أتسرقت في أبو رواش!

**a_tantawy7** · 23-10-2008 02:25 AM

رحت أمبارح أعمل صيانة ال5000 في أبورواش, المهم المهندس بص على العربية وخد الملاحظات وقبل مايمشي قالي ياريت تأخذ كل متعلقاتك الشخصية من السيارة, لحد هنا ماشي, بعدين قاللي كمان فك وش الكاسيت وخده معاك هو والولاعة!!!
ليه يا عم كل ده؟ تعليمات الادارة.ماشي ونفذت التعليمات بالحرف.
المفاجأة أنه بعد كل الاحتياطات الأمنية دي, فوجئت النهاردة بأن الطفاية الصغيرة اللي جنبي في العربية مش موجودة. يمين شمال , اختفت !!!
عرفت أنها أتقلبت أمبارح في التوكيل. وغلطتي أني مشيكتش على العربية كويس قبل مأستلم:(
الحمد لله على كل شيء.
نصيحتي لكل واحد رايح يعمل صيانة في أبو رواش, شنطة كبيرة و أجمع كل اللي في عربيتك وخده معاك, أي حاجة مهما كانت صغيرة خدها معاك لأن الوضع هناك مش أمان خاص .

**KoDaK_Gti** · 23-10-2008 02:37 AM

لو منك متسبهاش وروح اعملهم باللو هناك
ماهو لو انت سكت وغيرك راح واتسرق وسكت يبقة العمال مش هيبطلو سرقة
لكن لما انت تشتكى وغيرك يشتكى هيشدوا جامد على العمال

**AhmedSarhan** · 23-10-2008 02:56 AM

لا حول ولا قوة الا بالله.....ربنا يعوض عليك...بس اوعى تسيب حقك

**kimo-nubira** · 23-10-2008 03:02 AM

والله مابقاش فيه كلام يتقال على غبور تاني صاينه ضايعه وكمان سرقه
الله يكون فى عون كل واحد بيروحله بس نصيحه من اخ
ماتسكتش على اللى حصل ده وروح اعملهم مشكله وزعق وهاتخد حقك بالزوق
ولو منفعش عليك وعلى حمايه المستهلك هايطلعو عينهم وربنا معاك وماتزعلش نفسك

**dr.ahmed** · 23-10-2008 03:46 AM

اتسرق منى فى صيانة ال (5) وال(15) الف علب السجاير وزجاجتين برفان واتقلبت الشنطة الخلفية .... وغلطتى انى فعلا ما اتكلمتش
بس تعالى كدة نقول لنفسنا حاجة .... يعنى لو اتكلمت وعملت الباللو زى ما بتقولوا حاخد اية غير انى انا اللى غلطان وحضيع وقتى اللى مابصدق انى اغور من وشهم واتشاهد انى طلعت بعربيتى سليم من وكر غبور الله يسامحة على اللى بيعملوا فينا
لنا الله من قبل ومن بعد فى هذة البلد بكل اللى فيها من نصب واحتيال وخراب الضمير

**فنان** · 23-10-2008 04:10 AM

هددهم بعمل محضر فى القسم فورا واذا لم تظهر المسروقات خلال نص ساعة روح القسم واعملهم محضر اتهم فيه اللى استلم منك السيارة ده توكيل ايه ده دا شوية حرامية وياحبذا لو اتجمع كام واحد من اللى اتسرقوا وتعملوا محضر جماعى هتكون النتيجة افضل كفاية ان سمعة العامل المصرى الفنية بقت فى الارض ويسرق كمان

**mahamedaraby** · 23-10-2008 04:14 AM

انا مش عارف غبور ده ايه

ده ولا اكنه شركه قطاع عام ياعم ده انت لو رحت النصر علشان تصلح عربيتك مش هيعملوا كده

انا مش عارف الناس دى بتفكر ازاى يعنى مش همه يفقد سمعته ولا همه اى حاجه

وفين حمايه المستهلك

**r0xer** · 23-10-2008 11:35 AM

للأسف! مش هتقدر تعمل حاجة.

حضرتك و أنت بتديلهم العربية مضيت على إن أي متعلقات شخصية في السيارة هم غير مسؤولين عنها :)

فعشان كدا وفر التعب على نفسك، ولكن يكفي إرسال شكوى لواحدة من الناس الكبار هناك "عبر إرسال إيميل لهم" وهديلك الميل على الخاص لو حبيت..و أهو يتلمو شوية أو حتى يعملو تحقيق ولو حتى معملوش حاجة فتبقى عملت اللي عليك.

**AHMEDCAR** · 23-10-2008 12:24 PM

اول مره اسمع الكلام ده انا و الحمد لله بروح و اسيب الكاسيت و الولاعه و كمان الرفان بتاعى و كل حاجه بسيبها فى العربيه عادى جدا و الحمد لله مافيش حاجه من الحاجات دى حصلت

ربنا يعوض عليك