كيف اصل إلي ابو رواش

**amagroup** · 22-01-2013 01:45 PM

انا معايا اكسنت ار بي بعت بريد لهيونداي بخصوص مشكلة المساعدين الطراي قوي في العربيه وردوا عليا وقالوا اختر مكان تروح فيه فاخترت ابورواش

انا اخترته لاني سمعت عنه انه احسن من بتاع قليوب بكتيير

الفكرة اني من المنصورة عرفت اروح له ازاي عن طريق محور 26 يوليو لاني هكون جاي من الدائري بس الفكرة اللي شغله بالي وعشان كده بسألكوا يا قاهريين اخبار الطريق والمحور ايه
بفضل الله امان ولا في قلق ؟!؟
انا لسه متحددش معايا معاد بالظبط اروح فيه هما قالوا هيكلموني لما توصل المساعدين الجدد وسؤال كمان وده للناس اللي غيروا مساعدين فعلا هما هيخدوا مصناعيه طبعا لكن المساعدين ببلاش ولا النظام هيكون ازاي ارجوا الرد في اقرب فرصه وتوضيح الموضوع ده

**toty_305** · 22-01-2013 02:28 PM

-الطريق الصبح أمان أن شاء الله بس زحمه 3 حبات
-أنا برده غيرت المساعدين بس فى فرع العبور التغيير مجاني 100% و أنا رحت الساعه 9 الصبح التغيير مخدش 15 دقيقه
-العربيه التنطيط هيروح خالص و الثبات عامه هيزيد بتاع 20%
-المشكله لازم تخلص من التنطيط ده و في نفس الوقت العربيه هتنشف حبه حلوين

**amagroup** · 23-01-2013 09:41 PM

المشكلة في حكاية ان العربية تنشف بس المساعد بكون مضغوط للآخر وده اكيد بيضر بالعفشه عشان كده فعلا لازم يتغير

بس انا مش فاهم هو انا كنت اقدر اغيره في مركز خدمه معتمد عادي زي فرع العبور كده!!!

**Samir Elshahawy** · 23-01-2013 09:54 PM

طيب ليه أخترت أبو رواش ؟
ماتروح العبور أقرب لك و علي فكرة برضه المركز ده ممتاز و الناس بتشكر فيه

مركز هيونداي العبور علي طريق الاسماعيلية بعد ماتنزل من الدائري

**toty_305** · 23-01-2013 10:18 PM

-الفكره ان انت بتشتكي في التوكيل ف القطعه في التوكيل ف لازم تختار أي فرع من الفروع الرئيسيه لغبور

**amagroup** · 07-02-2013 11:18 AM

المشاركة الأصلية كتبت بواسطة Samir Elshahawy

طيب ليه أخترت أبو رواش ؟
ماتروح العبور أقرب لك و علي فكرة برضه المركز ده ممتاز و الناس بتشكر فيه

مركز هيونداي العبور علي طريق الاسماعيلية بعد ماتنزل من الدائري

موقع هيونداي وعمايله حاطط خرائط توصف موقع الفروع

تتوهه الناس

الفرع اللي حضرتك بتقول عليه عاملينه قريب من الاسماعيلية نفسها وطبعا العبد لله مش عارف حاجه فقلت ده بعيد عليا وفضلت متمسك بابو رواش

احلي حاجه بقي ان لما دورت في منتداكم المصون لقيت ان ابو رواش اللي انا كنت هروح له غلط اللي انتوا قلتوا عليه في المنتدي هو الصح

لولا ان ربنا هداني اني ادور علي المنتدي كان زماني في مكان تاني خالص

حتي هيونداي بتوه العملاء كمان عشنا ميعرفوش يروحوا

**amagroup** · 07-02-2013 11:31 AM

بس انا احب اطمن سيادتك ان المسافه من قليوب لفرع العبور او لفرع ابو رواش واحده تقريبا يعني الحمد لله مش هتفرق معايا إلا لو جيت من طريق الزقازيق هتوفر معايا حوالي 22 كم لاني من المنصورة