كل شركة مصنعة للسيارات بترمز لموتورها بأكواد معينة وهى اللى عندها الترجمة بتاعتها وده عشان تميز ما بين المواتير وبعضها من ناحية السعة والموديل و العزم و عدد الاحصنة
يعنى مثلا حضرتك اكيد اسمك مش زى اسم اخوك
وبتطبيق المثال ده على المواتير هنلاقى ان الموتور الـ 1.0 شبه الموتور الـ 1.4 وبرده شبه الموتور الـ 1.6 من ناحية الشكل الخارجى و معظم قطع الغيار
ده كمان كل موتور بسعة معينة ليه كود مختلف عن موتور تانى بنفس السعة زى مثلا موتورك 1.6 alm و نفس الموتور بنفس المواصفات بس الكود بتاعه aee. طيب ايه الفرق, الفرق فى الموديل, الموتور الـ aee نزل من 97 الى 99 وموتورك الـ alm نزل من 99 الى 2002
عموما هى تسمية للتمييز مش اكتر, ولو قصدك حرف a بيرمز لأيه و حرف L بيرمز لأيه فا دى شركة فولكس بس هى اللى تعرف معناهم
بالنسبة لسؤالك عن لو ملقيتش كود موتورك تعمل ايه؟
اعمل Search بكود aee لأنه نفس الموتور بالظبط ومفيش اى اختلاف وكامن ممكن تعمل search بكود ahs برده زى موتورك
انا بعتلك رسالة على الخاص بخصوص الـ ebay
المفضلات