سؤال لكل من له خبره بالكاوتش وموديلاته من نوع كومهو ؟؟

**hossam_elwani** · 21-01-2013 11:57 PM

سؤال لكل من له خبره بالكاوتش وموديلاته من نوع كومهو ؟؟

ايه المقصود بــ solus فى الكومهو ؟؟

وهل لو الكاوتش من النوع ده الى بره جوه والى جوه بره (النقشه معكوسه) يبقى فيه مشكله ؟؟

**Sehsss** · 22-01-2013 12:13 AM

السولاس ده موديل من موديلات الكومهو، وفي منه كوري وفيه فيتنامي، بس على حد علمي ده اقل حاجة في الكومهو، لو عاوز حاجة كوري كويسة ممكن تجيب الهانكوك، جيد جدا وسعره معقول

**mo7a_mo7a** · 22-01-2013 12:20 AM

السولوس موديل من موديلات كومهو وفي منه نقشات للعربيات الصالون والهاتش باك وال SUV والعجلة مفيش فيها مشكلة لو اتقلبت النقشة بتمشي عادي في الاتجاهين (ما عدى النقشات الخاصة بالمطر - ودي مش موجودة في مصر) الموجود منها يصلح لكل الاجواء وممكن تتاكد من النوع المناسب لسيارتك من خلال موقع الشركة

http://www.kumhotire.com

تحياتي

**hossam_elwani** · 22-01-2013 12:34 AM

المشاركة الأصلية كتبت بواسطة mo7a_mo7a

السولوس موديل من موديلات كومهو وفي منه نقشات للعربيات الصالون والهاتش باك وال suv والعجلة مفيش فيها مشكلة لو اتقلبت النقشة بتمشي عادي في الاتجاهين (ما عدى النقشات الخاصة بالمطر - ودي مش موجودة في مصر) الموجود منها يصلح لكل الاجواء وممكن تتاكد من النوع المناسب لسيارتك من خلال موقع الشركة

http://www.kumhotire.com

تحياتي

وهو تاريخ صناعة الكاوتش بيبقى على الجانبين ؟؟

**pro_samir** · 22-01-2013 01:03 AM

الرجاله كانو بيقولو علي السولاس انها فردة وحشه وبتزحف بغباء مع الفرامل

لو حد مجربه يأكد

**mero100** · 22-01-2013 02:44 AM

لو حتجيب كومهو ... الاعضاء بيشكروا جدا في الكومهو ecsta ...

و لو اني ارشحلك bridgstone .... في مجموعه في البريدجستون اسمها turanza نقي اي مقاس من المجموعه دي للاسباب الاتيه :
1- بتدي نعومه في المشي
2- مبتسمعش صوت دوشه الكاوتش علي الطريق
3- بريدجستون بيدي ضمان لو جبت من الوكيل fit&fix لمده 5 سنوات بشرط عمل كشف عندهم كل 10000 كم و بشرط عدم الاستعمال السيء للكاوتش مثل خبطه في الرصيف مثلا .

مجموعه ال potenza في البريدجستون رياضيه ... ف بتبقي انشف و بتدي ثبات اعلي بس فايدتها في السرعات العاليه .

اختار المناسب ليك و بالتوفيق :-)