غيرت سير الكاتينة و العربية مش بتدور و صوت غريب من الموتور

**Shiref_mohamed** · 22-01-2013 06:51 PM

مع كامل احترامي لأراء اخوتى انا مش شايف سبب للعمرة
واخي صاحب التوبيك انا لما كنت بسأل حضرتك عن صوت التخبيط انا كنت قاصد انى اتأكد ان ده صوت خبط البساتم في الصبابات
وببساطه الى حصل عند حضرتك ان الصبابات اتعوجت لأن لما الكاتينة بتقع الكامات فوق بتثبت والكرنك تحت المارش بيلفه وبالتالى البساتم بتخبط الصبابات تعوجها ... تمام كده ..

يبقى حضرتك لو كانت حالة موتورك قبل الموضوع ده كويسه يعني السحب تمام ومفيش حريق زيت او ترشيح زيت ولا دخنة يبقى توكل على الله وشوف ميكانيكي كويس وخليه يحل وش السلندر فقط ويستبدل الصبابات المعوجه ويركب جوان وش سلندر وطقم كاتينة اصلي ويقفل وإن شاء الله ترجع زي ماكانت ...
اما لو كانت حالة موتورك اصلاً تعبانه يبقى تشترى شورت بلوك او موتور كامل (برضه على حسب حالة ادوات التغذية عندك)

**buddha** · 22-01-2013 07:06 PM

موتور استيراد بدون الفتيس
بس لو الكرنك سليم
والباظ بس هو الصبابات هتغيير فقط وش السلندر وكلة يبقى تمام ان شاء الله
بس المكنة دى عملة كدة من الباشا الـــ ركب السير بتاع الكتينة

**mohamed elshae** · 22-01-2013 09:28 PM

صلوا علي النبي وشوفوا بقي انا راي صح ولا غلط.....انا سالت علي البلوك لقيته ب 1300 جنيه عند طارف زمزم في صقر قريش...وانا لسة جايب طقك الكاتينة جديد اصلي من صقر قريش...فا انا بقول اروح عند ميكانيكي في صقر قريش واجيب البلوك اللي تحت واحل وش السلندر واظبطه واركبه علي البلوك الجديد واكمل ادوات التغذية ويبقي كدا كويس وهتتكلف حوالي 3000 ايه رايكوا ؟؟؟؟؟؟ لان انا معيش تمن شورت بلوك ولا تمن موتور

**ahmed_hanafi** · 22-01-2013 10:41 PM

المشاركة الأصلية كتبت بواسطة mohamed elshae

صلوا علي النبي وشوفوا بقي انا راي صح ولا غلط.....انا سالت علي البلوك لقيته ب 1300 جنيه عند طارف زمزم في صقر قريش...وانا لسة جايب طقك الكاتينة جديد اصلي من صقر قريش...فا انا بقول اروح عند ميكانيكي في صقر قريش واجيب البلوك اللي تحت واحل وش السلندر واظبطه واركبه علي البلوك الجديد واكمل ادوات التغذية ويبقي كدا كويس وهتتكلف حوالي 3000 ايه رايكوا ؟؟؟؟؟؟ لان انا معيش تمن شورت بلوك ولا تمن موتور

صلي الله عليه وسلم ..... لو الميكانيكي كويس توكل علي الله وان كنت ما زلت عند راي ان تشتري موتور لكن لو انت مزنوق دلوقتي يبقي اعمل الحل اللي بتقول عليه بس اتاكد ان الميكانيكي كويس وربنا يعملك اللي فيه الخير

**MohammedAladel** · 22-01-2013 10:47 PM

أنا مش فاهم قصد حضرتك بالضبط بس طالما بتكلفة قليلة تقدر تصلح موتورك صلحه ... المشكلة فعلا فى أمانة الصنايعية

وبعدين حضرتك متضمنش حالة الموتور الاستيراد دا وعايز حد فاهم فيهم يكون معاك

**Shiref_mohamed** · 23-01-2013 01:56 PM

المشاركة الأصلية كتبت بواسطة mohamed elshae

صلوا علي النبي وشوفوا بقي انا راي صح ولا غلط.....انا سالت علي البلوك لقيته ب 1300 جنيه عند طارف زمزم في صقر قريش...وانا لسة جايب طقك الكاتينة جديد اصلي من صقر قريش...فا انا بقول اروح عند ميكانيكي في صقر قريش واجيب البلوك اللي تحت واحل وش السلندر واظبطه واركبه علي البلوك الجديد واكمل ادوات التغذية ويبقي كدا كويس وهتتكلف حوالي 3000 ايه رايكوا ؟؟؟؟؟؟ لان انا معيش تمن شورت بلوك ولا تمن موتور

عليه الصلاة والسلام
طيب انا فهمت كده من كلامك ان الموتور عندك اصلاً تعبان من قبل مشكلة الكاتينة
طيب مقولتلناش تمن الشورت بلوك كام ؟؟
وطالما حضرتك مزنوق حالياً يبقى توكل على الله وغير بس الصبابات المعوجه وقفل موتورك زي ما هو لحد ما ربنا يرزقك وتجيب شورت بلوك او موتور كامل مرة واحده

**mohamed elshae** · 24-01-2013 11:32 AM

الشورت بلوك ب 6000 وانا لو هصلح الموتور هيتكلف ان شاء الله في حدود 4000 وانا بصراحة مزنوق ومكنتش عامل حسابه خالص عشان كدا باخد رايكوا وبسالكوا علي ميكانيكي كويس

**MohammedAladel** · 24-01-2013 01:55 PM

يبقى الشورت بلوك أفضل والقديم يستخدم كقطع غيار للموتور الجديد بأذن الله

ربنا يسهل لك أمورك

**dedo_ryo** · 26-01-2013 01:13 AM

المشاركة الأصلية كتبت بواسطة mohammedaladel

يبقى الشورت بلوك أفضل والقديم يستخدم كقطع غيار للموتور الجديد بأذن الله

ربنا يسهل لك أمورك

+111111111111111
وبكده تبقي اشتريت دماغك من التصليح اللي لا قدر الله نتيجته ممكن متعجبكش
مش كده صح ولا ايه ؟؟

**abdo_2812** · 26-01-2013 08:15 PM

باشا انت محتاج حد فاهم يبص على الموتور ويشوف حالته + انت ماقلتلناش بشكل صريح الموتور بتاعك قبل الموقف ده كان حالته ايه
لو سمحت مش أي ميكانيكي يحط إيده في المواتير دي !!
لو حضرتك تحب أنا ممكن أوديك لميكانيكي فاهم جداً وشاطر جداً ماشاء الله ودائماً بشوفه بيعمر مواتير وفتيسات عربيات نضيفة وكان بيشتغل في تصليح الموتور والفتيس في التوكيل وممكن يحددلك حالة الموتور بالظبط وشغله نضيف جدا جدا بس مصنعيته غالية سنة لكن محدش بيحط ايده في عربيتي غيره !

الراجل ده اسمه عم أبو العلا وهو زي ما قلتلك معلم كبير ماشاء الله وكان أمين في تعامله معايا بس مصنعيته غالية شوية وممكن أجيبلك نمرته لو تحب

الموضوع: غيرت سير الكاتينة و العربية مش بتدور و صوت غريب من الموتور

LinkBack

أدوات الموضوع

عرض

-

-

-

-

-

المواضيع المتشابهه

انا غيرت سير الكاتينة وجبت سير الماني

العربية مش بتدور !

صوت الموتور بقي اعلي بعد ما غيرت سير الكاتينة+سير الدينامو+سير التكييف

العربية مش بتدور

لما بتغير سير الكاتينة بتسمع صوت غريب

الكلمات الدلالية لهذا الموضوع

المفضلات

المفضلات

ضوابط المشاركة