الي كل محبي أوبل فيكترا

**Ahmed sll** · 02-01-2014 11:33 AM

ارجو مساعدتي في شراء سيارة أوبل فيكترا فلكم كنت أحلم بقتناء هذه التحفه الالمانية
مع العلم أني خصصت المبلغ المستطاع وهو 40000 جنيه مع الشكر والتقدير لوحوش المنتدي

**Hesham.H** · 02-01-2014 11:41 AM

اهلا بيك وطبعا مش هاتندم بأمر الله على اختيارك ده .. بس الفلوس كده مش هاتجيب الحاجه اللى نفسك فيها
بى ١ حاله حلوه ٥٠~٥٥
بى ٢ تتراوح من ٥٥ ~ ٦٥ حسب الحاله
زود الفلوس شويه عشان ماتجيبش حاجه تزهقك
تحياتى

**Tiar** · 02-01-2014 11:52 AM

المشاركة الأصلية كتبت بواسطة hesham.h

اهلا بيك وطبعا مش هاتندم بأمر الله على اختيارك ده .. بس الفلوس كده مش هاتجيب الحاجه اللى نفسك فيها
بى ١ حاله حلوه ٥٠~٥٥
بى ٢ تتراوح من ٥٥ ~ ٦٥ حسب الحاله
زود الفلوس شويه عشان ماتجيبش حاجه تزهقك
تحياتى

اه يا عم ليه تصد الراجل كده

ممكن تجيب فيكترا a بالمبلغ ده وان شاء الله نكون نظيفة وتريحك
على فكرة فيكترا a دي وحش رهيب ومش معقده وعملية جداً
انا معايا واحدة الحمد لله مريحاني جداً وتحس انك راكب عربية بجد

بس اهم حاجة اكشف كويس وانت بتشتري

طيار

**m7nsh** · 02-01-2014 09:36 PM

بالظبط كنت لسه هقولك شوف فيكترا a ... واهم حاجه الكشف الكويس اوى قبل ماتشترى وربنا معاك

**hassan boraee** · 02-01-2014 11:56 PM

ربنا يوفقك وتجيب حاجة حلوة بس عن تجربة مع الفيكترا a لو هاتجيبها اتوماتيك لازم تكشف عليها جامد جدا لأن أعطالها رخمة جدا وكثيرة ممكن تخليك تكره اليوم اللي جبت فيه العربيه.
من مشاكلها .
1 الحرارة ودي بتأثر علي كل حاجة في حوض السيارة.
2 الماف وده سعره 1000 جنية و علطول بيبوظ بس ممكن يتعدل 97
رأيي الشخصي لو مصر علي الأوبل خليك في المانيوال تقريبا مالوش مشاكل زي الأتوماتيك.

**cayman69300** · 03-01-2014 01:33 AM

تعالى اشترى العربية بتاعتى

**Ahmed sll** · 05-01-2014 03:48 PM

شاكر جدا لردود الاعضاء الافاضل . لقد كان لي صاحب لي في الجيش وكان بالاساس يعمل ميكانيكي وبعد البحث
وكثرة الاسئله عن السيارة فتوصلت اإليه عن طريق الصدفة مع العلم انني لم اراه منذ 11 سنه غير مره واحده وهي
المده التي تركنا فيها الخدمة العسكرية ... الاهم من ذلك انه كان في الجيش معي في حملة الامانه العامة لوزارة الدفاع
وكانت معظم السيارت في هذا الاوان لينكولن وفولفو ومرسيدس شبح واوبل اوميجا وبيجو 605 وباجيرو ....
وماشاء الله كان يستطيع ان يقوم بصيانة هذه السيارات بالرغم من انه لم يكن يعمل في هذه ااماركات قبل ذلك
المهم لما تﻻقينا منذ ثﻻثة أيام وجدت لدية ورشة كبيرة مشهورة ما شاء الله في المنصورة وانا طبعاً من قريه
مدينة شربين تبعد عن المنصورة 20 كم تقريباً فلم اكن اعلم عنه شئ .. تحدثت معه بحكم زمالة الخدمة العسكرية
وهو للعلم ﻻ يعمل إلا فى الاوبل بأنواعها فقط والحمد لله اعطاني خلفيه رائعه عن السيارة وتكفل لي بموضوع البحث عنها
وكما ذكر الاخواة الأفاضل في الردود قال لي زد المبلغ 5 أﻻف .. وآسف للإطاله عليكم ( وهذا للمصداقية )
كل الشكر والتقدير للردود المفيده افادكم الله وحفظكم جميعاً

**فادى محمد** · 05-01-2014 03:52 PM

ربنا يوفقك..زميلك ده اسمه ايه؟ ومكان ورشته للفايده العامه؟؟

**Ahmed sll** · 05-01-2014 05:40 PM

وعلي كل حال هو اتصل بيه النهارده وقالي انه فيه اكتر من عربيه بس هو بيحاول تكون في حاله نضيفه
وقريبه من المبلغ بتاعي وهو بحكم مهنته قالي انه اهم حاجه أساسيات العربيه اما الميكانيكا دي بتاعتي علي
حد قوله والاعتماد اوﻻ واخيرا على الله .
اول ما اشتريها ﻻزم ارغع صورها لحضرتكو .. ان شاء الله