الموضوع: حليت مشكلة صوت التاكيهات - والحل عند ليكوي مولي

المشاركة الأصلية كتبت بواسطة hossamalsadik

موضوع الزيت ده الحكايه كبيره مدوخه الناس كلها
بس أنا بأذن الله هحط الموضوع فى دماغى وجيب الفايده لأنى نفسى فى زيت يهدى صوت الماتور ويكون فيه كل المواصفات القياسية للمحافظه على الماتور

بس عاوز رأيكم فى اكستريم أب ؟ ألى بيضاف على زيت الماتور وبيقلل الأحتكاك عارفينه طبعا

السلام عليكم
شوف يا مستر حسام موضوع الزيت و عيوبه و مشاكله معانا تتخلص في ان احنا في مصر و دائما بينزل عندنا منتجات بمواصفات تعبانه لا تساوي نفس المنتج بالخارج و ده بسبب ان معندناش معايير جوده و مراقبة للمنتجات كما بالخارج

و كمان مصر حتي فترة قريبة يعني منذ 10 سنوات او أقل ثقافة العربيات و ما يخصها كان قليل جدا جدا و محدش بيشغل دماغة و التوكيلات و شركات الزيوت بتعك اي حاجه و خلاص و العميل مش فاهم

بالاضافة الي ان معظمنا معاه عربيات مستعمله و بتبقي شاريها و انت و ظروفك و متعرفش حصل فيها ايه ولا استخدمت فيها زيوت ايه خلال عمرها السابق و بنحاول نرجعها لأصولها و وصايا مصنعها بتقابلنا مشاكل لذلك بنضطر نفضل ماشيين معاها باي حاجه

رأيي الشخصي في اضافات السيراتيك و اكستريم اب و ما يناظرها انها ماهي إلا اضافات لتحسين اداء الزيوت زيها و منها الاضافات اللي بتستخدم في تصنيع الزيوت التخليقية لذلك لو قدرنا نستخدم زيوت عالية الجوده و كما موصي بها من المصنع يبقي احنا مش محتاجين اي اضافات ولا منتجات تحسين ..والله اعلم