أحسن سعر كاوتش للكيا سيراتو 2011 الجنط ال17 في اسكندرية عند مين ؟

**RamiAbbas** · 21-01-2013 02:10 AM

السلام عليكم
انا كان عندي سؤالين
الأولاني : ايه احسن نوع كاوتش للسيراتو الجنط ال17 و يكون سعره معقول و كفاءتة احسن من اللي كان نازل مع العربية ال Kumho Solus KH17 عشان ناشف و بيطلع البلالين اللي في الجناب كتير جدا
السؤال التاني : مين بيبيع بأحسن سعر في اسكندرية لو حد يعرف ؟
لأني سألت عند اكتر من واحد و كل واحد بيدي سعر غير التاني و كل واحد بيقول حاجة غير التاني

**ahmad--ezzat** · 21-01-2013 09:50 AM

مش عايز احبطك .....كله هيطلع بلالين

احنا مش بنمشى على اسفلت احنا بنمشى على جبال

**RamiAbbas** · 22-01-2013 12:11 AM

طيب ايه احسن حاجة في السعر المعقول ؟ مش فارقة البلالين طالما كله هيطلع بلالين !
و هل أجيب 225/45 و لا 215/45 وي اللي راكب ؟

**nadarottyy** · 22-01-2013 02:49 AM

بص يا باشا جنوط السيراتو دى اصلن حامية اوى على الكاوتش لان انا عندى جنوط 17 بردة بس نوع تانى ومركب فيها نفس نوع الكاوتش الى هوة Kumho Solus KH17 وماشين معايا زى الفل ومجابوش بلالين وبعدين معلومة ليك يا باشا لازم الكاوتش يكون ناشف عشان يقاوم البلالين لان الطرى مش هيستحمل حل المشكلة الى عندك انك تكبر الارتفاع شوية بدل 45 يبقى 50 عشان تستريح من البلالين والعجل ال maxxis ممتاز وسعرة كويس

**RamiAbbas** · 23-01-2013 05:26 PM

و لو غيرت الجنوط ل 16 مش يبقى احسن ؟

**nadarottyy** · 24-01-2013 01:13 AM

المشاركة الأصلية كتبت بواسطة ramiabbas

و لو غيرت الجنوط ل 16 مش يبقى احسن ؟

طبعا بكدة هتوفر فى تمن الكاوتش وهتريح العفشة

**excel_team2000** · 27-01-2013 03:11 PM

انا بفكر اجيب 15 بدل 17 لأنى غيرت الكاوتش لل17 جبت يوكوهاما يابانى الفردة ب 900 جنيه و عملت بلالين

**RamiAbbas** · 28-01-2013 12:55 AM

ال15 صغير اوي ال 16 معقول انا سألت على البريدجستون و الكونتنينتال كان ب 1150 الأتنين سعر واحد و مافيش حد بيدي اي معلومات غير ان دي ياباني و مقاسها كام و دي فرنساوي و مقاسها كام بس الكونتنينتال كانت 225/45 مش 215/45
بس الجنوط ال17 عموما مش حلوة و ناشفة على العفشة