أفضل كهربائيه للفيكترا سي في المنصورة

**Dr-Daly** · 21-01-2013 09:25 PM

السلام عليكم
انا طبعا بشكركم جدا إخواتي في عصابه أوبل إنتم من أسباب شرائي لعربيتي الجديده الفيكترا سي طمنتوني من ناحيتها في أكتر من موضوع ودايما بتساعدوني
عندي لأهل المنصورة دلوقتي إستفسار:
عايز أعرف مين أحسن كهربائي يشتغلي في الفيكترا سي في المنصورة عندي فوانيس الشبورة مش شغاله والسماعات مش كلهم شغالين وبصراحه مش عايز أي كهربائي من إياهم يمد إيده علي فرش الأبواب وألا يفك فوانيس الشبوره مثلاً وبعدين ألاقيه مدغدغ فرش الباب أو مبوظ الكهرباء بتاعة العربيه
أرجو الإفاده ولكم جزيل الشكر

**Dr-Daly** · 22-01-2013 12:02 AM

فين ياشباب أهل المنصورة أو القريبين منها يفيدوناااااا؟؟

**zrzr1** · 22-01-2013 10:08 AM

أخر الشارع اللي فيه شكري الميكانيكي في كهربائي شاطر, كل اللي عنده أوبل

**Dr-Daly** · 22-01-2013 11:31 AM

معلش وضح لي أكتر فين شكري الميكانيكي بردو انا طول عمري بشتغل في عيسي ومعرفش صنايعيه للأسف
وهل الكهربائي ده بيشتغل في الأوبل الجديد زي الفيكترا سي وألا هوه كهربائي عموما شاطر هيجرب ويشوف لحد ما يعمل الشغل؟؟

**Dr-Daly** · 22-01-2013 05:51 PM

فين المساعدة يا شباب

**HISHAM80** · 22-01-2013 08:21 PM

شكري مكانه ورا سوق الجمله بس مشعارف اسم الشارع بس لو جي من شارع بورسعيد ورايح سوق الجمله يجيلك تقريبا في ثالث شارع جانبي هو مشهور جدا وطبعا ارشحهولك لو عايز شغل ميكانيكا

**ma7souboz** · 22-01-2013 09:59 PM

المشاركة الأصلية كتبت بواسطة dr-daly

فين المساعدة يا شباب

شوف يا دكتور ,,, الكهربائى اللى فى شارع شكرى ده ممتاز و إسمه رمضان
و ده رقم تليفونه 01110986838 ,,, و فى عنده و لد شاطر قوى برده إسمه أحمد و ده رقم تليفونه 01002310234 ,,, مكانه لو أنتى نازل من كوبرى عبدالسلام عارف رايح على المجزر ,,, هتاخد أول يمين و كأنك رايح على المختلط ,,, و أول فاتحه شمالى تعمل يو ترن و كأنك رايح على سوق الجمله ,,, هو فى أخر شارع على اليمين قبل سوق الجملة ,,, هتلاقيه فى نهاية الشارع ده على الشمال ,,, بصراحة كهربائى ممتاز و معظم شغله فى الأوبل

**mido888** · 23-01-2013 01:23 AM

فعلا رمضان ممتاز وعنوانه الشارع اللى قبل سوق الجمله وانت ماشى فى مشعل

**Dr-Daly** · 23-01-2013 02:03 AM

مواعيد شغله بالليل عادي وألا بالنهار بس المنطقه دي زحمه جدا بالنهار عشان السوق
وياتري هيشوفلي فوانيس الشبورة تمام و كمان السماعات في الابواب من غير ما يبهدل فرش الباب بصراحه انا قلقان عشان سوابقي مع الصنايعيه بره التوكيل كانت زفت كانوا بيخربشوا الفرش ومش بيربطوا علي المسامير كويس يعني انا مش بحب الإهمال وبحب الشغل علي نضافه

**ma7souboz** · 23-01-2013 11:44 AM

المشاركة الأصلية كتبت بواسطة dr-daly

مواعيد شغله بالليل عادي وألا بالنهار بس المنطقه دي زحمه جدا بالنهار عشان السوق
وياتري هيشوفلي فوانيس الشبورة تمام و كمان السماعات في الابواب من غير ما يبهدل فرش الباب بصراحه انا قلقان عشان سوابقي مع الصنايعيه بره التوكيل كانت زفت كانوا بيخربشوا الفرش ومش بيربطوا علي المسامير كويس يعني انا مش بحب الإهمال وبحب الشغل علي نضافه

هو بيسهر بالليل عادى يعنى لغاية 9 بالليل كده تقريبا
بالنسبة للفرش ما تقلقش الموضوع بسيط ,,, وصيه انت بس يحافظ على الفرش و خلى عينك معاه