الموضوع: اتصالات تنفي اي زيادة على كروت الشحن

اما لو طلعت دى اشاعه و مفيش زياده فى اسعار الكروت

دا تستهل كلنا نكرم من ابتدع تلك الاشاعه لانها اكبر اشاعه ذات تأثير انا شفتها

و كمان تستاهل نقف دقيقه حداد على انفسنا لاننا بكل بساطه بناكل فى بعض بطريقه بغيضه

انا عارف ان معظم النا س لو لقيتك ربع جنيه هاتطبقك و تاخدك فى جيبها انما اللى حصل دا كتير لو كانت اشاعه

الناس لسه ما اشترتش حاجه من الموزع و غلت كل الكروت اللى عندها

و طبعا لا يخفى على احدكم اننا بنعمل كده فى اى حاجه نسمع انها هاتغلى

دمعت عيناى و انا اتذكر قصه بائعه الشيكولاته فى محطه قطار بانجلترا التى كانت تصف نفس النوع من الشيكولاته و لكن بسعرين مختلفين

و عندما استفسر منها شخص لماذا اجابته ان الشيكولاته ارتفع سعرها و المجموعه الارخص كانت اشترتها بالسعر القديم الرخيص

فسألها مره اخرى طيب ما تبيعى الكل بالسعر الجديد , ما هو كله نفس النوع و كده تكسبى اكتر

انا مش فاكر قالتله ايه تقريبا هل اغش او حاجه من هذا القبيل

ربنا يرحمنا برحمته و يجعلنا مسلمين صح يكون فى توادنا و تعاطفنا كمثل الجسد الواحد