وقت سداد الفاتورة و تخيلوا كام ؟؟
٢٣ جنية
بس تمن غسل الموتور بالفوم و باقى المصنعيات مجاناً مش بس كدة و خدت ٣ لتر زيت total عبارة عن ٣ عبوات سعة واحد لتر للعبوه و فلتر زيت اصلى ^^
و اخص بالشكر المهندس الخلوق المهندس غريب مهندس الاستقبال الممتاز و انصح كل واحد معاه صنى الجديدة يلحق العرض الجامد ده قبل ما ينتهى و بالمرة يركب صاجة التيل مجانا